1/ Thành Ủy HN  bahrau peih nyaom biai mbang ka 23 Ban Chấp hành Đảng bộ ban ine mbang ka 15. Nyaom biai hu caik rilo  tuk vak pang song ginum biai bruk KTXH 9 bilan, bruk di tong abih thun 2015, bruk ngak jalan ngak prong 3 bilan puac thun song jalan ngak ka thun 2016 

2/ Piah kuhria caga ka mbang nyaom 10, QH mbang XIII, dom urang QH đơn vị ban Cần Thơ hu peih 15 mbang taom gaok labaih 2.200 cử tri, dalam nan hu jaik 100 mbang cử tri pabak panuac rik tame. Dom cử tri jeng brei thau hatai bui sambai jeng yau taong yaom glaong bruk ngak hu di QH, rajaei, dom mintri ngành TƯ saong karja palei dalam tukvak tapa.

3/ Sang iek ruak Đà Nẵng bahrau peih bruk pok angan amuk Đặng Thị Thu, daok di ban sit Ái Nghĩa, huyện Đại Lộc, tỉnh Quảng Nam hu brei thận piah ghép ka urang ruak suy thận tuk vak puac di abih. Urang taduan thận lac anek kamei di muk, angan Trương Thị Thúy An, umo 25 thun. Thúy An njauk suy thận trak tuk vak puac abih, hu thận di amaik drei bo urang ruak ghép thận hu siam mekre di sang iek ruak Đà Nẵng dalam harei 18/9 meng bloh.

4/ Hu bruk daong di gah Unicef di Việt Nam, pasak pakat negar ia hacih saong vệ sinh môi trường palei pala barau pambuak bruk saong TƯ kapul liên hiệp urang kamei peih mbang pachreih tui “harei dunya rao tangin saong jabol” di tỉnh Ninh Thuận. mbang pachreih tui hu ieu taong abih bhap bini meng urang praong atau uranaih jeng meda hu mbaok tame sanya rao tangin saong jabol kayua rup pabhap, kayua bhap bini patagok khang kajap, abih di nyu nan lac kayua uranaih – rai rah harei hadei di taneh ia.

5/ Ban raya HCM urak ni hu 500.000 urang bangsa takik (di 51 bangsa karei di gauk) dok di dom quận, huyện, rai duik di mik va daok gaok rilo kan kandah. Ban raya peih ngak sarak patrun sang kan kathaot, tagok boh sang ginup, dalam nan patom tame bruk brei mesraiy jien piah ka mik va ngak mbang, tagok jien padai,  dong duah bruk ngak, dong taneh dok, taneh pala drak ka boh sang kan kathaot. Rai duik di mik va bangsa hu patagok, boh sang kan kathaot patrun, oh dok boh sang kan tui tanut alal 12 triệu sa urang dalam sa thun.

6/ Sở ngak nông saong patagok palei pala tỉnh Cà Mau brei thau, tal urak ini bruk peih ngak nghị định 67 di rajaei ka dom sarak patagok kaya ikan di tỉnh Cà Mau daok rah tabiak dalam suai damuai. Kuhria tal tukvak ini, Cà Mau barau mbaoh tangin tame brei mesraiy ngak kapal barau ka 38 kapal ikan, 10 kapal dịch vụ saong ngak pasiam 6 kapal ikan. Dom gilang pariak pablei salih barau mbaoh tangin tame 7 hợp brei mesraiy ngak barau kapal ikan ngan saong yaom jien jaik 70 tỷ đồng (urak ini barau brei mesraiy hu 8 tỷ đồng)

7/ Dalam tuk pahadar harei DNVN  13/10, tỉnh Tiền Giang hu 2 DN mek hu angan Doanh nhân naih gheih bhum taneran krong CL kayua Phòng Thương mại và Công nghiệp Việt Nam (VCCI) palih ruah nan lac: ong Nguyễn Văn Đôn, Giám đốc Công ty trách nhiệm hữu hạn Việt Hưng- Cái Bè song ong Huỳnh Kim Tuấn, Giám đốc  hợp tác xã pablei salih dịch vụ phường 1- ban sit Mỹ Tho. Lingiu di nan, TG dok hu 9 DN hu VCCI   palih ruah lac DN naih gheih di bhum taneran krong CL. Jeng dalam mbang ni, UB bhap bini tỉnh hu brei angan DN Tiền Giang naih gheih thun 2015 ka 31 urang.

Patui di ini dom khau tin dunya: 

8/ Mintri iamu TL barau ba 32 inem krung ilamu phi vật thể tame angan drap ar ilamu pakat negar thun 2015. Dom inem krung ilamu ini hu rabha jeng dom janih nan lac: nghệ thuật parang iek, bruk ngak thủ công meng kan, văn học bhap bini, kadha me-in, võ thuật, saong TT bhap bini; quy ước XH, adat cambat saong dom rija roya,  sap ndom panuac puac…. Dom inem krung ini hu ba tame cơ sở dữ liệu ka drap ar ilamu pakat negar, daong ka TL kuhria caga siam jang bruk mbaoh tangin tame công ước UNESCO ka bruk khik ramik inem krung ilamu phi vật thể.

9/ Melam bloh 12/10 di ban ine Viêng-chăn, Hội Doanh nghiệp VN pambuak bruk ngak mbang di Lào hu peih bruk pahadar Harei DNVN (13/10/2004-13/10/2015). Brei panuac di tuk nan, ong Nguyễn Đức Mộc, Chủ tịch Hội doanh nghiệp Việt Nam pambuak bruk song ngak mbang di Lào brei thau, urak ni dom D Nghiệp VN dok buh jien tabiak ngak mbang gah ngak nong, khai thác mỏ, thủy điện. Dalam tuk jaik tal harei padang cộng đồng kinh tế ASEAN, ong Nguyễn Đức Mộc hu panuac ieu dom D Nhân VN dok ngak mbang di Lào ba gauk padang D nghiệp VN khang kajap, jum pataom gauk piah patui jalan siam lagaih bo cộng đồng kinh tế SEAN ba mai, peih prong labik ngak mbang, pachreih hu phun jien song công nghệ.

10/ Tổng thống Hàn Quốc Park Geun-hye hu mbang nao rivang Mỹ piah kuhria caga ka nyaom meyai pakat glaong di abih dua gah di harei 16/10. Nyaom meyai pakat glaong abih di Mỹ saong  Hàn mbang ini lac tukvak piah dua urang dang akaok klah rabha jalan sahneng, jalan ngak ka bruk sron mbon saong tani tanat di bán đảo TT saong patagok talei pambuak bruk Mỹ - Hàn./.