1./Hu adat di Thủ tướng Rajaei, Mintri Lao động, Thương binh saong Xã hội hu pathau tagok akaok negar ka yaom pandap alin brei dom urang buh pren yava ka cách mạng tuk tame Tết sak pabe thun 2015. Tui nan, pandap alin hu parabha jeng 2 yaom: 400.000 đồng saong 200.000 đồng. Abih tih yaom jien piah blei pandap alin tuk Tết sak pabe thun 2015 lac 423.518 triệu đồng. 

2/ Urak ini, lingik li-ar tuh mai tal Lào Cai gam tui hajan khang. Dom labik dalam tỉnh langik ralo aih ngin, hu hajan mbiah, hu labik hu hajan khang gam tui ngin ribuk. Ia hajan meng 40 tal 70mm, glaong di abih tal 100mm. Tui kuhria mboh dahlau mbang hajan ini meda dui atah rilo harei. Kayua hajan khang đột ngột, bhpa bini bhum ceik daok tapen dom craoh hu độ dốc praong, labik hu địa hình kan kandah brei pacang caga ia sua, jaleih haluk saong pacang caga li-ar ka menuac saong phun pala, athur raong.

3./ 100 tỷ đồng lac yaom jien Tập đoàn Điện lực Việt Nam pabak brei ka dự án di dân tái định cư thủy điện Sơn La dalam tỉnh Lai Châu thun 2014. Tui nan, tỉnh Lai Châu hu parabha jien ka dom phương án bồi thường, daong labik daok bahrau, quyết toán dom dự án padang ngak meng thun 2014 saong hu caik labaih 64 tỷ đồng piah peih ngak dom bruk brei ngak salah dalam thun ini.

4/ Di ban sit Cai Lậy  tỉnh Tiền Giang, Ủy ban bhap bini tỉnh peih bruk truy tặng angan amaik VNAH ka 52 amaik metai bloh dalam ban sit. Tapa nan, tỉnh peih tabiak bruk taong abih bhap bini pakcah gauk iek glang amaik VNAH, iek glang rai diuk baoh sang sarak karja daok sa drei, jhul pakhang bruk bayar dhar phol.

5./Ủy ban bhap bini ban sit Cần Thơ hu patabiak Kế hoạch 113 ka bruk daong adat hukum thun 2015. Tui nan, dom jalan daong adat hukum hu peih ngak yau ye: khan brei thau adat hukum, hu mbaok tame bruk pathau gauk saong dom jalan daong adat hukum karei brei peih ngak siam. Kế hoạch tacei lac, kham merat dalam thun 2015, bruk daong adat hukum pabak hu taong abih bruk caong daong di urang kan kathaot, urang buh pren yava ka cách mạng, urang jaoh jo, urang oh ka thành niên saong dom urang karei tui quy định di hukum. 

6/ Thun 2015, tỉnh Cà Mau kham merat ba bruk ngak ka 35.000 urang, patagok 5.000 urang ngak duk saong thun 2014. Tui kuhria dahlau, 10.000 urang ngak hu ba tame ngak dalam dom sang máy chế biến kaya ikan pablei tabiak negar langiu, 15.000 urang ngak hu ba tame ngak gah ngak nông saong ngak glai, 10.000 urang ngak hu ba tame ngak dalam dom janih dịch vụ. Bruk ba urang ngak tame ngak thun 2015 brei pabak hu dua tanut nan lac tani tanat bruk ngak saong tani tanat jien mek tame.

7./ Công ty du lịch Saigontourist brei thau, công ty daok jhul samar bruk peih dom tour du lịch tal Nam Mỹ, praong di abih nan lac tal Cuba. Tui nan, tuai Việt Nam nao tui tour ini hu nao tal dom labik hu angan di ban ine Havana; pháo đài cổ El Morro; khu phố cổ Vieja Havana, cửa hàng xì gà Cuba saong labik ngak alak Rhum…

Patui di ini dom khau tin dunya:

8/ Patui bruk pahadar 20 thun Luong Prabang hu pok brei angan lac inem krung dunya, pasak khik ramik lamen di Lào daok duah dom gah pambuak bruk peih sự kiện piah ba Caravan lamen saong dom var trình diễn jeng sa dalam dom kadha ilamu praong di abih di Lào dalam thun 2015.  

9./Tui Mintri Ngoại giao Mỹ, ong John Kerry Ngoại trưởng taneh ia ini meda nao rivang Ấn Độ di harei 10.1. Tapa nan, ong Kerry meda hu mbaok tame nyom biai ka bruk patagok kinh tế khang kajap di gah ngak mbang pablei salih saong nhà sáng chế di Ahmedabad. 

10/ Barau ini, Thống đốc Jakarta Basuki Tjahaja Purnama brei thau, hu phê duyệt dự án padang palei VĐV ngan saong yaom jien 1,2 tỷ rupiah (nan lac labaih 10 triệu USD) piah caga ka nyaom roya Thể thao châu Á (Asian Games) 2018. Palei VĐV Asian Games 2018 hu padang di quận  Kê-mây-ô-ran di angaok taneh praong 11ha saong tui kuhria hu ngak salah bloh di thun 2017./.