1# Ủy ban Thường vụ Quốc hội peih pakak mbang nyaom yaka 38. Brei panuac di var peih pakak, akaok Quốc hội Nguyễn Sinh Hùng brei thau, bruk praong di mbang nyaom lac brei panuac tame harak pathau khan pabak tame di rajaei ka jalan peih ngak bruk patagok kinh te – xa hoi, kadung jien karja saong dom kadha ka bruk patak pataom pacang caga palai pajoa.

2/ Sang bac tiểu học Lê Hồng Phong, quận Ngô Quyền, ban sit Hải Phòng barau peih mô hình “sang bac điện tử”. Ini lac công trình điểm nhấn di gah pato megru ban sit salam uan 60 thun peih paha Hải Phòng saong nyaom raya Đảng dom pakat 2015. Mô hình “sang bac điện tử” hu padang tabiak piah daong bruk khik iek, pato saong bac, taphia di nan paglaong chất lượng pato megru dalam sang bac.

3#  Adit ilimo du lich harei pataom Chợ tình Khau Vai lac sa bruk ngak ilimo mengkan yaok thun di Cao nguyên patau Đồng Văn meda rah tabiak meng harei 13 tal 16/5 di huyện Mèo Vạc, tỉnh Hà Giang. Adit Chợ tình Khau Vai thun ini rah tabiak dalam 4 harei ngan saong rilo bruk ngak, ngak brei hadah tagok dom ilimo biak karei, biak gheih abih di bhapbini dom bangsa takik bhum glaong Hà Giang.

4/ Ong Lê Xuân Vân, akaok Chi cục An toàn vệ sinh thực phẩm Tuyên Quang brei thau, meng akaok thun tal ini, dom gah chức năng tỉnh Tuyên Quang hu pasang iek labaih 1.600 labik ngak saong pablei salih thực phẩm, duah mboh labaih 190 labik vi phạm ka vệ sinh an toàn thực phẩm. Dalam nan, hu 12 labik ngak thực phẩm, 144 labik pablei salih pandap pandar saong 35 labik pablei salih pandap mbang menyum. Chi cục hu nhắc nhở 147 labik, cảnh báo 28 labik, taong phạt 16 labik saong cap mek, ba nao am cuh klak pandap di 35 labik.

5# Kapal ikan QNg 98389 TS gam saong 11 urang ngak ikan di tỉnh Quảng Ngãi tuk taong cap angaok tasik ye khut jamraik, theik angaok tasik dalam dua harei tapa. Lingik di labik nan hu angin pakat 4, pakat 5. Hadei di tuk thau hu bruk ini, Đài Thông tin Duyên hải Việt Nam tabiak panuac brei thau tal dom labik duah daong urang njauk bala saong pandar dom gilai ngak bruk di bhum tasik kapal njauk bala patagok bruk pasang iek saong daong duah kapal QNg 98389. Ông Đoàn Ngọc Hiên, urang jakar Đài Thông tin Duyên hải Đà Nẵng brei thau :“Đài taduan hu khau tin saong hu khan ka dom gah  chức năng thau paje. Pasak pambuak bruk duah daong urang njauk bala Hàng hải khu vực 2, Cục Kiểm ngư, mBan tacei pato pacang caga xua ribuk tỉnh Quảng Ngãi saong patabiak thông báo bruk ini tal dom gilai ngak bruk angaok tasik thau piah daong kapal gaok bala ini”.

6/ Di ban sit Phan Thiết, kapul urang nông tỉnh Bình Thuận pambuak bruk saong báo tuổi trẻ, Cty cổ phần GreenFeed saong Tỉnh đoàn Bình Thuận barau peih mbang jao phun jien di danak dak “daong pren urang nông brei anek nao bac” ka 60 baoh sang urang nông di dua huyện hàm Tân saong Đức Linh. Bruk ngak nan piah daong dom baoh sang kan kathaot, baoh sang jaik si kan kanthaot gaok kan kandah raong glang yam truh kan kathaot, kham merat ngak mbang saong raong anek bhik mbang bac tal labik tal dhua.

7# Di sang bac Trung học phổ thông Nguyễn Hữu Thọ, Quận 4, ban raya  Hồ Chí Minh, Ủy ban An toàn giao thông negar saong Kadung jien pacang caga metai, lihik châu Á barau peih mbang “ndom biai uranaih saong an toàn Giao thông”. Bruk ngak di danakdak piah pachreih bruk sangka di bhapnini, jak ba menuac sia ba gauk tame ngak ka jalan mbak di taphia dom sang bac hu siam mekre.

Patui di ini dom khau tin dunya:

8/ Akaok negar Trung Quốc Tập Cận Bình hu mbang nao rivang tal Bê-la-rút. Ong Tập Cận Bình hu mbang ginum meyai saong Tổng thống Bê-la-rút Lu-ca-xen-cô. Dua gah hu mbaoh tangin tame harak tuyên bố chung piah patagok talei pambuak bruk saong chứng kiến bruk mbaoh tangin tame ralo harak pambuak bruk dalam dom gah yau kinh tế, pablei salih, hải quan, pato megru saong ilamu.

9# Dalam dom bruk ngak  di mbang tapa rivang ban Hauxtơn, bang Têchdat (Texas), Hoa kỳ, Đại sứ Phạm Quang Vinh hu pataom mbaok tame nyaom biai Công nghệ dầu khí langiu tasik thun 2015 (OTC-2015), hu mbaok tame var taduan raok di Tổng Lãnh sự Việt Nam di Hauxtơn di tuk pahadar 20 thun padang talei pambuak bruk ngoại giao Việt Nam - Hoa Kỳ,  taom gaok dom doanh nghiệp Hoa Kỳ di Hauxtơn.

10/ Akaok mintri QP 4 taneh ia Prang, Đức, Ba Lan saong Tây Ban Nha hu mbang họp di ban Lô-ri-ăng, gah pai taneh ia Prang piah ginum meyai dom jalan ngak pacang bruk khủng hoảng nhập cư, jeng yau jhul pakhang sa rajaei jum pataom bangsa di Libi./.