1# Cử tri Tiền Giang  biak njauk hatai saong bruk tangi sua di urang Quốc Hội brei ka dom urang di rajaei. Cử tri tỉnh Tiền Giang pok meyaom panuac calei bak trach nhiem di akaok mintri ngak nong saong patagok palei pala Cao Đức Phát. Min, cử tri pak ini jeng caong khin rajaei saong mintri, nganh trung uong njauk sangka tal yaom kaom kaya nong, abih di nyu nan lac bruk pablei padai brak piah khik caga raidiuk di 80% urang nong dalam tỉnh. Ông Lê Đức Tuấn cử tri huyện Gò Công Đông, tỉnh Tiền Giang ndom lac : Sarak di Đảng ngak habal ka urang nong hu laba 30% kayua urak ini yaom padai biar rilo. Yaom padai daok 4.200 đ- 4.300 đ/sa kg saong 4.600 đồng/sa kg padai pahe bingi, ngak habal urang nong laba hu 30%.

2/ Pahadar 90 thun harei báo chí cách mạng VN (21/6), melam 11/6, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu nao rivang, tadhau yuh báo bol bala bhap bini saong công an bhap bini. Taong yaom glaong bruk ngak pahala di dua jabat báo chí, ong Nguyễn Thiện Nhân caong khin, dalam tukvak tal, duah jabat patui jhul pakhang dom bruk ngak ini, rik daong gam saong đảng, karja peih ngak siam dom sarak an sinh XH. 

3# Akaok Tổng cục Du lịch Nguyễn Văn Tuấn hu harak payua tal dom labik du lich hu tuai daok veik, dom labik ngak mbang gah du lịch, daong ka mikva urang nong pablei kaya nong. Ini lac bruk ngak siam lagaih, piah daong urang nong pablei pandap, paglaong raidiuk urang nong dalam taneh ia, yaih khan kaya nong VN. Bruk ngak ini jeng hu daong ka tuai damuai dalam taneh ia, saong lingiu dunya hu mbang dom pandap mbang karei di dom bhum dalam taneh ia Việt Nam, gah du lịch tapa nan jeng paglaong bruk ngak, rik daong kích cầu saong pachreih tuai du lịch. 

4/ Salam uan nyaom roya cháu ngoan Wa Hồ mbang ka VIII rah tabiak meng harei 10 tal 13/6 di ban ine HN saong tỉnh Nghệ An. Melam 11/6, di sang ilamu Việt Dức, tỉnh Nghệ An, hội đồng đội Trung ương peih danak dak taom gaok ndom meyai nao mai “gavang tangin ayut sahabat”. Dalam danak dak taom gaok, lambaok ka dom cháu ngoan Wa Hồ mbang ka VIII hu alin jien  01 sang khăn quàng đỏ ka urang đội Nguyễn Đức Lộc – tal 5A, sang bac tiểu học Hoàng Trù, xã Kim Liên, huyện Nam Đàn, tỉnh Nghệ An gaok kan kandah yaom 50 triệu đồng (harei 12/6/2015, baoh sang khăn quàng đỏ hu peih bruk padang ngak).

5# Meng harei 8 tal harei 11/6, urang ngak ikan dom tỉnh Nam Trung bộ, hu : Bình Định, Phú Yên, Khánh Hòa saong Ninh Thuận  taong cap hu sbiak rilo ikan nục. Tui rilo po kapal, ini lac mbang taong cap hu rilo ikan abih kuhria meng akaok thun 2015 tal ini. Ông Phan Thành, sa po kapal ikan di tỉnh Phú Yên brei thau, dom harei tapa, yaok mbang nao tasik taong cap hu meng 3- 4 tấn ikan nuc, harei hu rilo abih tagok tal 10 tấn. Harei camereip taong cap hu rilo ikan nuc, yaom pablei di cảng ikan lac 25.000 đồng/sa kg, dom harei hadei yaom ikan nục trun daok meng  21.000 - 23.000 đồng/sa kg. Kayua taong cap di jaik takai tasik, ukvak nao tasik katut, yaom ikan nục jeng daok glaong, nan ye yaok mbang nao taong cap ikan nục duah laba hu meng 5 - 10 triệu đồng/sa kapal .   

6/ Hu bruk daong chip di rajaei, harei 11/6, tỉnh NT hu peih bruk parabha 2000 tấn brah daong mbang 3 ka bhap bini njauk khat lahik khang kayua pandiak bhang rah tabiak di dom puk palei dalam tỉnh. Urak ini dalam tỉnh NT hu 31/47 xã di 6/7 huyện ban sit gaok pandiak bhang. Jaik 42.000 menuac dalam 8612 baoh sang di 12 xã caong hu daong, pabak ia pandar. Anak bruk pandiak bhang rah tabiak tui kuhria meda dui atah tal bilan 9, labaih 18.900 baoh sang bhap bini, jaik 90.000 menuac caong hu daong, peih brah klah eik lipa.

7# Rilo sang beir di huyện Cầu Kè, tỉnh Trà Vinh daok tame bilan paik ma-khut – janih baoh kayau  đặc sản hu tut angan di puk palei. Min, baoh paik hu jaik 3 tấn/sa ha, trun jaik meteh duk saong thun dahlau kayua lingik pandiak bhang saong ia mbak njom tame. Tui pasang iek di Duk ngak nong saong patagok palei pala  huyện Cầu Kè, kuhria abih tih baoh makhut di puk palei tok hu jaik 1.300 tấn. Thun ini, chất lượng baok  takik siam, baok oh praong, oh jangaih, nan ye yaom pablei trun meng 20.000 - 25.000 đồng/sa kg duk saong yaom darak pasal.

Patui di ini dom khau tin dunya:

8/ Tui pathau khan di akaok mintri ngoại giao Indonesia Rết-nô Mác-xu-đi,  rajaei Indonesia oh daong labik daok tạm trú meyah dom urang di cư Rohingya mai meng Myanmar dak harei dak ralo. Amuk ndom lac labik tạm trú ka dom urang Rohingya di cư oh lac đơn thuẩn hu padang tagok bo brei hu khik iek siam ngan saong dom bruk khik kajap an ninh pambuak saong bruk ngak pahala.

9# Takik di abih  21 urang metai saong 27 urang karei jeng daok lahik hadei di mbang glut taneh kayua hajan praong rah tabiak harei 11/06 di rilo palei dalam bhum  Đông Bắc Nê-pan. Tui panuac khan di gah chức năng, jaik pluh baok sang jaleih lam tame haluk atau theik nao dalam mbang glut taneh. Urang metai meda  hu rilo jang kayua baok sang daok lam dalam haluk atau gaok ia dauk. Urak ini, gah chuc nang daok kham merat duah dom urang daok lahik.

10/ Bộ sưu tập hu jaik 2.000 áp phích phim meng bruk mesruh metak dunya mbang ka sa di sĩ quan bol bala Mỹ Ét-uốt H. Mắc-kra-hôn hu gah pablei to yaom Guernsey's pablei to yaom angaok mạng di puac bilan ini. Bộ sưu tập angaok nan, hu dom urang thừa kế di McCrahonba pablei, hu biak ralo áp phích phim  hu angan. Tui kuhria, yaok áp phích hu yaom meng 200 tal 5000 tỷ đô la Mỹ./.