1# Tui quy định di mintri pato megru, dalam yaok mbang xét tuyển, thí sinh hu tut angan 4 nguyện vọng tame 4 ngành di sa sang bac đại học tui  thứ tự ưu tiên meng 1 tal 4. Urak ini, tapa sa meteh tukvak tut angan xét tuyển mbang 1, rilo thí sinh mboh duh hatai, quy định ini ba tal bruk nguyện vọng “ảo” di dom gah, dom khoa di sa sang bac, ngak kan kandah ka bruk pasang iek hồ sơ saong brei thau cơ hội trúng tuyển.

2/ Tal urak ini, tỉnh Đắc Lắc barau pala hu jaik 2.000 ha ca cao, bahrau samu 1/3 bruk ba tabiak. Manak nan lac kayua bhap bini kurang thau ka ilamu ngak mbang pala drak saong darak pasar pablei janih kaya nông ini. Dalam quy hoạch di tỉnh, phun ca cao brei pala ralo di bhum atah bayah, bhum kan kandah. Ralo labik dalam tỉnh jeng oh ka ba ca cao tame ngak janih phun pala nan ye oh sangka patagok. Ong Huỳnh Quốc Thích, Phaok giám đốc sở ngak nông saong patagok palei pala tỉnh Đắc Lắc brei thau: Tukvak urak ini pasang iek taong yaom saong pataom tame thâm canh 2000 ha ca cao urak ini daok hu piah brei ka bhap bini mboh lac: meyah kol drei hu phun jien buh tame ye nyu ba mai kein laba glaong saong tok di peih praong taneh ngan saong dom doanh nghiệp salih janih phun pala dalam taneh cà phê tái canh gaok kan kandah saong dom doanh nghiệp ini brei hu ginup phun jien piah buh tame saong khik iek meng patagok ca cao hu.

3# Dam dara Bộ đội Biên phòng tỉnh Quảng Nam barau alin 20 paok pandap, yaok paok yaom 500.000đ ka sang sarak, anek saih yam tapa kan kandah bac joi di xã Sông Kôn, huyện Đông Giang, tỉnh Quảng Nam. Langiu di nan, dom y, bác sĩ ranaih umo di Bộ đội Biên phòng tỉnh Quảng Nam daok pambauk bruk saong Balai y te xã Sông Kôn, huyện Đông Giang iek ruak saong brei jru saoh ka labaih 200 mbang urang; tư vấn ka dom bruk caga ruak, khik hacih saat alam moi truong, mbang menyum hacih. Đại tá Nguyễn Văn An, Phó Chính ủy Bộ Chỉ huy Bộ đội Biên phòng tỉnh Quảng Nam brei thau : Ravang saong alin pandap, bhapbini  biak uan tabuan. Rilo urang ruak bo kol dahlak brei jru lac bhapbini sahanang hatai. Bộ đội Biên phòng tỉnh Quảng Nam glang iek 2 huyện Tây Giang và Nam Giang di tỉnh Quảng Nam, bhian pambuak bruk saong  Sở Lao động Thương binh saong Xã hội yaok thun nao ravang saong alin pandap ka bhapbini di labik biên giới.

4/ UB bhap bini ban raya HCM barau pandar sở lao động – thương binh saong XH ba phun jien meng kadung jien patruh eik patrun kathaot tapa ka gilang pariak sarak karja ban raya khik iek, brei mesraiy di quận tân Phú saong huyện Bình Chánh dalam quý 3 thun 2015. Taphia di nan peih bruk taong yaom, rút kinh nghiệm, ngak salah bruk ba phun jien di puac thun 2015, pathau khan UB bhap bini ban raya piah peih bruk ba phun jien ka dom quận, huyện daok veik dalam quý 1 thun 2016.

5# Sở Tài nguyên saong Môi trường tỉnh Trà Vinh barau peih praong bruk pandar thùng nhựa ủ hareik hữu cơ salih jeng khak compost  ka jaik 1.000 sang palei pala di 4 huyện Cầu Kè, Càng Long, Tiểu Cần saong Trà Cú. Dom sang pataom tame danakdak hu Sở Tài nguyên saong Môi trường pambuak bruk saong karja puk palei daong 1 thùng phi nhựa ủ hareik hữu cơ praong 160 lít, sa sọt hareik piah padang hareik vô cơ saong hu urang jakar kỹ thuật tacei pato bruk parabha, xử lý hareik nerak, bruk taduan mek khak .

6/ Lac tỉnh hu ikan hamu meng 30.000 tal 40.000 tấn sa thun min tukvak ini, di Cà Mau, janih ikan ini daok kurang, yaom pablei tagok. Di darak pasar, urak ini ikan calet janih 4 drei sa kg yaom 120.000 đồng sa kg, tagok 40.000 đồng sa kg duk saong thun dahlau; ikan kuak janih 8 drei sa kg yaom 130.000 đồng sa kg, tagok 50 ribau đồng sa kg duk saong thun bloh; ikan kan 100000 đồng sa kg, tagok 30.000 đồng sa kg duk saong thun bloh. Dom janih ikan hamu karei yau ikan bồi, ikan thác lát jeng hu yaom 80.000 đồng sa kg. Tui dom urang pablei salih ikan hamu di Cà Mau, makna kurang ikan nan lac kayua bruk cap ikan daok sit rah tabiak gam gam.

7# Pamaong tal pahadar 70 thun Cách mạng bilan 8 (19-8-1945 - 19-8-2015) saong harei negar 2-9, mintri ilimo padhih saong Du lịch pambuak bruk saong uy mban bhapbini ban raya Hồ Chí Minh peih ngak harei pataom đồng ca hợp xướng “Dom kadha daoh ba tagok Đảng” di harei 20/8. Danakdak rah tabiak di sang daoh ban raya Hồ Chí Minh saong hu mbaok 6 quận, huyện di ban raya lac pasak ilimo dom quận 1, 3, Tân Phú, Tân Bình, Gò Vấp, Thủ Đức saong sang bac Trung cấp Văn hóa nghệ thuật ban sit Cần Thơ. 

Patui di ini dom khau tin dunya:

8/ Labaih 62.000 urang Philippines daok gaok kan kandah kayua ia sua, tui pathau khan di hội đồng pakat negar ka bruk khik iek saong patrun bala meng langik atsik di Philippines. Hajan gam gam meng adit dahlau nyu ngak dauk dom ban sit pasak tỉnh Bihol saong dom tỉnh Bukidnon, Maguidanaogah meraong Philippines. Jaik 900 urang hu panduan ba nao tal labik an toàn. Hu 9 urang metai dalam mbang ia sua meng bloh. Khat lahik di gah ngak nông saong cơ sở hạ tầng Philippines tui kuhria tuk camereip tagok tal 4,45 triệu peso (jaik 118.995 đô la Mỹ).

9# Barau ini, Ủy ban châu Âu (EC) brei dui atah dom bruk daong urang pala njam baoh kayau tal puac bilan 6/2016, piah daong cakak bruk pakauk blei tame pandap châu Âu kayua Nga áp đặt piah trả đũa bruk châu Âu trừng phạt Moscow kayua pambuak tal bruk khủng hoảng di Ukraine. Tui Ủy viên châu Âu ngak bruk gah ngak nong Phil Hogan, langiu kadung jien caik ka kích cầu saong dom bruk kham merat ngoại giao piah duah darak pasal barau, uy mban châu Âu  jeng paglaong janih bayan veik ka dom urang nong gaok khat lahik, hu daong dom pandap daok kandong ngan saong jaik 3.000 tấn di yaok taneh ia dalam EC .

10/ Châu á ndom biai saong châu á lac angan parang iek daok rah tabiak di miuyim nghệ thuật đương đại Jeju, Han Quoc, yaih khan jaik 70 tác phẩm dalam bộ sưu tập di miuyim saong di dom nghệ sĩ châu á. 18 nghệ sĩ meng 6 taneh ia (Trung Quoc, Ấn Độ, Indonesia, Hàn Quốc, Philippines, Việt Nam) hu mbaok tame parang iek. Yaok tác phẩm nan lac sa dalikan ndom ka thiên nhiên, anek menuac saong rai diuk, hu tacei tabiak cambaih laih dom makna truyền tải saong yaom gloang karei – bruk đa dạng di dom tác phẩm bo dom nghệ sĩ mai meng dom taneh ia hu ba mai ka parng iek, jalan peih tabiak  hatai sahaneng saong thông điệp bo urang khin payua nao./.