# Thủ tướng rajaei  tacei pato mintri jien padai  buh tabiak ( oh mek jien) 3.887 tấn brah meng gilang khik piah di negar brei ka 2 tỉnh Tuyên Quang, Nghệ An piah dong ka bhap bini dalam tuk tết nguyên đán thun 2016. Thủ tướng rajaei pandar Ub bhap bini 2 tỉnh Tuyên Quang, Nghệ An taduan mek song pandar brah dong nan njauk tuk, njuask menuac

# Mintri ngak nong saong patagok palei pala brei thau, thun 2016, gah ngak nong kuhria mboh lac meda trun jaik 100.000 ha padai piah salih tapa pala dom janih phun karei; dalam nan rilo meng lac tangei, phun ngak pandap mbang ka raong glang; taphia nan pataom tame paglaong chat luong saong patrun yaom ngak padai brah tapa bruk patagok pandar pajaih padai siam, yaom pablei glaong saong dom jalan pala drak yau gauk. 

#/ Tỉnh Phú Thọ bahrau ba tabiak bản Quy hoạch khik ramik song patagok labik inum krung sajarah dak rai Đền Hùng tal thun  2025. labik inum krung sajarah dak rai Đền Hùng hu taneh prong 845ha, dalam nan hu 2 labik praong. Tong abih phun jien piah khik ramik song patagok labik inum krung sajarah dak rai Đền Hùng labaih  4.500 tỷ đồng. 

# Ủy ban bhapbini tỉnh Quảng Nam barau hu tacei pato bruk dui atah tukvak pandar thẻ bảo hiểm y tế  thun 2016 ka bhapbini daok di bhum kinh te – xa hoi biak kan kandah daok hu mbang tui bruk iek ruak meng bảo hiểm y tế thun 2016 tui  adat hukum. Tui nan, brei dui atah tukvak pandar thẻ bảo hiểm y tế ka dom urang bangsa takik daok di bhum kinh te – xa hoi biak kan kandah; urang daok di bhum bãi ngang, tapen tasik saong pulao kaoh daok hu mbang tui bruk iek ruak bảo hiểm y tế tal tuk hu harak tacei pato di jabat hu thẩm quyền tui tacei pato di Bảo hiểm xã hội Việt Nam.

#/ Tapa pataom iek meng 62 DN lambaok di tỉnh Tiền Giang mboh lac, yaom jien bilan kuhria rah tapa di urang ngak di dom DN thun 2015 lac 4,7 triệu đồng sa urang, tagok labaih 19% dut song thun dahlau. Jien mek tame di urang ngak thn bloh lac 5,6 triệu đồng, tagok 16% dut song thun dahlau. Tuk tết anek sak kara 2016, dom DN jeng hu thưởng ka urang ngak takik di abih lac sa bilan jien bilan cơ bản

# Dalam dom harei ini, urang nong dom quận, huyện langiu ban sit Cần Thơ daok peih praong taneh pala njam patam pablei  Tết Nguyên đán. Tui mikva labik ini, pala njam dalam bilan Tết hu laba rilo jang 3-4 mbang duk saong ngak padai. Dom puk palei pala njam patam rilo abih lac quận Cái Răng, Ô Môn, Thốt Nốt, Bình Thủy saong huyện Phong Điền. Dom janih njam patam hu pala rilo lac tam kai, njam, ritak dom janih.

#/ Meng harei 12 tal harei 17/1, harei patom dom tác phẩm sân khấu gheih di abih salam uan nyaom roya đảng pakat negar mbang 12 hu rah tabiak di dom nhà hát, rạp hát dalam HN. Harei patom hu mbaok di labaih 10 kapul nghệ thuật sân khấu chuyên nghiệp trung ương song puk palei, palih ruah parang me-in 11 tác phẩm  gheih di abih dalam kịch mục hu takre abih di VN, hu peih mbaok meng vở “Lâu đài cát”.

Khaw tin dunya

# Kinh tế Mỹ hu ba 292.000 bruk ngak dalam bilan 12/2015, sa kadha brei mboh kinh te praong abih dunya daok tagok  khang kajap yaom lac hu bruk trun tagok di darak pasal chứng khoán dunya jaik ini saong dom tavak tavaiy karei karei. Yaom lac pathau khan mboh siam jang duk saong dom kuhria mboh dahlau di dom chuyên gia kinh tế, min jeng daok hu jaik 8 triệu urang Mỹ oh ka hu bruk ngak saong 6 triệu menuac urang daok ngak bruk meteh tukvak .

#/ Dalam mbang nyaom di Tokyo, Nhật Bản, akaok mintri Quốc phòng Anh Michael Fallon song akaok mintri quốc phòng nhật bản Gen Nakatani hu njauk gauk ka danak dak pambuak bruk an ninh quốc phòng di 2 negar song duah jalan dong quân sự ka ASEAN. Mbang nyaom rah tabiak hadei di tuk akaok mintri ngoại giao 2 negar peih bruk ginum biai an ninh mek angan lac “dua pagam dua”. 2 akaok mintri njauk gauk brei padang sa jalan pambuak bruk piah hu mbaok tame bruk dong ka bol bala di 10 negar dalam ASEAN patagok ilamu quốc phòng. 

# Liên hợp quốc harei 11/1 hu peih bruk pahadar 70 thun peih mbang nyaom akaok meti di Đại hội đồng Liên hợp quốc. Brei panuac  di tuk pahadar, akaok Đại hội đồng mbang 70 Mô-gen Li-kê-tốp (Mogens Lykketoft) brei thau, hadei di sa tukvak nao tapa mesruh metak, tayah tayaic  saong taong mbom hạt nhân, dom taneh ia di dunya daok ba gauk langayah dom bruk di dunya. Ông Li-kê-tốp ndom lac, harei ini ngan saong 193 taneh ia thành viên lambaok ka labaih 99%  menuac sia dunya, Đại hội đồng Liên hợp quốc hu jeng jabat patabiak sarak saong lac labik ka dom thành viên ba tabiak jalan ngak siam ka dom bruk hòa bình, patagok kinh tế saong quyền anek menuac .