1# Bruk jien Nhân dân tệ trun 1,9% di harei  11/8/2015, Gilang pariak karja Việt Nam hu tabiak Quyết định ka yaom salih di jien Việt Nam saong dom janih jien negar lingiu di dom gah tín dụng hu brei adat ngak.  Tui nan, yaom jien Việt Nam saong Đô la Mỹ hu ramik veik meng labaih – kurang 1% tagok labaih kurang 2%. Yaom di dom gilang pariak daok di tanut 21.673 đồng VN mbang 1 đô la Mỹ, adat brei yaom glaong di abih lac 22.106 đồng VN mbang 1 đôla Mỹ, biar di abih lac 21.240 đồng VN mbang 1 đô la Mỹ. Meng bruk Trung Quốc lac gah pambuak bruk pablei salih praong di Việt Nam, yec bruk trun yaom jien Nhân dân tệ meda ngak oh siam ka kinh tế Việt Nam. Kayua yau nan ye, Gilang pariak karja Việt Nam ba tabiak quyết định nan piah peih tabiak jalan chủ động, linh hoạt ka tỷ giá anak dom tác động oh siam di darak pasal dunya, khik caga bruk meriak gauk di pandap panda Việt Nam. 

2/ Tal urak ini, tỉnh Quảng Bình bahrau hu 2 labik sik praong athur, menuk ada khik hu dom quy định ka an toàn thực phẩm, dua labik ini jeng daok dalam ban sit Đồng Hới. dalam tuk nan, di 7 huyện, ban sit daok veik hu labaih 600 labik sik sit sot min oh hu vệ sinh an toàn thực phẩm saong vệ sinh môi trường. UB bhap bini tỉnh Quảng Bình hu dua mbang mbaoh tangin brei adat padang labik sik athur, menuk ada praong piah ba 70% dom labik sik athur, menuk ada dalam tỉnh tame labik sik praong piah pasang iek. Min, urak ini bruk ini jeng oh ka hu peih ngak.

3# Công ty Bảo hiểm Nhân thọ Prudential pambuak bruk saong Ủy ban bhapbini huyện Kon Plông, tỉnh Kon Tum barau peih bruk padang ngak 2 duk bac ka sang bac Tiểu học Đăk Lanh, xã Măng Bút.  Bruk padang ngak duk bac barau ka sang bac Tiểu học Đăk Lanh ndih dalam danakdak “ba gauk padang harei hadei thun 2015” di Prudential Việt Nam. Langiu bruk buh jien padang haduk bac, Cong ty daok hu brei pandap pato saong bac duh ka bruk pato pakai saong bac da-a ka dom gru pato saong dom anek saih sang bac Tiểu học Đăk Lanh.   

4/ meng akaok thun tal ini, dalam tỉnh Bình Dương hu labaih 247.100 baoh sang tut angan baoh sang ilamu, 585 khu, phố, palei tut angan khu dân cư ilamu, 45 xã tut angan chuẩn ilamu palei pala barau, 43 phường, ban sit tut angan chuẩn văn minh đô thị. Bruk jak ba harei ka urang kan kathaot daok mek hu siam lagaih. Kadung jien ka urang kan kathaot dom pakat jak ba hu labaih 7 tỷ meteh. Peih bruk rivang, alin hadiah 900 paok pandap ka baoh sang kan kathaot, alin hadiah pandap ka 14 labik bảo trợ XH, alin hadiah 46 sang jum pataom song pasim veik 9 baoh sang.

5# 5 thun tapa, ban raya Hồ Chí Minh kham merat peih ngak rilo bruk siam, tapa nan uranaih ala 5 thun lavang lavaiy daok  4,2%; urang amaik metai tok daok  6 urang dalam 100 rabau urang menek. Gah y te ban raya ngak hu bruk lac 14,5 bác sĩ ka 10 rabau menuac, 43 daneng ndih iek ruak ka 10 rabau menuac, dom co so y te hu he thong xử lý ia nerak…Lingiu di nan, lac pasak y te di khu vuc, kuhria rah tapa  yaok thun, dom sang iek ruak di Sở hu iek ruak ka labaih 30 triệu mbang urang, ban raya jeng hu 5,4 triệu urang pandar thẻ bảo hiểm y tế.

6/ Meng ini mbiak tal puac thun 2015, tỉnh Trà Vinh hu 11 xã tut angan ngak salah bloh xã palei pala barau. Urak ini, dom xã ini jeng mek hu meng 15 tal 17 tiêu chí. Piah mek hu chuẩn xã palei pala barau, dom puk palei brei hu labaih 43 tỉ đồng peih ngak dom tiêu chí daok veik nan lac: jalan mbak, sang bac, cơ sở vật chất ilamu, y tế, môi trường, điện sang daok di labik dân cư, baoh sang kan kathaot, jien mek tame, an ninh trật tự XH, thủy lợi saong jalan peih bruk sản xuất. Tui kuhria, tal puac thun 2015 dalam tỉnh hu 26 xã mek hu chuẩn palei pala barau.

7# Ngan saong kadha “ Việt Nam – taneh ia, anek menuac”, chung ket harei pataom kayua mintri ilimo, padhih saong Du lịch barau peih ngak di ban sit Quảng Ngãi. Harei pataom piah brei thau praong khối tapuk, báo, tu lieu yaih khan ka sajarah, ilimo, dom bruk mesruh metak pacang kol khamang di bangsa; yaih khan bruk gheh mekre di lingik tasik, taneh ia, anek menuac VN…tapa nan, pamedeih tagok hatai tu hao bangsa, hatai anit ranam taneh ia, y thuc ka chu quyen, toan ven negar. 

Patui di ini dom khau tin dunya:

8/ Jaik 40 urang lahik hadei di sa mbang jaleih haluk di sa cty khai khoáng di tỉnh Thiểm Tây, gah tây bắc TQ mesup harei 12/8. Bruk jaleih haluk gam tui labaih 1 triệu mét khối haluk nyu lum 5 duk ndih tập thể saong 3 baoh sang di sang mac ini. Karja palei hu ba cảnh sát, kapul padam khuah mai daong. Ralo bhap bini daok di labik jaik taphia hu panduan nao tal labik siam mekre, salamat.

9# Ngoại trưởng Trung Quốc Vương Nghị barau salh mbang ravang 3 taneh Tây Phi  gaok kan kandah kayua virút Ebola hu Xiêra Lêôn, Libêria, Ghi-nê saong sanya daong veik dom taneh ia ini pasiam veik hadei di jit praong Ebola.  Ông nndom cambaih, gah công nghiệp, y tế cộng đồng, an ninh pandap mbang menyum lac 3 gah praong bo Trung Quốc meda daong saong pambuak bruk saong châu Phi. Di Xiêra Lêôn, Ngoại trưởng Vương Nghị brei thau Trung Quốc meda daong padang sa pasak iek ruak, roh duah dom ruak nhiệt đới.

 10/ Urang jakar Nga ba am cuh klaak ralo tấn pandap mbang menyum nhập lậu meng dom taneh ia phương tây. Harei 10/8, 37 tấn baoh kayau, njam hijao, nan lac medar, tron nde, cà rốt meng Ba Lan ba tame njauk radaih ủi klik. Ralo mek di bhum Bri-an-scơ  tapen jalan negar saong Bêlarút jeng hu ba tame ging am. Bruk am cuh klaak pandap mbang menyum ba tame sung hukum meng harei 6/8/2015 saong meda dui atah sa thun, nan lac dom janih pandap oh brei ba tame di phương tây yau ralo pabui, ralo limo, menuk ada, ikan, hải sản, ia tasau, dom pandap ngak meng  ia tasau, njam patam, baoh kayau./.