1/ Tal urak ni, labaih 3000 boh sang urang bangsa takik daok di 22 xã biak kan kandah di tỉnh Khánh Hòa hu mesraiy labaih 17 tỷ đồng, piah patagok bruk ngak mbang, rong glang. Yaok boh sang hu mesraiy meng 5 tal 8 triệu đồng oh mek jien laba meng gilang pariak sarak karja. Meng jien sraiy ni, rilo sang buh tame ngak mbang, pablei salih, yam tagok tabiak truh kan kathaot.

2/ Peih ngak đề án “patagok kinh tế - xã hội, tani tanat bruk ngak mbang saong rai diuk dom puk, palei biak kan kandah hu ralo bhap bini bangsa Mông diuk rai di tỉnh Thái Nguyên tal thun 2020”, sở ngak nông saong patagok palei pala tỉnh ini hu peih bruk daong pajaih, khak drak pala tangei lai tal taong abih dom baoh sang urang Mông kan kathaot saong jaik si kan kathaot. Dalam nan, thun 2014 daong ka mikva pala drak 308ha; thun 2015 daong ka mikva pala drak 754ha. Langiu di nan, dom bruk yau yau điện, sang bac, sang ilamu…. daok hu padang ngak.

3/ Di pasak parang iek ilamu Cham Bình Thuận bahrau peih parang iek thaot binguk hu angan “ Harei patom ilamu Cham”. Labaih 60 blah rup cih, rup patau ka ilamu Chăm di dom urang cih dok dalam song langiu tỉnh hu ba tabiak parang iek. Jeng dalam mbang ni, Pasak parang iek ilamu Cham dok hu yaih khan tal tuai damuai rilo janih pandap bahrau, hu yaom glaong ka ilamu sajarah, ka makna di harei kate. Lingiu di nan, daok hu pakacah ngak har naong liya, pakacah ramik salao pandap da-a muk kei harei Kate, peih melam doh tako “ Sap doh yam tapa thun bilan” piah pamơrơ tuai damuai song bhap bini dalam palei. Saai Đơn Thị Ái, urang Chăm dok di xã Phan Hiệp, huyện Bắc Bình,  tỉnh Bình Thuận lac   

4/ Di xã Tân Hiệp, huyện Trà Cú, tỉnh Trà Vinh, labik hu jaik 84% menuac sia lac bhap bini bangsa Khmer, bruk uan rok Sêne Đôlta biak praong prang. Ong Lý Văn Năng, akaok UB bhap bini xã Tân Hiệp brei thau: “tal urak ini, taong abih dom baoh sang kan kathaot, baoh sang gaok kan kandah dalam bhap bini Khmer hu daong sang daok. Điện negar hu dui mai truac hadah, jalan bê tông nao pasak xã hu padang ngak, ralo dự án ba ia hacih ka bhap bini jeng hu peih ngak.

5/ Hadei di 3 bilan padang ngak, 5 boh tatua tual hu ngak bloh di tỉnh Kon Tum. Ni lac sa dalam 186 boh tatua di mintri pajeng ba hu padang ngak di 28 tỉnh bhum ceik gah barak, gah kreik negar song Tây Nguyên. 5 boh tatua hu pabak ka bruk nao mai di bhap bini daok dalam palei.

6/ Sở ilamu TT saong DL tỉnh Đắc Lắc barau peih giải việt dã “gam saong SacomBank nduac kayua pren yava bhap bini” thun 2015. Giải pachreih hu 550 vận động viên di 12 kapul di dom mban ngành, kapul nyaom saong dom sang bac, cao đẳng dalam tỉnh Đắc Lắc pataom mbaok tame. Ini lac bruk ngak yaok thun di tỉnh Đắc Lắc piah jhul pakhang bruk pasram TDTT tui kreh camin Wa Hồ.

7/ Di sang pakacah Nguyễn Du, quận 1, Hội Thể dục thẩm mỹ ban raya Hồ Chí Minh bahrau peih harei pataom urang kamei khang kadang siam binai mbang ka 23. Di harei patom nan, 1000 urang kamei mai meng dom kalup  kapul thể dục thẩm mỹ dok di ban raya hu ba mai rilo kadha đồng diễn thể dục khang kadang siam binai yau: thể dục tangin saoh, thể dục song gai jre, song blong, song talei. Harei patom piah ka adei saai kamei brei mboh bruk bac megru song ngak tui jalan “Bhap bini khang taneh ia meng kajap” di Bác Hồ. 

Patui di ini dom khau tin dunya:

8/ Piah daong doanh nghiệp VN saong TL hu kuhria caga siam jang ka bruk mbeik drei tame kinh tế ASEAN, patagok talei pambuak bruk dalam dom gah bo doanh nghiệp dua taneh ia hu pren khang, Thương vụ đại sứ quán VN daok di TL pambuak bruk saong kapul hữu nghị TL – VN barau peih diễn đàn “pambuak bruk doanh nghiệp VN – TL, jalan pamaong tal kinh tế ASEAN” di Bangkok. Ini lac tuk piah doanh nghiệp dua taneh ia pambuak bruk piah jhul pakhang đầu tư, pablei salih dua gah  patagok, paglaong bruk ngak saong labik dang di VN saong TL dalam ASEAN saong dunya.

9/ Jabat Tổng thống Hàn Quốc brei thau, Tổng thống Hàn Quốc Pắc Cưn Hê tapa rivang Mỹ meng harei 13/10. Dalam mbang nao rivang ini, Tổng thống Pắc Cưn Hê hu ginum biai song Tổng thống Mỹ Obama, dom urang ngak prong di 2 viện di QH song nao rivang jabat Mintri Quốc phòng Mỹ. 2 gah hu ginum biai ka dom bruk prong yau an ninh di angaok palao Triều Tiên, talei pambuak bruk Mỹ- Hàn song dom bruk dom kadha di dunya.

10/ Urang vak di rayo sap ndom VN daok di NB brei thau: rajaei NB daok pasang iek sa paok jien yaom labaih 3000 tỷ Yên piah daong urang nông dalam taneh ia pacang cakak bruk merak gauk pandap blei tame yaom lap hadei di tuk NB saong 11 taneh ia karei tamat dom mbang ginum meyai hiệp định pambuak bruk kinh tế xuyên thái bình dương meng akaok bilan 10 barau ini./.