1# Danakdak kapal dam dara Đông Nam Á saong Nhật Bản mbang yaka 42 (SSEAYP 2015)di ban raya Hồ Chí Minh meda rah tabiak meng harei 17 tal   21/11, hu mbaok 329 urang di 10 taneh ia ASEAN saong  Nhật Bản. Danakdak SSEAYP 2015 thun ini meda pataom tame dom bruk ilimo, taom gaok mbeik drei tame piah pamaong tal bruk dak padang Cộng đồng kinh tế ASEAN di puac thun ini. Dalam dom harei daok di ban raya HCM, dom urang nan  meda nao ravang Miuyim ban raya, đền Bến Dược, địa đạo Củ Chi, duah thau dom ilimo ye alat ragam bangsa Việt Nam.

2/ Anak bruk mehit lac vắcxin Quinvaxem (5 dalam 1) hu ngak tabiak di HQ, ba tame VN pandar iek lac oh an toàn, ong Kohei Toda, chuyên gia di gah Y tế dunya (ieu lac WHO) hu panuac lac Quinvaxem pandar di VN lac an toàn. Vắcxin Quinvaxem hu WHO pasang iek taong yaom ka chất lượng di thun 2006. meng thun 2010 tal urak ini, VN pandar jaik 25 triệu liều. Uranaih metai hadei di klauk vacxin Quinvaxem oh rilo jang duk saong thun dahlau, 94% urang sốc phản vệ hu siam veik. Dom urang metai nan ralo meng lac kayua trùng hợp ngẫu nhiên atau kayua makna karei. 

3# Bruk pok meyaom dom urang gru pato saong urang jakar khik ramik hadah trah dalam bruk pato pakai uranaih jaok jo pakat negar mbang yaka 3 meda hu mintri pato megru peih ngak di HN dalam 2 harei 25 saong 26/11/2015. Urang mai meng dom tỉnh, ban meda tame ravang Khu inem mek Chủ tịch Hồ Chí Minh di jabat Chủ tịch; taom gaok phaok akaok taneh ia Nguyễn Thị Doan saong hu mbaok tame nyaom biai salih barau bruk mbeik drei tame di anek saih jaok jo Mầm non, Tiểu học saong Trung học. Dahlau nan, akaok mintri pato megru hu Quyết định alin harak meyaom ka 194 gru bac saong urang jakar khik ramik hu ngak bruk siam dalam bruk pato pakai anek saih jaok jo.  

4/ Peih bruk jak ba “taong abih bhap bini jum pataom dak padang rai diuk ilamu di labik daok”, “harei ka urang kan kathaot”, 15 thun tapa, MT negar dom pakat tỉnh Bình Phước hu jak ba bhap bini dalam tỉnh daong ka 120.000 mbang baoh sang kan kathaot mesraiy phun jien patagok kinh tế oh mek laba abih tih labaih 230 tỷ đồng; jaik 2,1 triệu phun pajaih; labaih 127.000 drei pajaih saong jaik 192.000 harei ngak bruk. Mban jak ba harei ka  urang kan kathoat dom pakat dalam tỉnh taduan hu jien daong labaih 39 tỷ đồng. Meng kadung jien angaok nan, tỉnh hu ngak 6.528 baoh sang jum pataom ka dom baoh sang kan kathaot tui yaom jien abih tih labaih 81 tỷ đồng.

5#  5 thun tapa, dom pakat kapul urang nong tỉnh Trà Vinh hu 359.567 mbang sang urang nong tut angan “ ngak mbang pablei salih joi. Tapa pilih ruah hu 197.279 mbang sang urang nong, dalam nan hu rilo sang bhapbini bangsa takik mek hu angan ini. Abih di nyu nan lac, hu rilo sang khik hu angan dalam 3 tal 5 thun hamiet, hu jien mek tame bair abih labaih 60 triệu đồng/sa thun saong  glaong abih labaih 500 triệu đồng/ sa thun.

6/ Harei 13/11, UB bhap bini ban Cần Thơ hu tabiak quyết định peih bruk khik ramik saong patagok darak nổi Cái Răng jeng drak đầu mối kaya nông ka bhum taneran kraong Cửu Long saong duh ka bruk rivang iek di tuai damuai dalam saong langiu taneh ia. Tui nan, bruk khik ramik tamo drak nổi, oh rami ramik veik, oh ngak salih barau dom bruk pablei salih meng kan, khik kein laba ka bhap bini saong khik kajap an ninh trật tự, vệ sinh môi trường tui jalan khang kajap… abih tih jien peih ngak tui kuhria jaik 26 tỉ đồng.

7# Meng bruk jak ba “ dak padang sang 5 oh – 3 hacih” saong rilo bruk ngak karei di gauk, dom pakat kapul lien hiep urang kumei tỉnh An Giang patak pataom hu labaih 10 tỉ đồng, daong jien ka 2.513 hội viên urang kumei kathaot ngak kinh te, yam tagok patruh kathaot, tani tanat raidiuk. Taphia nan, ngak tui bruk padang nagk palei pala barau pambuak pagam saong bruk pakacah “Jak ba gheih”, dom pakat kapul urang kumei An Giang daok peih bruk pathau khan ka 269.414 sang hội viên peih ngak dom mô hình ye: Tổ urang kumei palahik tệ nạn xã hội; daong gauk blei bảo hiểm y tế; raong glang siam saong alam môi trường.

Patui di ini dom khau tin dunya:

8/ Dom urang ilamu Mỹ barau duah mboh sa vật thể dreih yau baoh taneh di labik atah hệ mặt trời di abih. Vật thể  hu băng me-om sre, hu đi7ờng kính meng 500 tal 1000 km, atah baoh taneh jaik 16 tỷ km.

9# Tổng thống Hàn Quốc Pắc Cưn Hê (Park Geun Hye) harei 13/11 ieu Thủ tướng Nhật Bản Xindô Abê (Shinzo Abe) ba tabiak quyết định piah langyah bruk dom urang kumei Hàn Quốc mek ngak nô lệ tình dục ka dom urang lin Nhật Bản dalam mesruh metak dunya mbang ka 2. Tổng thống Hàn Quốc ieu rajaei Nhat Ban samal duah tabiak jalan ngak njauk hatai hu di dom urang njauk bala saong hu maong lac siam ngan saong bhapbini Hàn Quốc piah pasiam danh dự ka 47 urang gaok bala daok diuk saong pasiam dom pandik harao ka dom urang ini dahlau di tuk dom urang ini metai nao.

10/ Nhà trắng daok pachreih QH Mỹ brei tapa dom dự thảo piah khik caga quyền lợi di urang lin. Dalam nan hu dự luật pacang dom sang bac đại học lợi dụng sarak daong pato megru di rajaei brei ka dom urang lin, tuk patagok tuyển sinh đối tượng ini min oh pabak bruk pato megru chất lượng./.