1/ Akaok Ủy ban Trung ương Mặt trận negar Việt Nam Nguyễn Thiện Nhân hu taom gaok 80 urang Việt daok di 20 negar mai palei mbang Tết Nguyên đán anek sak pabe, hu mbaok dalam danak dak Xuân quê hương 2015 kayua UB karja ka urang VN dok di negar langiu peih ngak. Pathau khan haong Chủ tịch Mặt trận negar Việt Nam, dom urang Việt daok di negar lingiu brei mboh hatai jia tame bruk pan akaok di Đảng, karja, tuk halei jeng pamong tal taneh ia palei negar song cong khin rik dong pren yava, ilamu di drei ka bruk patagok di taneh ia, khik kajap chủ quyền negar palao tasik.

2/ Ong Nguyễn Xuân Phúc, Ủy viên mintri Chính trị, Phaok Thủ tướng rajaei,  akaok mban tacei jalan Tây Bắc hu nao pasang iek bruk peih ngak nhiệm vụ patagok kinh tế xã hội saong bruk kuhria caga rok têt anek sak pabe 2015 di tỉnh Yên Bái saong ngak bruk saong mban tacei jalan Tây Bắc. Phaok thủ tướng Nguyễn Xuân Phúc pandar dom gah chức năng di tỉnh ngak siam bruk trực dalam tuk tết, khik kajap an ninh trật tự, patakik bala angaok jalan mbak. Abih di nyu nan lac pataom tame peih ngak hu siam nyaom roya Đảng bộ dom pakat, pamaong tal nyaom roya mbang XI di Đảng.  

3/ Tỉnh Quảng Nam bahrau peih bruk truy tặng angan anh hùng tapon nyaom bol pan phao krong ka 37 urang kayua ngak hu rilo bruk prong dalam 2 mbang mesruh pacang khol Prang song Mỹ dong ka taneh ia. Akaok UB bhap bini tỉnh Quảng Nam Lê Phước Thanh hu panuac caong dom pakat, dom gah, dom puk palei ngak brei siam jang bruk bayar dar phol, pachreih ba dom nguồn lực xã hội, gam song karja song bruk kham merat yam tagok di yaok boh sang urang hu buh pren yava ka taneh ia piah patagok rai duik mbang ngui dok dang di urang hu buh pren yava ka CM

4/ Piah pachreih ba, klah rabha kan kandah saong dom baoh sang kan kathaot tuk tết nguyên đán, barau ini, hội Liên hiệp dam dara VN tỉnh Đắc Lắc hu peih danak dak hành trình nhân ái “sambai tết nguyên đán saong urang kan kathaot”. Danak dak hu peih tabiak di xã bhum atah Chư Êwi, huyện Chư Quynh, tỉnh Đắc Lắc ngan saong ralo bruk ngak yau: alin hadiah pandap, brah, iek ruak saong brei jru saoh ka bhap bini gaok kan kandah, bhap bini bangsa dalam tỉnh.

   5/ Tỉnh Gia Lai dok buh brei jiak 380.000 tấn brah dong eik lipa ka dom boh sang kan kathaot dok dalam tỉnh dalam tuk tết nguyên đán anek sak pabe 2015. Dalam mbang ni, yaok boh sang hu dong 15kg brah ka sa urang dalam sa bilan. Ni lac pok brah hu thủ tướng rajaei pandar mintri jien padai buh brei dong ka bhap bini di 8 tỉnh meng gilang khik piah di negar.

6/ Tapa 2 bilan pakacah saong ralo mbang pakacah, barau ini, harei pakacah anek saih sinh viên thanh lịch ban sit Cần Thơ mbang ka II – 2015 hu rah tabiak mbang pakacah chung kết xếp hạng palih angan hoa khôi saong hoa vương sinh viên thanh lịch. Harei pakacah kayua thành đoàn Cần Thơ pambuak bruk saong Sở pato megru, sở ilamu TT saong DL saong kapul người mẫu VN labik bhum taneran kraong Cửu Long peih tabiak. Labaih 100 urang tut angan tame, mban giám khảo palih hu 14 anek saih yam tame vòng chung kết xếp hạng.

7/ Thun 2015, Kapul pachreih bac tỉnh An Giang pataom tame patagok khang gah tổ chức, patagok hội viên gam song bruk peih ngak nyaom roya dom pakat, patagok dom nguồn lực xã hội, ba gauk tame dong iek glang ka rairah ranaih umo, daong pabak hatai jia song pren khang piah ka dom adei patagaok dalam bruk bac ada. Danak dak “daong pren nao bac” kayua kapul pachreih bac tỉnh AG peih tabiak di akaok thun bac 2014 – 2015 hu dong labaih 10 tỷ đồng ka 48 ribau anek saih, SV kan kathaot, jiak kan kathaot piah kuhria cag ka thun bac bahrau.  

Patui di ini dom khau tin dunya:

8/ Harei 12/2, di Viêng Chăn, Lào hu rah tabiak mbang nyaom yaok thun mbang ka 24 di kapul lambaok taphia negar taneh ia Cộng hòa xã hội chủ nghĩa Việt Nam saong kapul lambaok taphia negar taneh ia Cộng hòa dân chủ nhân dân Lào. Mbang nyaom hu rah tabiak dalam jum pataom, hữu nghị saong thau gauk jang. Dua gah njauk hatai taong yaom, tukvak tapa, bruk taphia negar di dua taneh ia hu khik tani tanat, an ninh trật tự, an toàn xã hội hu khik kajap, daong lagaih ka bruk patagok kinh tế - xã hội, khik kajap QP, an ninh labik taphia negar.

9/ Dom hãng tin negar langiu yau Reuter song AP brei thau, harei 11/2, Đại sứ quán Mỹ di ban ine Sana di Yêmen brei kreik pabah mbang kayua bruk an ninh. Reuters hu ba panuac di dom urang Yêmen dok ngak bruk di Đại sứ quán Mỹ brei thau, urang hu Đại sứ khan lac brei padeih ngak bruk dalam 24 tuk. Tui dom khau tin, Đại sứ quán di Thổ Nhĩ Kỳ song An-giê-ri brei ngak dom bruk di Mỹ dok di Yêmen dalam tuk vak Đại sứ quán Mỹ kreik pabah mbang./.   

10/ Ralo bhap bini daok di ban Nhật Chiếu, tỉnh Sơn Đông, gah timur Trung Quốc barau peih sa mbang pakacah ngak bánh bao hấp piah salam uan tết nguyên đán jaik mai tal. Tui hatai sahneng di bhap bini puk palei jeng yau di ralo bhap bini TQ, bánh bao hấp hu makna biak siam, bhian hu pandar piah pok paling mek kei, likau brei hu sron mbon, patuah jamo saong hu iek yau sa janih pandap alin siam hu yaom glaong dalam thun barau./.