# Meng bilan 12/2015 mbang akaok meti 3 labik di tỉnh Nghệ An lac huyện Kỳ Sơn, Quỳnh Lưu saong ban sit Vinh hu ngak iek bruk daong meneing kadung jien karja piah peih ngak danak dak ia tasau sang bac. Piah peih ngak siam danak dak ia tasau sang bac, tỉnh Nghệ An brei pabak abih jien blei ia tasau ka anek saih sang kan kathaot, anek di thương binh, liệt sỹ; daong meteh yaom jien blei ia tasau ka anek saih sang jaik si kan kathaot saong daong 30% ka anek saih karei karei.

# mBan khik ramik inem krung saong Du lịch Mỹ Sơn (inem krung ilamu dunya Mỹ Sơn, huyện Duy Xuyên, tỉnh Quảng Nam) hu pabak tame rilo pandap du lịch bahrau, dalam nan sangka tal bruk khik ramik saong cakrok patagok yaom ilamu Chămpa tame duh ka tuai damuai tuk mai rivang iek Inem krung ilamu dunya ini. Abih di nyu nan lac, linh vật MukhaLinga hu pok brei angan lac Bảo vật Quốc gia daok hu khik piah di  Mỹ Sơn hu pren dui pachreih praong ngan saong tuai damuai dalam taneh ia saong lingiu negar tuk mai rivang inem krung ilamu dunya Mỹ Sơn…

# Tỉnh Đắk Lắk brei kaoh tabiak meng kadung jien karja daong 30% yaom jien blei bảo hiểm y tế ka urang dalam sang jaik si kan kathaot, piah ka taong abih urang dalam sang jaik si kan kathaot dalam tinh jeng hu thẻ bảo hiểm y tế dalam tukvak 2016-2020. Tapa pasang iek di 15 huyện, ban sit di tỉnh, urak ini Đắk Lắk hu 64.901 urang daok dalam sang jaik si kan kathaot oh ka hu blei bảo hiểm y tế. Tỉnh jeng hu tacei pato dom puk palei pasang iek veik ka nyu cambaih laih, hu hadom sang jaik si kan kathaot, oh caik brei labaih, kurang menuac urang hu mbang tui sarak. 

# Bilan Xuân 2016 hu taong yaom lac bilan Xuân ấm, hajan takik, pandiak bhang meda rah tabiak di rilo labik, ngak kan kandah ka bruk ngak nông. Piah caga bruk nan, tỉnh Thái Bình daok peih ngak rilo jalan piah khik bruk pala drak, patrun patakik khat lihik kayua lingik tasik. Tal tukvak ini, di rilo labik dalam tỉnh hu ngak bloh taneh, trun pajaih Xuân avar. Abih tih taneh trun pajaih hu labaih 20 ha.

# mBoh hu kein laba di phun Sơn Tra, urang Mông daok di bhum glaong Nậm Nghiệp, xã Ngọc Chiến, huyện Mường La, tỉnh Sơn La daok kuhria peih praong, cakrok taneh pala phun Sơn Tra tagok 1.500 ha di thun 2016. tapa nan, daong paglaong yaom di glai, patagok jien mek tame ka dom baoh sang bhap bini daok di bhum glaong, khik caga saong patagok glai khang kajap.

# Piah pablei Tết Nguyên đán 2016, urak ini, urang ngak nông di tỉnh Tiền Giang hu trun pajaih pala labaih 8.500 ha njam patam dom janih. Piah pablei hu yaom glaong saong ba tame dom siêu thị di ban raya Hồ Chí Minh, dom gah chuyên môn di tỉnh Tiền Giang hu tacei pato saong ba mbuan lagaih ka urang ngak nong pala njam patam tui jalan an toàn sinh học, Viet Gap. Ong Trương Thanh Bình, urang ngak nong pala tamekai Tết di xã Mỹ Thành Bắc, huyện Cai Lậy, tỉnh Tiền Giang lac:  

Pala pablei Tết dahlak pala pajaih Xuân Lan 130. Janih tamekai ini chưng hu, tabiak rilo baoh saong mbang bingi. Ilamu pala jeng buh khak ka nyu siam, palam meng blah me-om nông nghiệp, jeng bhian tabiak rivang hamu piah samar mboh ruah kik, samar pacang cagar.

# Tui Sở ngak nong saong patagok palei pala Đồng Nai, tui bruk salih janih phun pala, meng thun 2011 tal ini, huyện Thống Nhất, tỉnh Đồng Nai pala hu labaih 210 ha amriak kalu angaok janih taneh ini. Tal tukvak ini, Thống Nhất lac huyen akaok meti di Đồng Nai salih hu siam taneh randaih patau piah pala amriak kalu. 

Patui di ni dom khau tin dunya:

#  Japon (Nhật Bản) hu padang sa kapul di rajaei piah duah thau dom kadha pambuak tal khủng bố. bruk ini rah tabiak dalam tuk Tokyo daok kham merat patagok khik caga tuk taneh ia jaik si peih nyom biai pakat glaong kapul dom taneh ia patagok G-7 di thun tal. Kapul ini hu 20 urang mai meng mintri Ngoại giao saong Quốc phòng, gah Cảnh sát quốc gia saong rilo gah karei karei.

# Harei 8/12,  di tỉnh Chăm pa sắc (Champasac), Nam Lào, hu peih nyom darak pablei salih saong Du lịch bhum 3 kieng patagok Campuchia -Lào - Việt Nam (CLV). Ini lac sa dalam dom bruk rah tabiak dalam nyom biai Ủy ban điều phối haong gauk mbang ka 10 bhum klau kieng patagok Campuchia -Lào - Việt Nam (CLV) di Lào rah tabiak meng harei 7-tal harei 11/12/2015. Nyaom darak hu mbaok rilo doanh nghiệp Lào, Campuchia saong Việt Nam, hu 297 gian hàng, parang tabiak rilo janih pandap pandar, pandap tiểu thủ công nghiệp, pandap meng kan…

    # Dom kỹ sư y sinh di Đại học Tếch-dát (Texas), Mỹ bahrau cakrok sa thiết bị meda ngak ka điện thoại thông minh jeng kính hiển vi phân cực, daong chẩn đoán sốt rét tantu cambaih laih samu haong dut iek meng phòng thí nghiệm.  Tuk peih bruk dut iek, pandap ini nyu thaot mẫu darah meng ánh sáng phân cực meda duah mboh phụ phẩm di ký sinh trùng sốt rét  lac Hê-mô-dô-in (Hemozoin). Tapa nan dalam thaot binguk piah chẩn đoán, dom tinh thể Hê-mô-dô-in hu mboh dom tanut hadah, hu maong lac sa kadha piah brei mboh bruk njom ruak./.