1/ Pahadar harei gru jru VN song pahadar 60 thun gah Y tế ngak tui panuac Wa (27/2/1955-27/2/2015) melam 5/2, di HN, mintri Y tế, Mbao pren yava song rai duik peih danak dak pok meyaom gru jru VN “Sự hy sinh thầm lặng” song lễ jao giải thưởng bruk pakacah cih kadha vak “Sự hy sinh thầm lặng” mbang ka 3. Danak dak kayua mintri y tế, mbao pren yava song rai duik, VTV peih ngak. Giải nhất di bruk pakacah “Sự hy sinh thầm lặng” mbang ka III hu pok brei Nhà báo Nguyễn Thị Khánh Ly - Báo Vnexpress ngan song kadha vak : “Bác sĩ nơi đầu sóng ngọn gió” . Rilo urang vak mbao, urang jakar y tế jeng hu dom kadha vak mek hu giải di mbang pakacah.

2/ Harei 5/2, ong Đặng Ngọc Tùng, akaok Tổng Liên đoàn Lao động Việt Nam hu nao rivang saong alin hadiah jamriak thông tin liên lac trạm bờ yaom 250 triệu đồng ka Nghiệp đoàn ngak ikan xã Tam Giang, huyện Núi Thành, tỉnh Quảng Nam. Dua jamriak ini ngak bruk hu siam lagaih, samar khan brei thau ka bruk langik tasik rah tabiak angaok tasik piah dom kapal taong cap kaya ikan kuhria nyaik bala, brei thau ka labik hu rilo ikan piah gam taong cap saong brei thau tuk hu bruk kan kandah tuk taong cap angaok tasik piah dom kapal karei mai daong.

3/ Harei 6/2 di ban sit Huế, pasak khik ramik inem krung Cố đô Huế hu peih bruk taduan mek danak dak “Khik ramik pasiam veik inem krung Triệu Tổ Miếu, labik mbaok gah anak Đại Nội, Huế", song yaom jien buh tame ngak abih tih lac 700.000 đô la Mỹ (samu 14.763.000.000 đồng); saong daok hu peih pakak danak dak “Khik ramik pasiam dom án thờ di Hoàng gia dalam labik inem krung dunya - Triệu Tổ Miếu (Đại Nội, Huế)". 

4/ UB bhap bini tỉnh Quảng Ngãi hu kaoh tabiak meng kadung jien karja 30 tỷ đồng blei pandap alin hadiah ka labaih 87 ribau urang sarak karja, urang hu buh pren yava ka cách mạng saong baoh sang hưu trí, padeih lahik pren yava. Langiu di nan, dom huyện, ban saong dom doanh nghiệp dalam tỉnh Quảng Ngãi jeng hu nao tangi sua, alin hadiah pandap ka baoh sang sarak karja hadah krah

5/ UB bhap bini tỉnh Đắc Nông hu tabiak Chỉ thị ka 05 ka bruk peih ngak Tết Nguyên đán anek sak pabe 2015. Dalam nan patom tame dom bruk ngak yau jhul pakhang bruk ngak mbang, pablei salih, khik siam bruk cung cầu dom janih pandap panda dahlau dalam song hadei tết song tani tanat yaom kaom, pacang caga apui khuak.

6/ Harei 5/2, di pabah lamnge Phan Thiết (Bình Thuận), Chi cục khik iek saong khik caga kaya ikan Bình Thuận hu pambuak bruk saong Cty TNHH tư vấn saong ngak kapal Việt – Nhật gam saong Tập đoàn Yanmar peih bruk yaih khan kapal ikan taong cap di tasik atah hu ngak meng composite. Ini lac mbang akaok meti hu thau tal janih kapal meng vật liệu barau nan ye urang taong cap ikan Bình Thuận biak chreih chrai hu mai maong iek, duah thau.

7/ UB bhap bini ban raya HCM hu alin brei 3 xã Minh Tân (huyện Dầu Tiếng), Long Nguyên (huyện Bàu Bàng), Phú An (ban sit Bến Cát) tỉnh Bình Dương yaom jien 5 tỷ 150 triệu đồng, piah ka yaok xã padang ngak jalan mbak palei pala. Ni lac bruk ngak hu makna pamong tal pahadar 40 thun peih paha gah merong negar yasa taneh ia.

Patui di ini dom khau tin dunya:

8/ Ðại sứ quán Niu Di-lân di Hà Nội barau họp báo Bilan "Niu Di-lân – salam uan dom bruk barau”, peih mbaok ka dom bruk pahadar 40 thun padang talei pambuak bruk ngoại giao di Niu Di-lân saong Việt Nam (16-6-1975 - 16-6-2015).

9/ Mesup harei 5/2 di ban ine Viêng Chăn (Vientiane), pasak ilamu VN di Lào pambuak bruk song Đại sứ quán Việt Nam di Lào peih harei pataom  “Yaih khan dalikan song adat ngak har bánh chưng harei tết di urang VN”. Hhadei di tuk dom urang tuai dunya hu tame papok dom boh har bánh chưng, dom boh har nan hu tuk tasak song pok brei dom urang ngak ahar nan piah ka urang thau ka hương vị ahar VN dalam tuk thun bahrau dok mai tal grauk labik bhum palei Triệu Voi siam mekre.  

10/ Tamat mbang giao dịch harei 5/2, yaom menyek angaok darak pasar dunya tagok veik biak ralo duk saong mbang giao dịch harei dahlau. Di sàn giao dịch New York (Mỹ), yaom menyek tamo WTI jao bilan 3/2015 tagok jang 2,73 USD (4,2%) jeng 50,48 USD sa thung. Tui urang langyah darak pasar Gia-xpơ Lo-lơ di CMC (Anh), bruk biến động bất thường di darak pasar menyek dunya saong bruk yaom menyek trun tagok 5% duk saong harei dahlau nan lac kayua dom urang đầu cơ khin meblah labik dang akaok saong tranh thủ yaom menyek daok di tanut biar piah blei tame./.