1/ Salam uon Chôl Chnăm Thmây di urang Khmer, Phó Thủ tướng Vũ Văn Ninh, akaok mban tacei jalan Tây Nam bộ ha payua thư tadhau yhut tal bhap bini, dom ong bhik, urang jakar, urang lin, kiều bào song dom uranaih urang bangsa Khmer. Chôl Chnăm Thmây 2015 hu rah tabiak dalam tuk dalam negar dok caga peih rilo bruk prong prang. Bhap bini sư sãi Khmer kham merat ngak rilo jbruk salam uan dom kadha prong di taneh ia, saong daok patagok ilamu siam mekre meng kan saong dom bruk ngak hu, kham merat ngak mbang pala drak, dak padang rai duik trei sil haniem phol.

2/ Mintri Padang ngak barau hu harak caong Thủ tướng rajaei pasang iek, brei panuac ka bruk daong sang daok ka 7.606 baoh sang hu buh pren yava ka cách mạng, ngan saong yaom jien daong meng kadung jien TƯ nan lac 275 tỉ meteh. Jabat rajaei hu harak 8614/VPCP-KTN  brei thau panuac tacei pato di phaok TT Hoàng Trung Hải ka bruk daong sang daok ka baoh sang urang hu buh pren yava ka cách mạng, daok di 10 tỉnh nan lac: Bắc Giang, Hà Tĩnh, Đà Nẵng, Đắk Nông, Khánh Hòa, Bình Thuận, Đồng Nai, Hậu Giang, Kiên Giang saong Bạc Liêu.

3/ Danak dak padang ngak dự án mblang bein Phù Đổng gah pai jalan Trần Phú ban sit Nha Trang tỉnh Khánh Hòa, dok dalam tuk vak padang ngak, min gaok rilo phản đối di bhap bini. Dự án ni dok dalam quy hoạch chi tiết padang ngak tỷ lệ 1/500 mblang bein Phù Đổng hu UB bhap bini tỉnh Khánh Hòa brei adat, kayua  Công ty Trách Nhiệm Hữu Hạn Invest Park Nha Trang ngak po đầu tư. Urak ni rilo urang oh njauk hatai padang ngak danak dak ni kayua nyu pacang meta oh mong tabiak tasik Nha Trang hu.

4/ Di ban raya HCM, kadung jien bac Vừ A Dính barau peih bruk alin hadiah ka dom anek saih, sinh viên bangsa takik labik gah meraong gaok kan kandah, kham merat yam tapa kan kandah bac daa naih joi. Jian bac Vừ A Dính thun ini hu jao ka 220 anek saih, sinh viên. Yaok paok jien bac yaom sa triệu 500 ribau đồng brei ka sinh viên đại học saong sa triệu đồng brei ka anek saih trung cấp saong dự bị đại học.

5/ Tui UB bhap bini xã Xuân Phú, huyện Xuân Lộc, tỉnh Đồng Nai, dalam xã tagok hu labaih 30 hécta taneh pala bimao pong, rilo meng lac pala tui yaok boh sang. Ni lac bruk ngak ba jien tame glong song hu tani tanat. Pandap piah pala bimao pong rilo meng lac pong, nerang hu dalam dom mblang padai di puk palei. Hareik harom hadei di tuk paik bimao hu urang nong mek ngak khak drak atau pablei ka dom labik ngak khak vi sinh. Jalan ngak ni dok hu puk palei pachreih ba song pambak prong.

6/ Điện lực Long An peih “anak dak daong 4000 đồng sa baoh gum pui compact" ka urang nông pala thanh long di huyện Châu Thành. Danak dak ini piah salih gum pui sợi đốt piah xông thanh long brei tabiak baoh sung bilan patrun hu 35% yaom jien saong patagok năng suất, taphia di nan patrun áp lực ka bruk pabak điện xông thanh long urak ini. Danak dak hu ba tame pandar tal abih bilan 12/2015.

7/ Ong Lê Văn Sử, akaok sở ngak nong song patagok palei pala tỉnh Cà Mau brei thau, thun 2015 Cà Mau hu TƯ parabha brei 198 tỷ đồng phun jien dok dalam dom danak dak  thích ứng song biến đổi khí hậu song ia tasik tagok glong, dalam nan 120 tỷ đồng piah pasiam veik takai tasik gah timun, 78 tỷ đồng brei ka 3 danak dak pala glai njom mbak tapen tasik. Ni lac pok jien TƯ dong ka Cà Mau rilo di abih kuhria meng dahlau mai brei ka dom danak dak thích ứng song biến đổi khí hậu song ia tasik tagok glong.

Patui di ini dom khau tin dunya:

8/ Liên hợp quốc barau hu panuac ieu peih sa hành lang nhân đạo di trại tị nạn Y-a-múc di labik Tây Nam Xyri. Trại tị nạn hu ralo urang Palextin diuk rai ini urak ini daok gaok rilo kan kandah tuk bruk mesruh gauk gam gam rah tabiak di labik ini. Dalam sa mbang họp báo barau ini, ong Xtê-phần Đu-gia-rích  - urang brei panuac di jabat cứu trợ saong bruk ngak di LHQ ka urang tị nạn Palextin hu panuac duh hatai ka bruk daok rah tabiak di trại tị nạn ini.  

      9/ Dom urang dang akaok Nga song Hy Lạp bahrau njauk hatai gauk brei patagok talei pambuak bruk di dua taneh ia dalam bruk ngak nong song năng lượng. Tổng thống Nga Vla-đi-mia Pu-tin (Vladimir Putin) song Thủ tướng Hy Lạp A-lếch-xít Xi-prát (Alexis Tsipras) mek hu thỏa thuận nan dalam mbang taom gaok akaok meti di bsn ine Mát-xcơ-va (Moscow) bahrau ni.

10/ Urang tị nạn Yemen klak sang nao plaih kalin kan ba gauk tame Arập Xêut. Tuk nao tal pambah mbang negar At–oa, urang tị nạn hu khan brei thau dom bruk nguy hiểm bo bruk mesruh gauk di Yemen rah tabiak saong bruk kurang biak khang pandap mbang menyum, xăng menyek saong ralo janih karei karei. Dalam tuk nan, ralo taneh ia daok ba bhap bini di drei tabiak truh Yemen./.