1# Thủ tướng rajaei barau brei pabak jien thun 2015 piah peih ngak Đề án duah thau, pataom mek thông tin ka bruk ngak mbang kinh tế - xã hội di 53 bangsa takik. Tui nan, bruk khik ramik saong pandar jien pabak nan tui hukum urak ini, khik caga patak pataom, kein laba. Đề án duah thau, pataom mek thông tin ka bruk ngak mbang kinh tế - xã hội di 53 bangsa takik piah padang hệ thống thông tin, số liệu thống kê duh ka bruk khik ramik karja ka bruk bangsa.

2/ meng harei 8 tal harei 11/11, labaih 800 urang jakar, huấn luyện viên, vận động viên mai meng 18 tỉnh, ban gah brak hu pataom mai tỉnh lai Châu piah hu mbaok tame harei pakacah TT dom bangsa takik pakat negar mbang ka IX, khu vực I thun 2015. Bruk naih gheih jeng yau hatai chreih chrai dalam pakacah di dom vận động viên hu ba mai ka urang maong dom mbang pakacah biak mekre saong hu ralo kỷ lục barau hu padang tagok. Tapa nan, brei mboh bruk TDTT bhum bangsa tuk halei jeng hu sangka, pachreih patagok.

3# Kruac bhung Đoan Hùng, tỉnh Phú Thọ barau hu Tổng hội ngak nong saong patagok palei pala Việt Nam  pok brei giải thưởng “angan ameh ngak nong Việt Nam thun 2015”. Tapa labaih 300 kaya nong mai meng 63 tỉnh, ban dalam taneh ia , kruac bhung Đoan Hùng hu dom urang alamu, chuyen gia dang akaok gah ngak nong pilih ruah lac sa dalam 59 angan pandap ngak nong hu chat luong siam, hu angan je hu pok brei “ angan ameh ngak nong thun 2015”. 

4/ Gah ngak nông Đắc lắc hu ramik veik taneh pala phun yaok thun dalam bilan đông xuân 2015 – 2016 jaik tal daok jiak 42 ribau ha, trun jaik 4 ribau ha duk saong bilan đông xuân 2014 – 2015. Ini lac bruk ramik veik piah khik siam mekre ka bruk pala drak tuk ia hajan dalam thun kurang meng 20 tal 40%, ia pruh ka gah ngak nông. Ong Huỳnh Quốc Thích, phaok Giám đốc sở ngak nông saong patagok palei pala tỉnh Đắc Lắc brei thau: Dom janih phun pruh ralo ia ye brei khik hu ia meyah oh khik hu ye salih tapa pala phun karei atau oh pala drak piah klah khat lahik. Taphia di nan langiu bruk tacei pato dom jabat ban ngành thau ka bruk pandiak bhang bilan đông xuân ini, brei jhul pakhang bruk pathau khan piah bhap bini thau piah pandar ia pataok pataom.

5# Ủy ban bhapbini tỉnh Quảng Trị barau brei daong labaih 23 tỷ đồng ka sang kathaot apdang sang daok caga plaih ia xua ribuk thun 2015, rilo meng lac dom huyen Hải Lăng, Gio Linh, Đakrông, Triệu Phong, Hướng Hóa. Bruk daong  padang sang daok caga plaih ia xua ribuk meda daong dom sang hu jien padang sang daok an toan di bilan ia xua ribik, rik daong tani tanat raidiuk, patagok bruk ngak mbang san xuat, patruh eik patrun kathaot khang kajap.

6/ Harei 11/11, UBMT negar ban raya HCM peih bruk ginum meyai “pacang buôn lậu”, bleik saleik dalam pablei salih saong pandap ja – trách nhiệm di yaok urang kol drei”. Ban raya HCM urak ini hu jaik 490 ribau doanh nghiệp, menuac urang ngak gah pablei salih, dịch vụ ginup bruk. Meng akaok thun tal ini, mban khik iek drak ban raya HCM pambuak saong dom kapul liên ngành pasang iek labaih 8000 bruk pablei salih, pajeng ba pandap, tapa nan duah mboh labaih 4.200 bruk buôn lậu, pajeng ba, sản xuất saong pablei salih pandap ja. Dalam mbang ginum meyai, dom chuyên gia kakei urang blei pandar tuk blei pandap brei duah thau asal, yaom kaom, chất lượng piah nyaik bruk blei pandap ja. Ong Ngô Bách Phong, akaok kapul khik caga quyền lợi urang blei pandar ban raya HCM brei thau: Kol dahlak peih bruk tiếp nhận langyah khiếu nại di urang blei pandar bo mboh drei njauk khat lihik dalam bruk blei saong pandar pandap. Langiu di nan kol dahlak pok panuac saong jabat karja meyah hu dom bruk hagait ngak kan kandah tal rai diuk di ban raya ye dom jabat khik iek karja ngak harak tacei brei thau cambaih labik nan, bruk nan ka gah chức năng langyah.

7# Pamaong tal pahadar 33 thun harei gru patao VN,  dom nghệ nhân di kapul Nghệ nhân, thợ naih joi ban ine Hà Nội hu alin 2 bức phù điêu meng ban bhong ngan saong kadha ka Đảng saong Chủ tịch Hồ Chí Minh ka Học viện Chính trị Quốc gia Hồ Chí Minh. Hu thau, piah ngak hu dua bức phù điêu ini, 20 nghệ nhân di kapul ngak meng tangin ngak hamiet dakam jaik sa thun meng ngak blaoh.

Patui di ini dom khau tin dunya:

8/ UB bầu cử liên bang Myanma harei 11/11 brei thau, abih tih 333 gaiy nghị sỹ di thượng viện, hạ viện saong nghị viện bhum atau bang di taneh ia ini hu brei thau kuhria tal puac harei 10/11. dalam 333 giay, hu 88 gaiy thượng viện, 33 gaiy di hạ viện saong 212 giay di nghị viện dom bhum atau bang.

9#  Harei pataom  âm nhạc châu Âu 2015 meda peih tabiak di Hà Nội saong ban raya Hồ Chí Minh di harei 18/11 tal. Dalam mbang yaka 14 peih ngak, harei pataom âm nhạc châu Âu di Việt Nam yaih khan tal urang takre nhạc dom kadha trình diễn gheih mekre di dom nghệ sĩ naih gheih mai meng 8 taneh ia châu Âu lac: Áo, Wallonia-Brussels/Bỉ, Cộng hòa Séc, Pháp, Đức, Hungary, Ba Lan, Thụy Điển gam saong sa ban nhạc da mai ranaih umo tài năng di Việt Nam.

10/ Mbang akaok meti hadei di dom bilan brei padeih, cao ủy LHQ ka urang tị nan hu ba pandap daong tal labaih 12 ribau urang daok di bhum mesruh gah timur Ucraina. Ini lac mbang pandap daong akaok meti dalam 3 bilan tapa tal hu Lu-gan-xcơ, labik bhap bini gaok kan kandah trak kayua mesruh gauk. Ini jeng lac dom pandap daong ka bilan li-ar, dalam nan hu 10 ribau blah khan, 10 ribau khan mesram gam saong xi măng saong kayau piah pasiam veik sang danaok./.