1/ Kapul njauk jru klik kroi ban Đà Nẵng pambuak song dom DN peih bruk  alin hadiah 700 pok pandap ka uranaih lac urang njauk jru klik kroc. Dom pok pandap hu har, kẹo, saradang ia tasau, jien song lồng đèn yaom abih tih labaih 150 triệu đồng, dong ka dom adei hu uan raok tết trung dalam bui sambai haniem phol. Amuk Nguyễn Thị Hiền, Akaok kapul  urang njauk jruk klik kroc ban Đà Nẵng brei thau:

Pok pandap yaom lac sit min hatai biak prong dalam bilan trung thu pachreih ba  ka dom urang njauk jru klik kroc piah ba drei tame bhap bini. Hulin cong khin lac, dalam tuk vak tal dom kapul nyaom menuac urang dalam song langiu negar hu mbaok tame, klah rabha dom pandik harao di urang njauk jru klik kroc

2# Di huyện Ea Súp, Sở Lao động- Thương binh saong Xã hội tỉnh Đắc Lắc, Tỉnh Đoàn saong Ủy ban bhapbini huyện Ea Súp pambuak gauk peih ngak danakdak  “melam roya ia bilan bak baoh ka uranaih kan kandah bhum biên giới”. Labaih 1.500 adei uranaih di dom xã dalam huyện Ea Sup hu pataom gauk di sang ilimo pasak huyện piah hu mbaok tame danakdak .

3/ Pasak pajaih kaya ikan tỉnh Quảng Ngãi peih bruk palao 70.000 drei rieng hajao 60 harei di labik Cửa Lở, piah pasiam kaya ikan di angaok krong Vệ. Hu thau meng akaok thun tal ni, Pasak pajaih kaya ikan tỉnh Quảng Ngải hu palao 130 ribau drei rieng hijao, 120 ribau ikan ia taba song labaih 1 triệu 200 drei hadang sú piah pasiam bruk rong kaya ikan di angaok krong, danao di tỉnh Quảng Ngãi.

4# Dalam tuk pahdar harei Sân khấu Việt Nam mbang yaka VI, ban sit Cần Thơ  barau peih pakak labik hậu cứ đoàn cải lương Tây Đô  di xã Mỹ Khánh, huyện Phong Điền. Công trình  hu jien buh tame ngak abih tih labaih 23 tỷ đồng hu dom hạng mục lac: 35 sang công vụ, labik ngak bruk, sang pasram saong dom janih hạ tầng kỹ thuật karei karei. Ông Phan Thiện Minh – akoak đoàn cải lương Tây Đô  khan lac :

 Băng: Tal harei giỗ ba gauk kuhria, ba gauk ngak. Thun ini sa bruk bui sambai lac hu sa labik hậu cứ praong, siam yau ini adei saai biak bui. Meng bruk drei daok di labik ia dauk, urak ini drei mai pak ini njauk ndom lac bui samabi lô, dua tra veik adei saai sahanag hatai ngak bruk.

5/ Kapul ngak bruk di mintri ngak nong song patagok palei pala hu ngak bruk song tỉnh Phú Yên ka bruk peih ngak Nghị định 67 ka sarak patagok kaya ikan. Tỉnh Phú Yên hu mintri ngak nong song patagok palei pala parabha phun jien ngak bahrau 190 kapan ikan. Urak ni, tỉnh Phú Yên hu mbaoh tame tangin harak brei ngak 18 kapan tong ikan kanduh kayau song 1 kapan kanduh pasei ngan song yaom jien labaih 170 tỷ đồng.

6# Ủy ban bhapbini tỉnh Kiên Giang barau ngak bruk saong kapul Vụ Đông Á – mintri Ngoại Giao Thái Lan. Brei panuac di var ngak bruk, Phó akaok Ủy ban bhapbini tỉnh Kiên Giang ndom lac rajaei Việt Nam, karja tỉnh Kiên Giang oh ciuk bruk kapul chấp pháp Thái Lan pandar phao ndao piah langyah dalam bruk urang ngak ikan tỉnh Kiên Giang – Việt Nam ngak suan bruk taong cap ikan di bhum tasik taphia taneh ia Thai Lan. Phó vụ Đông Á mintri ngoại giao Thái Lan ndom lac bruk srau kadau meng blaoh gah Thái Lan langyah oh siam.

7/ Urak ni, tỉnh Tiền Giang hu dom menuac urang eng drei nao pambuak bruk song dom pasak, dom jabat, sang bac pato peih radeih langiu tỉn, peih bruk pato, brei harak adat peih radeih ô tô oh njauk adat hukum. Bruk njauk nyai nan lac bruk bac lý thuyết song thực hành peih radeih oh ginup asar kadha, tuk vak ba tabiak min dok hu “hợp thức hóa” ka urang bac nao pakacah song brei harak bằng peih radeih ô tô. Bruk ni meda ba tal bala khang angaok jalan nao mai tuk urang peih radeih oh hu pato njauk kadha.

Khaw tin dunya                                      

8# Dom urang njauk ruak aih traoh daok tagok khang di Cộng hòa dân chủ (CHDC) Công-gô. Kuhria meng akoak thun tal ini hu labaih 1 rabau urang njaom ruak di taneh ia châu Phi ini saong takik abih 52 urang metai. Makna brei thau lac kayua kurang ia rah tabiak dalam tukvak tapa ngak ka rilo urang njauk pandar ia nerak piah ngak mbang ngak huak yaok harei.

    9/ Di ban Phai-đrích-xa-phen (Friedrichshafen), gah merong negar  Đức, rah tabiak mbang parang iek dom janih pandap thể thao di ala ia In-tơ-bút (Interboot 2015). Hu labaih 500 công ty sản xuất mai meng 20 negar ba tal darak pasa thun ni dom janih yau pakacah thuyền buồm, lướt ván, lướt sóng, pakacah ca-nô….song rilo pandap karei karei pabak ka dom bruk main bahrau yau chat riyak, njuk ia tasik atau săn ikan.

10# Cảnh sát In-đô-nê-xi-a barau mek khik 18 urang di cư gan di bhum tasik langiu pulao Gia-va (Java) kayua gilai di dom urang ini abih menyek tuk daok di jalan nao tal Ô-x-trây-li-a. Tui dom urang ngak praong di Indonesia brei thau, kapul urang ini mai meng taneh ia Băng-la-đét, Ấn Độ saong Pakixtan./.