1. Rajaei bahrau brei padeih bruk mek jien pandar jalan di radeih mô tô meng harei 1/1/2016. Mintri pajeng ba dang tabiak pambuak bruk song dom mintri, jabat pagam tal bruk padang ngak dự thảo Nghị định pasiam veik dom paka di nghị định 18/2012/NĐ-CP harei 13/3/2012 song Nghị định 56/2014/NĐ-CP harei 30/5/2014.

2/ Phaok thủ tướng Vũ Văn Ninh pandar dom mintri: công thương, ngak nông saong patagok palei pala, thông tin saong truyền thông, QP dang tabiak, pambuak bruk saong dom jabat pambuak tal padang ngak, pok tagok rajaei patabiak điều lệ Tổ chức saong bruk ngak di dom tập đoàn kinh tế karja tui hukum khik iek, pandar phun jien karja buh tame ngak mbang pablei salih di doanh nghiệp saong hukum doanh nghiệp, hukum đầu tư thun 2014 dahlau di harei 1/1/2016.

3/ Tui akaok Sở ngak nong song patagok palei pala tỉnh Bình Định, meng thun 2015-2020 song patui jalan tal thun  2035, tỉnh Bình Đinh patagok   10.000 ha glai ngak kayau prong piah pabak ka gah ngak cong ngak kayau nội thất dalam negar. Urak in BĐ hu tagok glai nguyên liệu, rilo meng lac di dom huyện bhum ceik ngan song taneh prong labaih 11.000 ha song yaok thun tak mek labaih 4000ha piah pablei tabiak negar langiu.          

4/ UB bhap bini tỉnh Lâm đồng brei daong jaik 340 tấn brah ka 2.517 anek saih daok tui bac di dom sang bac trung học phổ thông, THCS saong tiểu học di tỉnh dalam thun bac 2015 – 2016. Langiu di nan, UB bhap bini tỉnh jeng hu jao dom đơn vị pambuak bruk peih bruk brei brah daong ka anek saih di dom sang bac di labik gaok kan kandah dalam tỉnh, piah daong dom adei sanang hatai nao bac, patrun bruk anek saih klak bac di dom bhum urang bangsa takik.

5/ Pahadar 85 thun harei gah Tổ chức xây dựng Đảng (14/10/1930-14/10/2015),  Kapul dang akaok tỉnh Tây Ninh bahrau mai rivang sang bia pahadar Mban Tổ chức TƯ Cục miền nam. Labik ni, hu oh takik urang jarka gah Tổ chức Xây dựng Đảng ndih trun, atau caik veik sa binah talang darah di drei, ba mai bebas tự do ka bangsa saong ngak hadah hadai angan je ka gah Tổ chức Xây dựng Đảng. 

6/ Meng akaok thun tal ini, huyện Phú Giáo, tỉnh Bình Dương hu peih brei 112 baoh sang bhap bini Khmer daok di xã An Bình 116 ha taneh. Langiu taneh hu peih, yaok baoh sang daok taduan hu labaih 250 phun pa-aok blait pajaih cao sản, 300 kg khak drak, 10 kg tangei lai piah pala pablak. Pak di tuk jao taneh, dom baoh sang hu pala pa-aok blait cao sản, urak ini hu brei pablei, tani tanat rai diuk. 

7/ Bilan rong hadang thun ni, bhum ia mbak, tapen tasik di 4 huyện Duyên Hải, Cầu Ngang, Trà Cú song Châu Thành, tỉnh Trà Vinh hu palao rong 19.900 ha hadang sú song 5.500 ha hadang takai patih, kham merat mek hu 40.000 tấn hadang thương phẩm. Min tal urak ni, sản lượng tok mek hu 24.898 tấn, samu 62% bruk ba tabiak song biak kan si mek hu tanut ba tabiak thun 2015. Makna lac kayua bilan rong hadang thun ni gaok kan kandah ka langik tasik, yaom kaom. Hadang rong metai rilo, yaom hadang trun khang, urang rong kan hu liba nan ye rilo sang brei “tuan danao”.

Patui di ini dom khau tin dunya:

8/ Harei 15/10, TT saong TQ hu peih nyaom darak pablei salih haong gauk di ban Đan Đông, tỉnh Liêu Ninh, TQ, jaik taphia negar TT. Ini lac bruk ngak yaok thun di dua taneh ia meng thun 2012. Tui kuhria nyaom drak pachreih hu jaik 400 doanh nghiệp TQ, 100 doanh nghệp TT saong dom doanh nghiệp mai meng  Hong Kong, VN, Mông Cổ, TL.

9/ Báo chí di La Habana brei thau, Tổng công ty nhập khẩu padai brah Cuba Alimport hu panuac khan meda blei tame takik di abih 13.000 tấn rilaow menuk meng Mỹ dalam bilan 10, bruk nan jeng hu makna lac klak bruk oh brei blei tame rilaow menuk dalam 2 bilan tapa kayua huac  jit ruak menuk ada