1#  Di mbang nyaom ka 10, Quốc hội mbang 13, harei 13/11, dom urang QH ginum biai ka Dự án Luật adat cambat, agama. Rilo urang QH njauk hatai saong bruk njauk patabiak hukum adat cambat agama piah brei mboh cambaih quyen tu do adat cambat, agama hu tacei tabiak dalam Hukum negar thun  2013, njauk saong Công ước dunya ka dom quyền dân sự  saong chính trị bo Việt Nam hu tut angan tame harei 24/9/1982; Taphia nan pasiam dom cuang kandah, tavak taiay di hukum urak ini ka adat cambat, agama. 

2/ Kuhria tal quý 1 thun 2015, dalam taneh ia daok hu jaik 77% menuac sia oh blei BHXH, ralo meng lac urang ngak oh chính thức, urang ngak meng labik karei mai. Nan ye bruk iek glang pren yava, bruk ba da-a di  uranaih oh hu siam lagaih. Makna urang ngak oh chính thức oh hu mbang tui sarak an sinh XH kayua bruk pathau khan oh ka lagaih, dalam tuk nan urang ngak oh ka thau cambaih dom kein laba di sarak ini; bruk pandar dom janih bảo hiểm oh ka lagaih, quyền lợi, chế độ BHXH halan hatian oh ka pachreih urang tame, oh ka hu kein laba.

3# Harei 13/11,  dom urang ngak ikan di tỉnh Quảng Ngãi gaok bala tuk ngak mbang di tasik hu taduan mek paok jien daong 5 tỷ đồng. Dalam nan kadung jien daong urang ngak ikan Quảng Ngãi brei 4,3 tỷ đồng  ka 7 urang ngak ikan hu kapl karam di tasik piah ngak barau kapal ikan saong daong dân sinh labaih  500 triệu đồng. Kapul ngak ikan tỉnh Quảng Ngãi brei 114 triệu đồng ka 7 urang ngak ikan bị thương saong lahik pandap. Ông Nguyễn Xuân Huế, akaok Hội đồng quản lý kadung jien daong urang ngak ikan Quảng Ngãi brei thau :"Kol dahlak jeng sahanneg mboh lac mikva daok gaok kan kanah, yau nan ye kadung jien njauk jak ba siam, khang jang. Pagap ye di thun ini, kadung jien hu gum pataom jaik 20 ty dong. Bruk ngak lac ngak barau sa sruh kapal meng thép ka sa urang ngak ikan lac ginup piah ngak jeng kayua gaok bala dahlau thiah piah hu pandap siam piah tabiak nao tasik taong cap kaya ikan siam jang.

4/ meng ini tal kreih bilan 1 thun 2016, UB bhap bini tỉnh Hậu Giang hu daong padang ngak barau, ngak pasiam veik 1.720 baoh sang ka urang daok dalam sarak karja, urang hu buh pren yava ka cách mạng yaom jien abih tih  labaih 48 tỷ đồng. Cambaih laih nan lac, dalam tỉnh hu 680 sang di dom baoh sang sarak karja hu padang ngak barau tui yaom jien daong 40 triệu đồng sa baoh sang, 1.040 baoh sang hu ngak pasiam veik tui yaom daong 20 triệu đồng sa baoh sang.

5#  Meng harei 16 tal 19/11, adit ilimo du lich bhum taneran kraong CL meda rah tabiak di pasak parang iek ilimo nghe thuat VN, HN piah yaih khan, pok je inem krung ilimo du lich gheih mekre bhum ini. Dalam adtit ilimo du lich hu rilo bruk ngak ye : pataom gaok duah thau Khám phá taneh phương Nam;  ginum biaia pambuak bruk patagok du lich bhum taneran kraong CL – ban ine HN saong dom tinh, ban gah Brak; danakdak  nghệ thuật Âm sắc Cửu Long, yaoh khan dom janih nghệ thuật: đờn ca tài tử, ragu ragam tamia Khmer, parang me-in di urang Cam Islam (An Giang), parng iek khan ao angui cuk mengkan, ngak veik rija roya, kadha mein mengkan di dom bangsa Kinh, Chăm, Khmer Nam Bộ.

6/ Dalam danak dak “adit ilamu CPC di VN” thun 2015, melam 12/11, kapul nghệ thuật taneh ia CPC hu melam parang me-in akaok mei di tỉnh Sóc Trăng ngan saong ralo kadha daoh tamia biak gheih yau tamia chay dăm, tamia Khèn suoy, dom ragu tamia rô băm, Apsara, dom kadha daoh meng kan pok meyaom taneh ia palei negar CPC saong dom kadha daoh pok menyaom urang lin, taneh ia anek menuac VN, pok meyaom talei pambuak bruk VN – CPC. Adit ilamu CPC di VN hu rah tabiak meng harei 8 tal harei 14/11 saong rilo bruk ngak ilamu hu yaom glaong.

7# Ban Tuyên giáo Tỉnh ủy Trà Vinh barau patabiak tapuk “ bruk ranam taneh ia di bhapbini Khmer Trà Vinh” tukvak 1930 - 2010. Meng labaih 400 blah, 6 chương, baoh tapuk pataom iek veik ginup dom bruk tame mesruh metak di bhapbini Khmer saong dom sư sãi dalam dua mbang mesruh metak saong dak padang taneh ia. Baoh tapuk ini lac tư liệu sajarah gireih piah pato pakai ka rairah ranaih umo ka bruk cách mạng, bruk jum pataom bangsa saong ranam taneh ia di bhapbini Khmer Trà Vinh.

Patui di ini dom khau tin dunya:

8/ Mintri jien padai Ucraina harei 12/11 brei thau, taneh ia ini hu ngak salah bloh bruk tái cơ cấu dom yaom jien sraiy jaik 15 tỷ đô la Mỹ ngan saong dom po sraiy, ralo meng lac dom taneh ia châu âu, taphia di nan daok hu panuac ieu ginum meyai piah tái cơ cấu veik yaom jien sraiy 3 tỷ USD ngan saong rajaei Nga di tukvak nền kinh tế taneh ia ini  gaok rilo kan kandah.

9# Nghị sĩ Công đảng Phil Twyford, New Zealand hu ba tagok Nghị viện dự thảo hukum pakauk urang taneh ia langiu blei sang daok. Tui dự luật ini, dom menuac taneh ia langiu di New Zealand ala sa thun saong oh hu thị thực ka 12 bilan patui veik njauk pablei abih taneh riya sang danaok dom urang nan dang angan, dahlau di tuk tabiak truh taneh ia ini.

10/ Harei  11/11, Pakistan hu jao labaih 900 ha taneh ka TQ, piah patagok labik kinh tế đặc biệt (SEZ) akaok meti di cảng ia dalam Gwadar, tỉnh Balochistan, Pakistan. Tui panuac sanya hu mbaoh tangin dahlau nan, Pakistan brei TQ pah 923ha taneh di cảng Gwadar dalam 43 thun tal, sa binah di dự án hành lang kinh tế Pakistan - Trung Quốc, saong jien đầu tư yaom 46 tỷ USD, piah pambuak Gwadar saong bhum  Tân Cương, Trung Quốc,  tapa dom jalan mbak, rik daong patagok talei pambuak bruk kinh tế di dua taneh ia./.