1# Meng harei 16 tal harei 21/11/2015, Nyaom roya tasik Đông Á meda rah tabiak di ban sit Đà Nẵng. Nyaom roya tasik Đông Á hu peih ngak mbang akaok mereip di thun 2013 saong yaok 3 thun peih ngak sa mbang. Ngan saong kadha “ Bruk ngak dunya, kein laba puk palei – padang ngak danakdak nghị sự ka patagok khang kajap dom tasik Đông Á hadei thun 2015”, nyaom roya mbang ini meda brei tabiak bruk cập nhật patagok khang kajap tasik Đông Á saong brei thau dom bruk ngak di kapul pambuak bruk khik ramik alam moi truong dom tasik Đông Á (PEMSEA).

2/ TƯ kapul urang nông VN pambuak bruk saong UB bhap bini tỉnh Kon Tum, kapul urang nông tỉnh barau peih bruk padang ngak pasak pato bruk ngak saong daong urang nông tỉnh Kon Tum, ngan saong  yaom jien buh tame ngak abih tih 40 tỉ đồng. Tui nan, công trình hu padang ngak angaok taneh praong labaih 19.000 m2, hu sang đa năng; sang xưởng ngak iek; sang mbang; labik daok saong dom công trình phụ trợ… Hadei di tuk pasak ngak salah bloh, nyu jeng labik pato bruk ngak, tacei bruk ngak, ba bruk ngak ka urang hội urang nông dalam tỉnh.

3# Ban Dân vận Tỉnh ủy gam saong dhar gilang pariak ngak nong saong patagok palei pala tỉnh Quảng Ngãi barau brei pabui pajaih alin 16 sang bhapbini bangsa Hrê kathaot daok di palei Diên Sơn, Xà Tôn saong Gò Tranh di xã Long Sơn, huyện Minh Long. Tui nan, yaok sang hu taduan mek dua drei pabui pajaih. Abih tih jien daong mbang ini lac labaih 40 triệu đồng.

4/ Urang taong cap ikan daok di tapen đầm Ô Loan, huyện Tuy An, tỉnh Phú Yên hu jien mek tame ralo kayua njauk bilan hadang tít (daok ieu lac hadang bàn chải). Tui urang taong cap ikan labik ini, kayua dom harei tapa hu hajan nan ye ia meng kraong Kỳ Lộ tuh mai đầm Ô Loan biak ralo ngak ka ia dalam đầm tagok glaong saong nyu taba nao. Dalam tuk nan hadang tít daok dalam rong, ala tal gluh nan ye tuk ia dalam đầm Ô Loan tagok glaong ngak ka hadang tít sốc ia taba, mblo akaok tagok tui ia nduac. Mikva tok di palih labik ia nduac saong mek halam piah cap hadang tít. Yaok melam sa urang meda cap hu meng 60 tal 80 kh hadang tít. Dom baoh sang pandar ralo halam cap hu meng 150 kg tagok.

5# Tal urak ini, di tỉnh Khánh Hòa hu mboh 5 rabau mbang ruak pandiak tabiak darah, tagok labaih 4,4 mbang duk saong dom bilan ini thun 2014. Yaom lac hu ba tabiak rilo jalan pacang caga, min jit pandiak tabiak darah jeng daok rah tabiak khang di tỉnh ini, dom urang njauk ruak oh padheih patagok. Urak ini, tỉnh Khánh Hòa mboh jaik 300 sruh jit, dalam nan ban sit Nha Trang lac labik hu urang ruak pandiak tabiak darah glaong abih tỉnh ngan saong labaih 1200 mbang. Gah chức năng hu kakei bhapbini ngak siam bruk khik hacih pandap padang ia dalam sang saong vil taom dhar labik daok piah pametai lăng quăng bọ gậy,  pruh hóa chất pametai jamaok.

 6/ Tui mintri pato megru, piah peih ngak hu kein laba bruk pato bac sap Thái, sap M’Nong ye bruk praong abih di urak ini lac: pasram megru paglaong ilamu ka gru pato sap Thái saong M’nong, tapa nan, rik daong pakhang saong patagok dom ilamu pato bac sap Thái, sap M’nong; pabak menuac saong paglaong ilamu pato pakai ka  gru pato sap bangsa Thái, sap bangsa M’nong dalam dom labik pato megru phổ thông saong pasak pato megru thường xuyên.

7# Pagaiy harei (12/11), Cục khik ramik bruk meriak gauk, mintri Công thương peih nyaom biai taong yaom 10 thun ngak tui hukum meriak gauk tui meta maong di gah doanh nghiệp. Di mbang nyaom dom Doanh nghiệp ndom lac : dalam 10 thun kol drei ngak hu dom jak jeng praong dalam bruk ngak tui hukum meriak gauk, ngak jeng mblang meriak gauk siam mekre. Min, jeng daok dom bruk oh ka siam njauk roh duah, pasang iek dom sarak meriak gauk piah khik caga quyền lợi urang blei.  Ông Phùng Văn Thành, Phó akaok jabat duah thau bruk trun takik meriak gauk, Cuc khik ramik meriak gauk brei thau : 

“Meyah dut saong dom taneh ia di dunya ye Mỹ, Nhật hu  hukum meriak meng lavik mai, duk saong hukum meriak gauk di Việt Nam lac daok bahrau barang. Yaom lac yau nan, bruk ngak hu di 10 thun ngak tuk camereip hu rilo bruk  njauk pok meyaom” 

Patui di ini dom khau tin dunya:

8/ Tal thun 2016, rajaei CPC hu taduan, khik iek saong khai thác labik DL hu angan Đền Ăngco Vát. Labik DL hu angan Đền Ăngco Vát, daok di tỉnh Xiêm Riệp, tui pathau khan, labik DL ini yaok thun pachreih tuai damuai DL negar langiu labaih 2 triệu urang, jien mek tame meng bruk pablei harak thun bloh jaik 60 triệu đô la, eng 10 bilan akaok thun ini jien mek tame 47 triệu đô la.

9# Mintri Ngoại giao Mỹ harei 11/11 brei thau, taneh ia meda buh tabiak 27 triệu đôla Mỹ (USD) piah salih mek thông tin di 6 urang dang akaok di “ bruk dam dara” sa tổ chức cực đoan di Sô-ma-li (Somali) – hu peih ngak rilo mbang taong khủng bố di bhum gah timul, châu Phi.

10/ Tổng thống Ai Cập An Xi-xi harei 11/11 brei thau, Ai Cập kham merat khik kajap siam mekre ka tuai damuai DL. Panuac ini di ong An si si ba tabiak hadei di tuk sa kapal haok di Nga  laik di bán đảo Xi nai di Ai Cập kayua medil lac taong mbom ngak 224 urang angaok kapal haok metai./.