#/ Thủ tướng rajaei bahrau brei mek bilan 5 yaok thun lac “ Bilan ngak ka  an toàn, vệ sinh lao động”. Thủ tướng rajaei jao ka mintri Lao động - Thương binh song Xã hội dang tabiak pambuak song dom mintri, dom gah, dom jabat pagam tal song dom puk palei, tacei pato, peih  ngak“ Bilan ka an toàn, vệ sinh lao động” hu siam mekre, kein laba, paglaong akaok sahneng song ngak njauk tui adat hukum ka an toàn, vệ sinh lao động.. Thủ tướng rajaei brei peih “ Bilan ka an toàn, vệ sinh lao động” meng thun 2017

# peih ngak danakdak “ Tet kayua urang kathaot” harei 12/1, Gilang pariak sarak karja Việt Nam hu alin 250 paok pandap Tết ka dom sang kathaot, sang sarak daok di xã Mường Mươn, huyện Mường Chà, tỉnh Điện Biên. Dom paok pandap hu phui saong jien,  yaom 600.000 đồng/sa paok. Dom sang hu taduan mek pandap mbang ini lac dom sang bhapbini bangsa takik, sang hu kin te biak kan kandah saong doom sang sarak.

#/ Harei 12/1 Tổng Công ty Điện lực Miền Bắc hu peih bruk padang ngak dự án pabak điện  negar ka dom boh sang oh ka hu điện di tỉnh Sơn La thun 2016. Dự án meda pabak điện ka jiak 3000 boh sang di 25 palei dalam 4 xã di dom huyện Mai Sơn, Sông Mã, Thuận Châu tỉnh Sơn La. Dalam xã hu 30 palei song 4 bangsa adei saai dok duik rai song gauk, ye urak ni bahrau hu 8 palei hu pandar điện negar.

# Tui Thường trực Ban tacei pato Tây Nguyên, urak ini dom tỉnh Tây Nguyên jeng daok hu labaih 38.000 sang bhapbini mai daok langiu bruk ba tabiak, rilo meng lac bhapbini dom bangsa mai meng dom tỉnh tapeng negar gah Brak, oh ka hu rami ramik tani tanat labik daok barau dalam dom labik quy hoạch. Sa dalam dom makna praong lac kurang jien brei ka dom dự án saong oh ka hu dom sarak, jalan ngak suai lavik piah langyah bruk bhapbini mai daok langiu bruk ba tabiak meng dom tỉnh bhum ceik gah Brak tame Tây Nguyên.

#/ Dalam tuk Tết Nguyên đán anek sak kara 2016, tỉnh Cà Mau hu caik tabiak labaih 34 tỷ đồng piah peih bruk nao rivang, pataom mbaok, brei pandap ka dom boh sang sarak karja, boh sang kan kathaot, boh sang jiak si kan kathaot, tapon nyom bol pan phao kraong dalam tỉnh. Lingiu di nan, tỉnh Cà Mau dok hu padang rilo kapul nao rivang, brei pandap, tadhau yhut tết ka urang jakar ngak bruk CM dahlau di thun 1945, dom urang taha CM padeih hưu bloh song dom labik bảo trợ XH, bhap bini bhum căn cứ cách mạng...

# Ban sit Cần Thơ barau peih bruk brei radaih nduac tapa jalan Thới Thuận- Thạnh Lộc lac sa dalam dom dự án praong di ban sit salam uan nyaom roya pakat negar mbang yaka 12 di Dang. Danakdak hu yaom jien buh tame ngak abih tih 12,3 triệu đô la Mỹ (sumu 258 tỷ đồng), pandar phun jien daong oh bayar veik di rajaei Úc saong jien đối ứng di rajaei Việt Nam. Ông Hà Minh Hòa, sa urang nong daok di xã Vĩnh Bình, huyện Vĩnh Thạnh, ban sit Cần Thơ chreih chrai lac : Hu jalan yau ini dahlak mbnoh biak uan tabuan, tuk jalan ini ba tame pandar, dahlak sahanneg lac abih adei saai dalam xã thei jeng uan tuan yau dahlak. Dahlak mboh jalan ini piah duh ka bruk pablei salih pandap panda, piah patagok kinh te di mikva xã Vĩnh Bình"

#/ Pasak tong yaom dữ liệu bala jalan kapan haoh JACDEC) di Đức bahrau brei thau angan 60 hãng kapan haoh an toàn di abih angaok dunya dalam thun 2015, dalam nan hãng kapan haoh Việt Nam (Vietnam Airlines) jeng daok dalam nyaom ni. Việt Nam (Vietnam Airlines) hu ba tame angan nan kayua khik hu siam mekre, tani tanat  dalam bruk par. Taphia di nan, dok kayua hãng hu salih tapa kapar haoh bahrau, yau  787-9 Dreamliner song Airbus A350-900XWB, patagok dịch vụ chất lượng 4 patuh, salih bahrau bộ nhận diện thương hiệu... 

Khaw tin dunya

#/ Di var giao dịch harei 12/1, yaom menyek tamo dunya daok trun tal tanut  jaik 30 đô la Mỹ sa thùng, tanut bain di abih dalam 12 thun tapa. Hadei di bruk ini, gilang pariak Mo-gan Xtan-lây (Morgan Stanley) hu jabat di Niu Yoóc, Mỹ patabiak bản dự báo ka bruk yaom menyek meda trun daok 20 tal 25 đô la Mỹ yaok thùng kayua tiền tệ trun tagok.

#/ Harei 12/1, Jabat hacih saat pandap mbang song kaya nong Singapore ndom lac  bei plom pajaih Nhật hu pala di VN song pablei tame Singapore biak siam song oh njom “jru mek klik kruac” yau panuac lac angaok mạng xã hội di Singapore. Jabat hacih saat pandap mbang song kaya nong Singapore  jeng ndom lac “jru mek klik kruac” oh lac makna ngak ka bei plom salih tapa sambo hijao,  bei plom VN hu chất lượng siam, oh jhak hagait tal pren yava.

# Trung Quốc barau peih bruk salih bahrau taong abih jabat chức năng di  Quân ủy Trung ương – jabat dang akaok  glaong abih di bol bala Trung Quốc. Tui Trung Quốc, ini lac jalan nao đột phá” dalam bruk salih barau taong abih gah bol bala saong lac takai yam nao praong pamaong tal bruk padang bol bala khang kadang./.