# Thủ tướng rajaei mbaoh tangin tame danh mục yaom jien mesraiy pabak dự án patrun kathaot dom tỉnh bhum ceik gah brak – mbang 2 mesraiy phun jien gilang pariak dunya (ieu lac WB). Dự án angaok nan hu peih ngak dalam 3 thun (meng bilan 7/2015 tal bilan 6/2018) di 6 tỉnh: Lào Cai, Yên Bái, Lai Châu, Điện Biên, Sơn La, Hòa Bình saong yaom jien peih ngak abih tih 110 triệu USD

# Bộ Giao thông Vận tải bahrau hu harak ka bruk caga pabak siam bruk caong nao mai di bhap bini dalam tuk Tết Dương lịch, Tết Nguyên đán saong bilan Lễ hội xuân Ất Mùi thun 2015. Tui nan, dom Sở  Giao thông Vận tải, dom đơn vị, kapul nyaom, menuac urang hu pambuak tal bruk nan, brei kuhria bruk pajeng ba pabak ka bruk nao mai, oh caik ka bhap bini suai hu nao palei mbang Tết kayua oh hu radaih pajeng.

# UB bhap bini tỉnh Quảng Bình barau buh tabiak jaik 10 tỷ đồng daong ka urang taong ikan dom puk palei blei xăng menyek, mac thông tin liên lạc, bảo hiểm rup kapal, bảo hiểm bala ka thuyền viên sanang hatai nao tasik. Meng akaok thun tal ini, tỉnh Quảng Bình hu brei mesraiy labaih 100 tỷ đồng daong ka urang taong ikan nao tasik.

# Di tỉnh Quảng Ngãi, rilo doanh nghiệp hu jao glai saong taneh glai praong min pandar oh hu kein laba. Di dua huyện bhum ceik Ba Tơ saong Trà Bồng hu 7 doanh nghiệp hu jao labaih 20.300 ha glai saong taneh glai min hu jaik 7.400 ha  taneh bilau, njauk bhap bini lih mek.

# Di mbang họp báo harei 12/12, UB bhap bini tỉnh Bến Tre brei thau: harei pataom li-u Bến Tre mbang ka IV 2015 hu peih ngak praong pakat negar, rah tabiak dalam 7 harei (meng harei 7/4/2015 tal harei 13/4/2015) di ban sit Bến Tre saong dom puk aplei dalam tỉnh.

# Thun 2014, tỉnh An Giang peih ngak danak dak rami ramik veik gah ngak nong, dalam nan pataom tame bruk patrun patakik taneh ngak padai, patagok taneh pala njam patam, baoh kraoh. Saong brei patagok bruk ba ilamu bahrau tame pala drak, mek hu siam mekre yau ye sản lượng padai hu labaih 4 triệu tấn, rilo jang labaih 17.000 tấn duh haong thun dahlau. 

Patui di ini dom khau tin dunya:

# Thứ trưởng ngoại giao Iran Áp-bát A-ra-chi brei thau, Iran hu pambuak veik dom mbang ginum meyai hạt nhân saong kapul P5 pagam 1 (nan lac 5 taneh ia ủy viên thường trực hội đồng bảo an LHQ saong Đức) di harei 17/12 tal di ban Giơ-ne-vơ, Thụy Sĩ.

         # Mintri Ngoại giao Mỹ brei thau, Ngoại trưởng Mỹ Giôn Keri meda nao tal Rôm, Italia di harei adit 14-12 piah ginum biai haong Thủ tướng Ixraen Nê-ta-ni-a-hu ka dom bruk rah tabiak di Ixraen saong Bờ Tây.  Bruk ginum biai rah tabiak dalam tuk Ixraen daok tame bruk jak ba tranh cử ka mbang pilih ruah di bilan 3, thun hadei. Tui urang brei panuac di Mintri Ngoại giao Mỹ Gien Sa-ki (Jen Psaki), bruk ginum biai hu ndom tal dom panuac ba tabiak di Liên hợp quốc ka bruk padang karja Palextin.

#  Dalam mbang họp báo di ban Geneva, Thụy Sỹ, urang đặc phái ka Ebola di LHQ David Nabarro brei thau, jit Ebola jeng daok rah tabiak  khang di tây phi, abih di nyu nan lac di bhum pai Sierra Leone saong Guinea. Ralo urang y tế saong dom chuyên gia taneh ia langiu jeng daok mesruh saong jit ruak dalam bhum taneh ini./.