1/ Mintri pato megru brei thau, tui kuhira dalam negar hu 38 labik pakacah dalam mbang pakacah Trung học phổ thông pakat negar 2015. Di HN tui kuhira hu 8 labik pakacah kayua dom sang bac ĐH dang tabiak ngak. Bhum kreh negar, dom labik pakacah kayua ĐH Đà Nẵng song Đại học Huế pambuak bruk peih ngak. Tui kuhria ban raya HCM hu 7 labik peih  pakacah ka anek saih di tỉnh Bình Phước, Bình Dương, Bà Rịa - Vũng Tàu, Đồng Nai, Tây Ninh, ban raya Hồ Chí Minh song Long An.

2# Tỉnh Sơn La hu peih bruk jak ba bhap bini tame padang ngak dom công trình điện, brei taneh labik dui talei điện nao tapa, piah jhul pasamar bruk dui talei điện mai puk, palei urang bangsa takik di bhum kan kandah. Tỉnh kham merat dalam thun 2015 hu 90% dom baoh sang bhap bini dalam tỉnh hu pandar điện negar. Ini lac bruk sangka praong di Đảng, Karja piah jhul patagok bruk kinh tế - xã hội di tỉnh bhum ceik, bhum atah bayah, bhum urang bangsa takik.

3/ Đảng bộ xã Quế Bình, huyện Hiệp Đức, tỉnh Quảng Nam bahrau peih nyaom roya mbang ka 9, tukvak 2015-2020. Ni lac xã hu tỉnh Quảng Nam palih ruah peih Nyaom roya Đảng bộ cơ sở ngak iek bruk pilih ruah tapak Ban Thường vụ song dom  Bí thư, Phó Bí thư Đảng ủy xã. Ong Trần Xuân Thọ, akaok mban Tổ chức Tỉnh ủy Quảng Nam brei thau: Quảng Nam hu pilih ruah 20 đơn vị peih bruk ngak lac, di pakat cơ sở, pilih ruah tapak Bí thư, Phó bí thư saong Ban Thường vụ. Bruk ini lac sa jalan ngak siam, ngak njauk, kayua ngak yau nan nyu patagok tính dân chủ trực tiếp di urang đảng, piah ka urang hu padang tapak Ban Chấp hành, padang Ban Thường vụ, pilih ruah tapak  Bí thư saong Phó Bí thư di nyom roya

4# mBan tacei jalan Tây Nguyên pambuak bruk haong Ủy ban bhap bini tỉnh Đắc Lắc peih danak dak daoh tamia, taom gaok, ndom biai nao mai hu angan ieu lac “Pren khang halau gha”, ini lac bruk ngak daok dalam danak dak Harei pataom cà phê Buôn Ma Thuột mbang ka 5. Danak dak hu mbaok 125 taha palei, akaok puk saong urang hu angan je dalam bhap bini dom bangsa Tây Nguyên, rilo nghệ nhân, nghệ sĩ di 5 tỉnh : Đắc Lắc, Đắc Nông, Gia Lai, Kon Tum saong Lâm Đồng.

5/ Jiak 10 harei tabiak tasik taong ikan di Hoàng Sa, sa baoh kapan tong ikan di urang tong ikan daok di huyện palao Lý Sơn, tỉnh Quảng Ngãi tong hu ikan ngừ đại dương abih tih labaih 20 tấn. Nan lac baoh kapan ikan QNg 96246 TS di urang tong ikan angan Nguyễn Lý daok di palei Tây, xã An Hải, huyện palao Lý Sơn.Urak ni, rilo kapan taong ikan di urang taong ikan palao Lý Sơn tỉnh Q Ngãi taong hu biak rilo ikan akaok thun, daok samar ba kapan tame gah piah pablei kaya ikan. 

6#  Ủy ban bhap bini tỉnh Phú Yên bahrau phê duyệt angan 19 pô kapal hu mesraiy jien piah ngak kapal, pasiam kapal taong ikan, kapal ngak dịch vụ hậu cần nghề ikan saong mesraiy phun jien tui Nghị định 67 di Rajaei ka dom sarak patagok kaya ikan. Abih tih yaom jien mesraiy mbang ini labaih 126 tỉ đồng, dalam nan mesraiy meng gilang pariak thương mại jaik 95 tỉ đồng, daok veik lac phun jien đối ứng di dom po kapal.

7/ Tui Sở Công Thương tỉnh Hậu Giang: hadei di 10 harei peih bruk blei padai khik piah tui quyết định di Thủ tướng rajaei, darak pasa pablei salih padai brah di tỉnh dok chreih chrai tagok, yaom tagok glong, pablei salih tani tanat, urang nong sahanang hatai ngak mbang. Urak ni padai thương phẩm pablei tagok yaom jang meng 200 - 400 đồng/kg dut song dahlau di tuk hu  quyết định blei khik piah di rajaei.

Patui di ini dom khau tin dunya:

8 # Akaok Mintri ngoại giao Triều Tiên Ri Su Yong (Ri-su- Y-ăng) brei mboh talei jum pataom haong dom urang ngak praong Bê-la-rút ka rilo bruk dalam mbang taom gaok di ban ine Min xcơ. Brei panuac dalam mbang họp báo haong akaok mintri ngoại giao Bê-la-rút Vla-đi-mia Ma-kei (Vladimir Makei), ong Ri-su-Yong brei thau, dua gah hu ginum biai rilo bruk karei di gauk pambuak talei talei rohim di dua gah, dalam nan hu talei pambuak bruk gah chính trị, kinh tế saong nhân đạo di Triều Tiên saong Bê-la-rút. 

9/ Tui panuac khan di mintri Nội vụ Anh, rajaei negar ni harei 10/3 hu ba tabiak hukum bahrau brei adat pacang cakak dom hãng kapan haoh pajeng dom tuai damuai meda nao tame ngak kol IS di Syria saong Iraq. Hukum ni meda dong pacang cakak urang Anh tabiak negar langiu piah tham chiến hadei di nan mai veik negar Anh.

10# Hu meng 500.000 tal 1 triệu urang nhập cư meng Lybia tame  châu Âu tapa pabah mbang negar Italy dalam thun 2015. Ini lac taong yaom di akaok điều hành jabat pasang iek biên giới Frontex di Liên minh châu Âu (EU) Fabrice Leggeri (Pha-brai Léc-gie-ri) ka bruk nhập cư tame châu Âu./.