# Tuk vak tapa, meng bruk kham merat di dom pakat, dom gah song di mik va dom bangsa, bruk KTXH di tỉnh Lạng Sơn dok hu tani tanat, rai duik di bhap bini dak harei dak tagok. Thun 2015, Lạng Sơn hu peih ngak siam dom danak dak dự án yau: danak dak dong patagok  ngak mbang pala drak di danak dak 135 brei mesraiy labaih 31 tỷ đồng ka 35.000 boh sang kan kathaot, daong brei mesraiy yaom laba lap ka labaih 4000 boh sang kan kathaot saong yaom jien abih tih jiak 160 tỷ đồng.

# Barau ini di xã bhum glaong Hướng Linh, huyện Hướng Hóa, tỉnh Quảng Trị, Công ty điện lực Quảng Trị hu tabiak bruk daong dui talei menyek, bảng điện, bóng menyek compact patak pataom meneyk saong peih bruk dut iek, salih he thong menyek dalam sang ka 120 sang bhapbini bangsa takik dalam xa saong pathau khan pandar menyek siam, patak pataom.

# Kayua hangin bilan Đông Bắc, dom harei tapa bruk ia mbang tame taneh, ngak glut jaleih takai tasik di tỉnh Thừa Thiên Huế rah tabiak khang. Tui kuhria dalam tỉnh hu 10 labik glut jaleih atah abih tih 170 km, ngak kan kandah tal rai duik di yaok rituh boh sang. Ong Phan Thanh Hùng, Chánh văn phòng Ban Chỉ huy pacang caga bala song dong duah urang gaok bala tỉnh Thừa Thiên-Huế brei thau:

Dalam jalan ngak anak meta gah tỉnh hu dom jalan ngak lingiu công trình. Pagap yau jhul pakhang bruk quy hoạch pala veik glai caga tapen tasik. Ka dua lac khik ramik bruk mek cuah, oh brei mek cuah ngak jaleih takai tasik piah patrun khat lihik ka bhap bini.

# Urak ini, tỉnh Đắc Nông hu jaik 60 danao ia thu abih, dom danao daok veik oh ginup ia piah pruh. Bilan pala ini, jaik 12 rabau hecat caphe saong amraik kalu kurang ia pruh, trun nang suat meng 25 tal 50%, dalam nan hu labaih 700 héc ta cà phê saong amraik kalu lahik abih. Karja, gah ngak nong saong bhapbini tỉnh Đắc Nông daok kham merat peih ngak dom bruk caga pandiak bhang ye : kuac dom danao ia, kuac bingun, ngak dom binek tạm pacang ia kraong craoh piah mek  ia pruh.

#  Hiệp hội rong glang tỉnh Đồng Nai dok pambuak bruk song Hợp tác xã Dịch vụ rong glang Đồng Hiệp, tỉnh Đồng Nai piah peih 7 labik pablei rilaow pabui, ralaow menuk tui tanut VietGAHP..Tui kuhria dom labik pablei nan hu peih tabiak dahlau tết nguyên đán 2016. Ni lac sa jalan ngak dok dalam danak dak padang angan je pandap mbang hacih saat song patagok dự án tui jalan sx, chế biến, pablei  pandap rong hacih saat sinh học meng var ro tal labik mbang di Hiệp hội rong glang Đồng Nai. 

# Pagaiy harei 15/12, Liên hiệp Hợp tác xã pablei salih ban raya Hồ Chí Minh (Saigon Co.op) brei 59 paok jien bac Saigon Co.op – ba jalan harei hadei mbang yaka 7. Yaok paok jien bac yaom meng 5 triệu tal 7 triệu đồng. Sinh viên Nguyễn Thị Thoại Anh, sang bac Đại học Kinh tế -Luật, Đại học Quốc gia ban raya Hồ Chí Minh ndom lac : Tuk dahlak taduan hu paok jien bac ini dahlak biak bui sambai saong nyu biak hu makna ngan saong dahlak, kayua jaik tal tuk kak jien bac học kỳ 2. Ini lac paok jien oh sit ngan saong sang dahlak. Nyu daong pren ka dahlak, yaok harei dahlak njauk kham merat rilo jang, bac biak joi piah harei hadei hu bruk ngak siam.

# Harei patom rayo papar binguk pakat negar mbang ka 35 hu peih tabiak di tỉnh Quảng Bình meng harei 16 tal harei 19/12/2015. Harei patom mbang ni hu jiak 500 tác phẩm tame pakacah tui dom thể loại yau: danak dak ka uranaih, Phim tài liệu, Phóng sự, danak dak Chuyên đề - Khoa giáo, danak dak rayo papar binguk sap bangsa takik. Harei patom rayo papar binguk mbang 35 daok pachreih dom jalan ngak bahrau, hadah krah, dom tác phẩm brei mboh dom kadha bahrau di puk palei, brei mboh dom jak jeng dalam bruk chính trị, KT,ilamu, XH di taneh ia  

Khaw tin dunya

# Harei 15/12, ribuk Mê-lô (Melor) tuh tame gah kreh negar Philippin, ba tui hajan praong, angin khang ngak ka yaok trieu urang oh hu menyek truic. Hu takik di abih 3 urang metai kayua ribuk. Karja Philippin njauk klak 16 mbang par dalam taneh ia di harei 15/12, saong klak 56 mbang par dahlau nan kayua lingik jhak.

 #  Tapa duah thau hatai sahneng di menuac sia kayua Nhật báo phố Uôn (Wall) peih ngak brei thau di harei 14/12 mboh lac, urang pachreih tui Tổng thống Ô-ba-ma (Obama) trun di tanut beir di abih dalam thun ni, dok 43%. Ni lac bruk pachreih tui beir di abih di urang Mỹ brei ka ong Ô-ba-ma kuhria meng bilan 8/2014 mai ini.

# Harei 14/12, danakdak patagok di Liên hợp quốc hu tabiak harak pathau khan patagok menuac urang yaok thun di tổ chức ini. Tui pathau khan,  urak ini di dunya hu jaik 200 triệu urang lahik bruk ngak, 830 triệu urang daok diuk ala tanut 2 đô la Mỹ sa harei. Pathau khan hu panuac ieu salih sarak ka urang ngak piah paglaong jang raidiuk di bhapbini. Langiu di nan, pathau khan thun ini jeng hu ndom tal bruk sangka rilo jang tal raidiuk urang taha, piah dom urang nan hu iek glang siam jang hadei di tuk padheih bruk.