# Sở Ilamu thể thao song du lịch tỉnh Quảng Nam brei thau, tui kuhria meng harei 5 tal 12/6/2016 hu peih nyaom pakcah thể thao dom bangsa takik tỉnh Quảng Nam mbang ka sa di huyện Nam Trà My. Nyaom pakcah piah patagok bruk pasram song pakacah thể dục thể thao, patagok pren yava, rai duik ilamu hatai sahaneng ka bhap bini, khik ramik song patagok dom ilamu, thể thao meng kan, tagok talei jum pataom dalam bhap bini dom bangsa tỉnh Quảng Nam. 

# Ngak tui danakdak “ khik kajap yaom kaom Tết Nguyên đán anek sak kra thun  2016”, Ủy ban bhapbini tỉnh Kon Tum njauk hatai bruk daong jien mesraiy ka dom labik yau ye Siêu thị Thành Nghĩa – sang tapuk Nguyễn Văn Cừ; Công ty cổ phần pablei salih Tổng hợp Kon Tum...hu mbaok tame danakdak khik kajap darak pasal, piah blei pandap saong pablei pandap khik kajap yaom kaom tuk Tết Nguyên đán anek sak kra thun 2016. Abih tih yaom pandap caik piah lac 85 tỉ đồng ngan saong dom pandap pandar yaok harei yau brah, pandap mbang menyum; rilo ; baoh menuk ada…danakdak hu peih ngak meng bilan 12 thun 2015 tal puac bilan 3 thun 2016. 

# Peih ngak sarak dong brei taneh dok, taneh ngak mbang, ia pandar ka mik va urang bangsa takik kan kathaot, dalam 2 thun tapa, , huyện Bắc Quang tỉnh Hà Giang hu dong 169 boh sang peih taneh bilau hu labaih 20 ha padai sa vụ song langyah bruk kurang ia pandar ka 720 boh sang. Lingiu di nan, padang ngak 6 danak dak ia pandar dong ka yaok ribau boh sang kan kathaot hu ia pandar

# Sở Công Thương tỉnh Trà Vinh brei thau, piah pasiam bruk pandar menyek oh an toan, Sở Công Thương hu pok panuac tagok Ủy ban bhapbini tỉnh Trà Vinh daong jien ka dom sang kathaot saong jaik si kathaot dalam tỉnh ramik pasiam jalan dui menyek. Min, kayua yaom jien biak praong, anak meta dalam thun 2016, tỉnh brei buh tabiak meng kadung jien karja 5 tỷ đồng piah daong ka jaik 1.000 sang kathaot dalam tỉnh ramik pasiam jalan dui talei menyek.  

# Meng akaok bilan 12 tal ni, yaom rilo janih hadang rong di Cà Mau tagok biak samar. Dom urang blei dok meriak gauk mai tal sang piah blei. Hadang sú 20 drei sa kg dahlau di nan yaom 160.000 đồng sa kg ye urak ni tagok tal 190.000 đồng sa kg, hadang 30drei sa kg meng 120 ribau đồng sa kg tagok tal 150ribau đồng sa kg. Makna dom janih hadang tagok yaom kayua urak ni tuk vak dom sang mac dok chế biến pablei tabiak negar langiu puac thun, darak pasa dunya dok patagok. Kayua kurang hadang piah ngak nan ye dom sang mac tagok yaom blei.

# Tui Sở jien padai tỉnh Vĩnh Long, thun 2015, peih bruk patak pataom, caga palai pajoa, tỉnh Vĩnh Long patak pataom hu jaik 391 tỷ đồng; dalam nan patak pataom rilo di 3 gah ye : khik ramik, pandar phun jien, drap ar dom doanh nghiep; padang ngak cơ bản saong pandar tài nguyên khoáng sản. 

# Urak ni di ban sit Cần Thơ hu jiak 2000 urang jaoh jo, bruk iek glang, khik caga piah tagok hatai sahaneng, tagok pren khang song jhul pakhang dom bruk dong ba XH ka urang jaoh jo dok hu ban sit caik hatai sangka. Kuhria tal tuk vak ni hu jiak 50 urang jaoh jo hu bac bruk ngak, ba brei bruk ngak song labaih 40 urang jaoh jo hu mesraiy jien oh mek liba piah patagok Kinh tế

          Khaw tin dunya

# Mintri Ngoại giao Mỹ harei 9/12 brei thau, taneh ia ini barau phe chuan bruk jao 21 công nghệ praong di kapal ahaok mesruh F-35A ka gah Hàn Quốc.  Min, piah daong rilo abih ka gah Hàn Quốc, dua taneh ia meda padang sa diễn đàn tham vấn saong sa kapul ngak bruk haong gauk piah langyah dom bruk pambuak tal. Gah quan su Mỹ saong Han Quoc jeng hu mbaok tame tapak dom dự án pambuak bruk cong nghe tapa nan meda trun takik jang dom rui ro kỹ thuật.

# Liên hợp quốc harei 9/12 hu panuac ieu bhap bini dunya dong jiak 166 triệu đôla Mỹ ka Libi dalam thun 2016. Urang ngak bruk pahla di LHQ di negar Bắc Phi ni A-li An Za-a-ta-ri (Ali al-Zaatari) brei thau dunya njauk patagok bruk dong ka urang gaok kan kandah di Libi, labik hu jaik sa meteh bhap bini gaok kan kandah kayau srau kadau. Meyah oh ginup pok jien ni, bruk daong ngak pahala di Libi meda gaok kan kandah jang.

# Tổng thống Nga Vla-đi-mia Putin barau hu panuac lac, meda ngak dom bruk khang tangin ngan saong Ucraina meyah taneh ia ini oh bayan paok sraiy 3 tỉ đô la Mỹ dalam bilan 12, saong sanya khik caga kein laba kinh te di Nga meyah thoa thuan pablei salih tu do di Ucraina saong Liên minh Châu Âu hu ba tame ngak di bian 1 thun anak tal.