1# Thủ tướng rajaei barau phê duyệt Đề án “paglaong bruk pambuak pagam jalan mbak pajeng ba dalam ASEAN tal thun 2020, pamaong tal thun 2030”. Bruk ngak di danakdak lac ngak ka nyu salah blaoh bruk peih ngak dom sanya di Việt Nam dalam ASEAN ka jalan mbak pajeng ba; patgok siam mekre bruk pambuak pagam piah patagok kinh te – xa hoi, khik caga kein laba di taneh ia, paglaong labik dang saong pren meriak gauk di Việt Nam angaok dunya.

2/ Thau lac phun kruoc aik sro ba mai kein laba glaong ka urang nông, bahrau ini, sở ngak nông saong patagok palei pala, sở khoa học saong công nghệ tỉnh Nghệ An hu pambuak bruk saong dom gah pambuak tal saong dom puk palei hu peih quy hoạch bhum pala, palih ruah pajaih aik kroc sro brei năng suất, kein laba glaong, taphia di nan tacei pato dom ilamu ka urang nông piah patagok samar janih phun ini, daong ka urang nông salih barau rai diuk. 

3# Piah daong ka dom sang urang bangsa takik Vân Kiều, Pa Cô hu mersaiy jien, patagok kinh te, rilo thun ini mai, Gilang pariak sarak karja dhar tỉnh Quảng Trị hu ba bruk brei mesraiy ưu đãi tal mikva. Tui nan, yaok sang hu mersiay meng 10 - 50 triệu đồng. Paok jien mesraiy ini pandar piah raong athur, menuk ada patagok kinh te sang. Rilo sang bhapbini hu mesraiy jien hu tani tanat raidiuk, rik daong patruh eik patrun kan kathaot. 

4/ Pandiak bhang dui atah, bhap bini huyện pulao Lý Sơn, tỉnh Quảng Ngãi jak gauk rok bingun mek ia brei ka bruk pala drak. Meyah thun 2014 dalam huyện barau hu jaik 550 bingun ia ye urak ini hu tal jaik 1.300 baoh bingun. Bruk rok bingun mek ia dak ngak brei patagok bruk thu lagu dalam bilan pandiak di pulao Lý Sơn. 

5# Mbang pakacah tamat trung học phổ thông pakat negar thun 2015 jaik tal, dalam tinh Lâm Đồng hu padang 2 cụm pakacah nan lac: cum pakacah tamat trung học phổ thông pakat negar liên tỉnh (caik ka thí sinh tỉnh Lâm Đồng saong Ninh Thuận tame pakacah mek kết quả piah pilih ruah tốt nghiệp saong pilih ruah tame đại học, cao đẳng) saong cụm pakacah tamat trung học phổ thông pakat negar tỉnh (cai ka thí sinh tỉnh Lâm Đồng tok tame pakacah piah mek kết quả xét tốt nghiệp). Urak ini, Sở pato megru tỉnh Lâm Đồng pambuak bruk saong Đại học Đà Lạt tabiak bruk kuhria caga 759 duk pakacah brei ka labaih 21.000 thí sinh di dua  tỉnh. 

6/ UB bhap bini tỉnh Kiên Giang hu mbaoh tangin tame harak brei ka dom po kapal ikan daok di dom  huyện dalam tỉnh mesraiy phun jien piah ngak 14 kapal barau, ngak pasiam 5 kapal ikan tui nghị định 67/2014/NĐ-CP di rajaei ka dom sarak patagok kaya ikan. Yaom jien piah ngak barau sa baoh kapal nan lac 10 tỷ đồng saong ngak pasiam veik nan lac 4 tỷ đồng sa kapal. Abih tih phun jien piah ngak barau kapal saong ngak pasiam veik dom kapal nan labaih 160 tỷ đồng. 

7# Di tỉnh Đồng Tháp, Ủy ban bhapbini tỉnh brei buh tabiak 24 tỷ đồng daong ka urang nong salih meng ngak padai tapa pala njam patam ngan saong taneh pala labaih 14.000 ha. Piah ngak hu kein laba glaong dalam bruk salih phun pala, tỉnh tacei pato dom huyen quy hoch bhum pala njam patam praong, tacei pato urang nong pala drak pambuak pagam saong doanh nghiep piah pablei, pachreih urang nong peih praong taneh pala njam patam, phun cong nghiep katut harei, ngak tui tanut chuẩn VietGAP  

Patui di ini dom khau tin dunya:

8/ Gah y tế dunya WHO bahrau ini brei thau lac, uranaih oh hu klauk jru pacang ruak daok patagok. Tui sa chuyên gia di gah y tế dunya, dalam 5 uranaih ye hu sa uranaih oh hu klauk jru tui lịch. Bruk nan brei mboh lac jaik 1 triệu 500 ribau uranaih mbuan metai kayua dom jit ruak meda pacang cakak hu yau bại liệt, sởi, uốn ván. 

 9# Rajaei Hàn Quốc barau ini hu padang bộ phận đặc nhiệm iek gah pambuak bruk ngoai giao saong Nhật Bản. Tui panuac khan di rajaei, bộ phận ini hu lambaok vakil di rilo duk, mban di mintri Ngoại giao Hàn Quốc, iek dom bruk pambuak tal Nhật Bản.

10/ Bol bala Nepan harei 11/5 brei thau, bruk pabak pandap mbang menyum saong labik daok lac bruk njauk ngak dahlau piah tamat bruk daong dom urang gaok bala megei baoh taneh. Tui bol bala Nepan hu labaih 226 ribau urang lahik sang danaok, ngak kan kandah tal rai diuk di 8 triệu dalam abih tih 28 triệu menuac di nepan. Kayua yau nan ye Nepan caong hu takik di abih 3 triệu căn lều saong ia menyum, pandap mbang, jru tavao dalam 3 bilan tal./.