1/ Thủ tướng rajaei hu pandar Mintri jien padai buh brei (oh mek jien) 3.077 tấn brah meng gilang khik piah di negar brei ka 4 tỉnh nan lac Ninh Thuận, Quảng Bình, Phú Yên song Thanh Hóa piah dong ka bhap bini dalam tuk tết Nguyên đán 2015. Dahlau di nan, Thủ tướng hu pandar mintri jien padai buh brei (oh mek jien) jiak 10 ribau tấn brah meng gilang khik piah di negar ka 13 tỉnh nan lac  Quảng Trị, Lào Cai, Nghệ An, Tuyên Quang, Bình Định, Quảng Ngãi, Yên Bái, Ninh Bình, Cao Bằng, Đắk Lắk, Hà Nam, Kon Tum, Gia Lai piah dong ka bhap bini dalam tuk tết nguyên đán thun 2015.

2/ Mban peih bruk Festival Huế barau peih bruk mbaoh tangin tame harak pambuak bruk saong dom doanh nghiệp, menuac urang daong ka Festival bruk ngak meng kan Huế 2015, ngan saong yaom jien daong tagok tal 2 tỷ 600 triệu đồng. Festival bruk ngak meng kan Huế mbang ka 6 – thun 2015 ngan saong kadha “Siam mekre bruk ngak Việt” hu rah tabiak meng harei 29/4 tal harei 3/5/2015, pataom tame yaih khan dom pandap meng bruk ngak meng kan di Huế saong dom palei ngak meng kan hadah krah di dom puk palei dalam taneh ia.

3/ Di ban sit Đà Nẵng hu peih pakak jalan bingu xuân Bạch Đằng 2015 hu angan lac "Đà Nẵng- Rực rỡ sắc xuân" taduan menuac urang song tuai damuai mai rivang, mong iek. Jiak 20.000 yot bingu dalam nan hu labaih 40 janih bingu, bein bingu xuân hu ngak jeng 6 tiểu cảnh. Dom tiểu cảnh “puk palei”, “khung tranh” “Cầu vồng khoe sắc”, “Vườn hoa khoe sắc”...  song ginup sambo màu hadah mekre ngak pachreih tuai damuai .  

4/ Miuyim dân tộc học VN barau taduan mek bộ sưu tập pandap panda ilamu Khmer kayua lambaok baha Tum Pok Sok, palei Tân Sóc, xã Mỹ Thuận, Mỹ Tú, Sóc Trăng alin hadiah. Bộ sưu tập nan  hu 43 pandap ka ilamu Khmer. Dom pandap nan hu ngak meng kayau, klik limo, baar bồi, ban, tanyaik… jeng hu pandar bloh dalam adat cambat, lễ tết di urang Khmer, hu yaom glaong gah ruah duah ilamu di urang Khemr tỉnh Sóc Trăng. Bộ sưu tập ini hu miuyim dân tộc học VN pandar dalam parang iek ka ilamu urang Khmer.

5/ Dok dalam dom bruk ngak di Tết quân dân ban sit Cần Thơ thun 2015, Kapul urang kamei ban sit bahrau peih Harei pataom pakacah “papaok har pei nung, tuh bánh xèo song cắm hoa nghệ thuật”  song hu brei 170 pok pandap tết ka urang kamei kan kanthaot,  anek saih kan kandah dok dalam ban sit. Tapa nan, hatai anit ranam gauk di bol bala saong bol bhap rahra hu khang kajap jang, brei mboh cambaih labik dang di urang kamei dalam bruk Hậu phương quân đội, saong dong khik ramik ilamu harei tết  meng kan ka dam dara.

6/ Tui Hiệp hội DL bhum taneran kraong Cửu Long, bilan 1 thun 2015, dalam bhum pachreih hu labaih 2 triệu tuai DL, dalam nan hu 183.000 tuai negar langiu. Dalam thun 2015, dalam bhum kham merat pachreih hu labaih 25 triệu tuai DL, dalam nan hu jaik 3 triệu tuai negar langiu, ralo  jang 11% duk saong thun 2014. Piah ngak hu bruk nan, Hiệp hội DL bhum taneran kraong Cửu Long saong dom tỉnh dalam bhum pambuak gauk padang ngak barau cơ sổ hạ tầng DL, pachreih ralo thành phần kinh tế tame đầu tư. Dom tỉnh ban jeng hu pambuak bruk padang pasak xúc tiến DL, padang blah web, parilo janih DL, paglaong chất lượng duh tuai damuai.

7/ Bilan bingu tết ni, urang nong tỉnh Tiền Giang hu labaih 90.000 yot bingu, rilo meng lac di ban sit Mỹ Tho, huyện Chợ Gạo, ban sit Gò Công, huyện Cai Lậy. Kayua langik oh lagaih, harei pandiak, melam li-an ngak ka rilo taneh pala bingu rak avar. Taeng di ban sit Mỹ Tho hu labaih 40% yot bingu rak dahlau tết meng 7 tal 10 harei, rilo di abih nan lac bingu Vạn thọ, cúc Mâm xôi. Tui urang nong bingu rak avar biak kan xử lý, dom bingu ni njauk pablei dahlau tết atau pablei trun yaom labaih meteh dut song bingu rak njauk tuk tết.

Patui di ini dom khau tin dunya:

8/ Viện miuyim Prado di ban ine Madrid, Tây Ban Nha barau peih duk parang iek brei ka urang sup meta. Di labik ini, urang sup meta meda paoh tangin tame tác phẩm nghệ thuật. Piah ngak hu bruk ini, dom bản sao nan hu sáng tạo meng công nghệ in 3D. Kayua yau nan ye, urang sup meta meda pandar tangin piah thưởng thức tác phẩm di danh họa Leonardo da Vinci atau danh họa TBN Francisco Goya.

9/ Pasak Watermill, New York – Mỹ bahrau tabiak panuac daa nghệ sĩ tut angan tame danak dak lưu trú mùa hè 2015, hu rah tabiak meng harei 13/7 tal harei 16/8. Yaok thun, labaih 80 nghệ sỹ mai meng 30 taneh ia meda hu 5 adit dalam môi trường sáng tạo tập trung. Nghệ sỹ hu mbaok dalam danak dak hu dong 8000 USD jien mbang huak, nao mai, pandap panda ka dom kadha dalam danak dak.

10/ Khủng hoảng nhân đạo daok kanjah nao di Nam Xu Đăng, jhul labaih 2,5 triệu urang njauk suy dinh dưỡng biak khang caong hu daong chip. Nan lac panuac ieu di Giám đốc jabat ngak pahala LHQ Va-lê-ri-e A-mốt ba tabiak barau ini. Dalam mbang họp báo di ban ine Nai-rô-bi - negar Kê-ni-a, amuk Va-lê-ri A-mốt ndom lac, bruk meriak gauk gah chính trị di Nam Xu-đăng daok pacang dom kham merat langyah bruk iek lipa meng kan mai ka taneh ia bahrau padang ini saong kan kathaot abih di dunya ini./.