#/ Mintri ngak nong song patagok palei pala patabiak jalan pato pakai bruk ngak nong ka urang ngak palei pala tuk vak 2016-2020. Tui bruk ba tabiak, tuk vak ni meda dong pato bruk ngak nong ka urang ngak palei pala lac 1,4 triệu urang. Taphia di nan, hadei di mbang pato pakai, takik di abih 80%, urang bac hu bruk ngak bahrau atau meda ngak bruk klak min năng suất saong jien mek tame rilo jang.

#/ Thun 2016, meng hu mesraiy gac 20 triệu đồng , saai Rơ Chăm Quý daok di Plei Ngay Yo, xã Ia Ka, huyện Iagrai, tỉnh Gia Lai hu đầu tư patagok kinh tế meng jalan raong glang, rik daong paglaong jien mek tame. Ngan saong  1,7 héc ta cà phê, 100 geng amraih kalu, 2 sào danao raong ikan saong 30 drei pabui hu ba mai ka baoh sang saai labaih 100 triệu đồng jien laba. Dom mô hình kinh tế patagok kein lagaih, jien mek tame tani tanat, nan ye saai Rơ Chăm Quý hu blei ginup pandap panda piah baoh sang uan rok tết cổ truyền di bangsa.

#/ Kayua dom mbang hajan meng bloh, njam patam, boh karaoh meng bhum pala njam di tỉnh  Lâm đồng mai ban raya HCM dalam dom harei Tết ni trun khang. Dom harei ni, yaom njam di dom darak pasa meng kan di ban raya hu tagok. Urak ni dom DN pala njam di Lâm đồng hu jao njam ka dom siêu thị tui  hợp đồng. Njam patam mai darak đầu mối song pasa pablei sit dok trun 30%. Yau nan ye, hu rilo khả năng meng ni tal tết, yaom njam di pasa daok tagok.

#/ Hadei di mbang hajan sung bilan kayua  áp thấp nhiệt đới meng bloh, dom bein durieng di huyện Krông Păk, tỉnh Đắk Lắk nyu ka iu hala, thu dhar bloh metai ralo, ngak ka urang nông biak duh hatai. Dom harei jaik tết nguyên đán, mikva di labik ini hu duah yaok jalan ngak piah daong ka phun, min oh ka hu siam lagaih.   

  #/ Di xã Tân Hội, huyện Tân Châu, tỉnh Tây Ninh 100 pok pandap Tết hu jao tal tangin dom urang umo glong hu rai duik kan kandah, urang sup meta di puk palei. Yaok pok pandap hu yaom 200 ribau đồng, kayua Chi hội dong ba urang kan Duyên Lành Tân Châu pachreih ba jru  Thích Thiện Ngộ- trụ trì baha Thiền Lâm ban sit Tây Ninh song dom phật tử dong .

#/ Tukvak 2017-2020, tỉnh Vĩnh Long kham merat pato bruk ngak ka 25.000 urang ngak palei pala, dalam nan pato bruk ngak nông ka urang ngak palei pala duh ka dom bhum sản xuất pandap panda tập trung lac 6.625 urang; pato bruk ngak phi nông nghiệp ka urang ngak palei pala ngak dịch vụ nông nghiệp, pabak 18.375 urang ngak ka darak pasar dalam taneh ia saong pambuak bruk lao động dunya. Tapa pato bruk ngak, 80% urang ngak palei pala tagok hu bruk ngak tani tanat saong patagok jien mek tame.   

#/ Công ty cổ phần Gò Đàng (GODACO ), khu công nghiệp An Hiệp, xã An Hiệp, huyện Châu Thành, tỉnh Bến Tre peih pakak sang mac ngak pandap mbang cao cấp meng kaya ikan, ginup điều kiện pablei tapa dom negar Liên minh châu Âu (EU), Mỹ, Nhật.  Sang mac hu padang ngak di mblang taneh prong  20.000m2, phun  jien buh tabiak ngak 20 triệu USD, công nghệ kayua Công ty GFS Thái Lan salih tapa, công suất 10.000 tấn pandap dom janih ka sa thun, dong bruk ngak ka labaih 400 urang ngak.

Patui di ini dom khau tin dunya:

#/ Thượng viện Cộng hòa Séc hu buh phiếu brei tapa sa dự luật oh brei njuk pakao di dom quán bar, nhà hàng. Ini lac sa bruk kham merat di dom urang ngak hukum piah khik catang bruk pablei salih pakao saong khik caga pren yava bhap bini. Tui akaok mintri y tế Mi-lô-xlap Lút-vích, dự luật angaok nan lac sa jalan nao praong piah khik caga pren yava bhap bini, abih di nyu nan lac rai ranaih tuk bhian laik tame bruk njuk rilo pakao saong ia menyum hu cồn rilo di abih dalam châu Âu.

#/ Takik di abih 24 uranaih metai dalam sa mbang radeih ginuk gauk rah tabiak di bang  Út-ta Pra-đét (Uttar Pradesh), gah barak negar ni. Sa cảnh sát urang dang akaok brei thau, radeih buýt di sang bac pajeng dom adei njauk sa radeih tải pajenmg cuah ginuk tame. Lingiu dom urang metai nan,, daok hu labaih 20 uranaih karei njauk rambuac. Dom uranaih ni umo meng 3 tal 12 thun dok bac di sang sang bac di ban sit Ê-ta (Etah). 

#/ Tổng thống barau di Bulgaria Rumen Radev brei thau, meda giải tán QH dalam sa adit tra. Ong Radev – urang dahlau daih lac tư lệnh không quân saong lac urang barau hu mbaok tame chính trường, hu tuyên thệ nhậm chức saong tagok ngak tổng thống di harei 22/1./.