1# Thủ tướng rajaei barau mbaoh tangin brei adat peih ngak dự án “Pablak bruk dinh dưỡng saong an ninh padai brah ka uranaih saong nyaom hu nguy cơ di Việt Nam” kayua rajaei Tây Ban Nha daong tapa gah padai brah saong ngak nong di Liên hợp quốc (FAO), Quỹ Nhi đồng Liên hợp quốc (UNICEF) saong gah Y tế dunya (WHO).  Dự án piah daong dak padang, peih ngak dom sarak, tacei pato can thiệp pablak bruk dinh dưỡng saong an ninh padai brah, rik daong patrun  bruk lavang lavaiy di uranaih umo ala 5 thun dalam jalan ngak di negar ka dinh dưỡng saong piah khik caga an ninh padai brah di sang dalam jalan ngak di negar ka an ninh padai brah.

2/ Meng kreh bilan 7 tal urak ni, jiak 2000 ha padai vụ thu di tỉnh Bình Định njauk rầy nâu palai kaik, rilo di abih nan lac di dom huyện Phù Cát, Phù Mỹ, An Nhơn…Rầy nâu hu rilo meng  750 tal 1.500 drei sa m2, hu labik hu tal 3.000 con sa m2. UB bhap bini tỉnh Bình Định hu buh tabiak jiak 500 tire65u đồng piah dong ka dom palei blei jru pametai rầy nâu. Ong Nguyễn Tấn Phát, akaok Chi cục khik caga phun pala tỉnh Bình Định brei thau

Pruh mbang ka sa labaih 2000ha, mbang 2 - 700ha song mbang ka 3- 500ha. Urak ni rầy nâu di tỉnh Bình Đinh daok trun,  labik halei dok hu rilo,  njauk tacei pato urang nong pacang brei abih song caga hadei 20/8 hu 1 mbang bahrau khol drei tui iek di angaok mblang 3 vụ.

3# Gilai pajeng tuai praong ka 3 di dunya  angan Voyager of The Seas, di hãng kapal  Royal Caribbean Cruise harei 9/8 hu ba labaih 3.600 tuai damuai saong labaih 1.200 thủy thủ đoàn mbang camereip tame  cảng Chân Mây, tỉnh Thừa Thiên Huế. Rilo tuai damuai hu Công ty Saigontourist ba nao ravang iek dom inem mek, dom labik mekre hu angan di  Huế, Đà Nẵng, Hội An, nao mbang dom janih pandap mbang bingi saong nao blei pandap... abih di nyu nan lac, angaok baoh kapal ini hu kapul urang vak bao – lambaok ka dom tap chi dang akaok di Australia saong Hồng Kông nao pasang iek, duah thau dom tuyến, labik du lịch di tỉnh Thừa Thiên-Huế.

4/ Tui Thường trực mban tacei jalan Tây Nguyên, urak ni dom tỉnh di Tây Nguyên dok hu labaih 23.500 boh sang urang dom bangsa takik mai daok langiu bruk ba tabiak oh ka hu ba tame dom labik quy hoạch piah tani tanat rai dui. Ni jeng lac makna ba tal bruk tak glai, man pateok suan adat dok rah tabiak, boh sang kan kathaot hu labik hu meng 75 tal 80%

5# Tỉnh Cà Mau daok jhul pakhang danakdak raong hadang pajaih hacih tukvak  2015 - 2020 piah pamaong tal bruk pabak hadang pajaih hacih ka  urang raong, klah pandar pajaih takik chat luong meblah tal 30% hadang pajaih palao raong urak ini. Bruk peih ngak danakdak piah tal thun 2020, dalam tinh hu peih veik 300 trai raong hadang hacih, patagok trại raong hadang pajaih di tinh tal 800 trại. Tui nan, khik kajap bruk pabak jaik 20 tỷ darei hadang pajaih ka urang raong, pabak 80% bruk caong hu hadang pajaih hacih.

6/ Sở ngak nong song patagok palei pala tỉnh Kiên Giang bahrau brei thau, meng akaok vụ tal ni, tong abih taneh padai hè thu song Thu Đông di Kiên Giang njauk khat lahik labaih 12.500 ha kayua langik tasik oh siam lagaih. Urak ni dom mblang taneh padai njauk khat lihik trak, urang nong hu pala drak veik, dom mblang padai metai takik mik va tam drak halok veik njauk tuk vak, Sở ngak nong song patagok palei pala tỉnh Kiên Giang hu tacei ba dom gah chúc năng pabak yaok ribau tấn padai pajaih brei ka bilan ngak Hè Thu song Thu Đông; tacei pato  urang nong ngak taneh, ramik hacih mblang padai pala drak veik song dom ilamu kỹ thuật iek glang padai, pacang caga jit ruak, pasiam dom khat lihik meng langik tasik.

Patui di ini lac khaw tin dunya

7# Rajaei Hy Lạp caong lac meda tamat bruk ginum biai haong dom po sraiy dunya suai abih di harei 11/8, dalam tuk dom bruk ginum biai daok rah tabiak di ban ine A-ten ka paok daong barau yaom yaok pluh ty dola caik ka taneh ia ini. Dahlau di nan, dom urang dang akaok taneh ia Hy Lạp brei thau, urang caong lac thoa thuan daong samal hu brei tapa piah ba tagok QH di harei 18/8 tal.

           8/Takik di abih 5 urang metai song yaok ribau urang gaok kan kandah hadei di tuk sa mbang ribuk khang nao tapa dom labik gah brak song gah kreik negar Chi Lê. Hajan khang daok ngak kan kandah tal dom tỉnh gah kreih negar Chi Lê di puac adit bloh dahlau di tuk nyu nao tapa gah barak, ngak jeng gluh ia sua song patau .

9# Dom urang alamu Ba Lan hu ngak sa bruk siam barau meda daong anek menuac thau cambaih jang jalan ba tal ruak lahik trí nhớ  atau megaiy takai tangin bhian gaok di urang taha ye An-dây-mơ (Alzheimer) saong Pắc-kin-sơn (Parkinson). Piah ngak tabiak năng lượng ka tế bào, njauk hu rilo jang sa rabau  prô-tê-in saong hu tuk  bruk pajeng ba dom prô-tê-in ini nao oh njauk jalan./.