1/ Kuhria tal harei 10/12, bộ đội biên phòng dom tỉnh, ban tapen tasik meng ĐN tal KG hu pambuak bruk song karja palei, boh sang po kapan, thuyền trưởng hu panuac khan tal 46 ribau 616 kapan gaiy, song labaih 245 rabau urang thau ka ribuh piah samar plaih nyaih. Dok bruk danao ia di dom tỉnh gah  Đông Nam Bộ song Tây Nguyên, 16 dalam 17 danao thủy điện jiak tagok tal tanut ia yaok harei.

2/ Tui pasak dự báo khí tượng thủy văn TƯ, kayua hajan di không khí li-ar, hadei di ribuk ka 5, harei 11/12 ia di dom kraong meng Quảng Trị tal Ninh Thuận meda tagok. Dom tỉnh meng Quảng Ngãi tal Ninh Thuận brei caga bruk mbuan hu ribuk ia sua glaong dalam dom kraong craoh sit, dauk bhum biar saong bhum taneran tapen tasik, glut jaleih taneh di bhum ceik.

3/ Tagok jang 2 mbang bruk rong anek meng ia tasau amaik dalam 6 bilan camereip. Ni lac jalan ngak hu Dự án rong ba song pataogk (Alive & Thrive) khan brei thau dalam Nyaom biai patom eik veik 6 thun peih ngak danak dak di VN bahrau rah tabiak di HN. Dự án hu peih ngak di 3 negar lac Việt Nam, Băng-la-đét song Ê-ti-ô-pi-a, tapa nan 16 triệu uranaih umo ala 2 thun hu mbang tui dự án ni.

4/ Hadei di labaih 7 thun peih ngak quyết định 157/2007/QĐ –TTg di thủ tướng rajaei ka bruk brei mesraiy ngan saong anek saih, sinh viên, dalam tỉnh Nghệ An hu 112.000 sinh viên di 93.000 baoh sang daok hu mesraiy yaom jien abih tih 2.237 tỷ đồng. Sarak hu njom tame dalam rai diuk rik daong patagok pato megru, khik kajap an sinh xã hội.

5/ 5 thun tapa, di BT hu 30 gah dong di negar langiu hu panuac sinya dong peih ngak 52 danak dak, dự án hu yaom labaih 126 triệu đô la Mỹ (samu labaih 2.500 tỷ đồng).Dom dự án dong nan rilo meng pataom tame dom bruk yau, jalan mbak, pato megru, y tế, ia pandar, langyah dom bruk XH.

6/ Di ban ban raya HCM, tổng lãnh sự quán Nhật Bản hu mbaoh tangin tame harak pambuak bruk daong oh bayar veik ka 7 dự án dân sinh di labik gah meraong. Dom dự án hu pataom tame gah pato megru, y tế saong jalan mbak palei pala. Dom dự án hu padang ngak di dom tỉnh Long An, ban sit Cần thơ, An Giang saong Kiên Giang. Abih tih yaom jien ka dom dự án daong nan lac 646.500 USD.

7./UB bhap bini tỉnh Kiên Giang njauk hatai brei rami ramik labik khik caga saong patagok khang kajap danao Đông Hồ di ban sit hà Tiên. Tui nan, abih tih taneh ka bruk nan praong 1.597 hecta, dalam nan hu mbaok ia, taneh dauk ia saong cụm dân cư. Ini lac sa bhum sinh thái taneh dauk ia tapen tasik hu rilo janih sinh học, hu rilo labik mekre, hu yaom glaong gah ilamu, dakrai saong rilo yaom glaong karei karei.

Patui di ini dom khau tin dunya:

8/ Urak ini urang metai di Philippin kayua ribuk Hagupit tagok tal 27 urang. Patuah lac ribuk Hagupit oh tuh tame ban ine Manila yau kuhria mboh dahlau. Kapul chữ thập đỏ Philippin brei thau hu jaik 2.500 baoh sang njauk tayah taong abih .

9/ Tổng thống Hàn Quốc Pắc Cưn Hê (Park Geun-hye) hu panuac cong khin dom negar ĐNÁ meda hu labik dang dalam bruk padeih danak dak hạt nhân Triều Tiên song ba mai siam merke salamad ka palao kaoh Triều Tiên. Amuk cong khin dom negar dalam ASEAN meda pambuak talei rohim song Triều Tiên piah rik dong tame bruk ba mai salamad song yasa ka palao kaoh Triều Tiên.

10/ Gah y tế dunya brei thau, meng thun 2000, urang metai kayua pandiak dom patrun jaik meteh. Min bruk ini di Tây Phi mbuan cagar veik kayua tamuh tabiak jit Ebola. Bruk ngak hu ini ralo meng lac kayua hu dom sannya daong jien padai saong chính trị dak harei dak khang kajap. Min, danak dak pacang cakak pandiak dom jeng oh ka hu daong ginup, ngan saong 2 tỷ 700 triệu đô la Mỹ dalam thun 2013 duk saong bruk ngak pakat negar nan lac 5 tỉ 100 triệu đô la Mỹ./.