1/ Harei 12/2 , Ủy viên mintri Chính trị, Phó Thủ tướng Nguyễn Xuân Phúc hu nao rivang tadhau yhut tết Đảng bộ, karja song bhap bini tỉnh Quảng Ngãi dalam tuk tết anek sak pabe 2015. Pathau khan Phó Thủ tướng Nguyễn Xuân Phúc, urang dang akaok tỉnh Quảng Ngãi brei thau, urak ni tỉnh hu buh tabiak meng kadung jien karja jiak 100 tỷ đồng piah nao rivang brei pandap ka dom urang dalam sarak karja, urang XH, urang buh pren yava ka taneh ia, boh sang kan kathaot piah ka mik va mbang tết. Tỉnh hu 15 kapul ngak bruk tui iek tacei ba bruk iek glang tết ka bhap bini. Rajaei hu dong ka tỉnh labaih 1300 tấn brah dong ka mik va mbang tết. Brah ni hu karja palei parabha ka jiak 40.000 boh sang dahlau di harei 14/2. Tỉnh hu buh tabiak meng kadung jien karja 25 tỷ đồng piah blei dom janih pandap Tết brei ka mik va di huyện palao Lý Sơn song  6 huyện bhum ceik.

2/ Labaih 20.000 baoh sang kan kathaot, bhap bini bangsa takik di bhum atah bayah, bhum taphia negar di tỉnh Lai Châu hu daong mbang tết. Ngan saong yaom jien labaih 5 tỷ đồng meng jien ieu pataom ka danak dak tết ka urang kan kathaot – urang njauk jru mek klik kruoc kayua kapul chữ thập đỏ peih tabiak, dom baoh sang di tỉnh hu lagaih jang dalam bruk rok tết hanem phon. 

3/ Sở ilamu Thể thao song Du lịch Hà Nội pambuak bruk song Pasak bruk ngak ilamu khoa học Văn Miếu- Quốc Tử Giám bahrau peih parang iek thư pháp hu angan “pachreih bac”. Prang iek Thư pháp “pachreih bac” yaih khan labaih 70 tác phẩm di dom kalup kapul thư pháp di Hà Nội. Dom tác phẩm hu brei mboh rilo phong cách karei di gauk, vak veik dom panuac danh ngôn, pato pakai, dom câu thơ gheih di muk kei ka bruk pachreih bac tapa dom tukvak sajarah dak rai. Parang iek dong pachreih hatai, pachreih ba akaok sahaneng yam tagok dalam bruk bac megru di menuac urang, abih di nyu nan lac rai rah harei hadei.

4/ Di tỉnh Kon Tum, meng kadung jien daong di rajaei, bruk rik daong di dom kapul nyaom, menuac urang, kadung jien an sinh xã hội saong kadung jien di puk palei, labaih 26.000 baoh sang kan kathaot saong baoh sang jaik si kan kathaot taduan hu pandap tết. Dalam labaih 26.000 baoh sang kan kathaot saong jaik si kan kathaot di tỉnh Kon Tum taduan hu pandap tết, hu labaih 18.400 baoh sang kan kathaot hu tỉnh daong yaok baoh sang 500 ribau đồng, jaik 7.600 baoh sang jaik si kan kathaot hu daong yaok baoh sang 200 ribau đồng. Meng  brah daong di rajaei, karja palei hu peih brei 18.600 urang mbuan eik lipa dalam tuk tết, tukvak daong nan lac sa bilan, yaok urang hu 15kg. 

5/ Ban sit Đà Nẵng bahrau peih bruk hợp long tatua tầng 2 di dự án nút giao thông  canah klau Huế. Nút giao thông jalan canah klau Huế lac jalan prong tame gah barak ban sit Đà Nẵng, labik canah pak jalan pasei Bắc –Nam hu phun jien buh tabiak 2000 tỷ đồng, hu ngak tui jalan pambuak bruk padang ngak - chuyển giao (BT). Dự án ni hu peih tabiak ngak di harei 28/9/2013 song tui kuhria hu ngak salah bloh njauk di tuk pahadar 40 thun harei peih paha ban sit Đà Nẵng, 29/3/2015, tal urak ni , dom bruk ngak hu labaih 92%

6/ Pahadar 65 thn harei padang talei pambuak bruk ngoại giao di dua taneh ia VN saong Liên bang Nga (30/1/1950 – 30/1/2015),  di ban raya Hồ Chí Minh, miuyim Tôn Đức Thắng hu pambuak bruk saong Tổng lãnh sự quán Liên bang Nga barau peih parang iek ngan saong kadha “65 thun pambuak talei rohim VN – LBN”. Meng labaih 120 rup binguk, tài liệu, parang iek hu khan brei thau dom bruk ngak di dua taenh ia dalam bruk pakhang saong patagok talei rohim Việt – Xô dalam dom saman cách mạng.

7/ Piah iek glang rai duik ka urang ngak dalam tuk tết anek sak pabe thun 2015, Liên đoàn Lao động tỉnh Sóc Trăng bahrua pambuak bruk song Mban khik ramik song Công đoàn dom khu công nghiệp peih danak dak ““Daong ka urang ngak kan kathaot  raok xuân anek sak pabe 2015”.Danak dak hu alin labaih 500 pok pandap tết ka urang ngak kan kathaot, hu rai duik kan kandah dok ngak bruk di dom công ty, DN dalam tỉnh, yaok pok pandap  yaom 400 ribau đồng, dong palagaih ka urang ngak di Công ty Cổ phần kaya ikan Sóc Trăng

Patui di ini dom khau tin dunya:

8/ Dom tuk hadei di bruk Hi Lạp saong dom gah pambuak bruk châu Âu thất bại dalam bruk mek hu sa thỏa thuận pambuak tal danak dak daong jien padai di Aten, yaom jien ơ rô di dom taneh ia pandar jien ơ rô daok trun duk saong dom ngoại tệ karei. Di darak pasar jien padai di ở New York (Mỹ) harei 12/2, yaom jien ơ rô salih tapa jien đô la daok 1,31 đô la, saong samu 136,5 yên Nhật sa ơ rô. Tui kuhria, dom chuyên gia kinh tế di Hi Lạp hu ginum meyai saong UB châu Âu, gilang pariak TƯ châu Âu saong kadung jien dunya di mbang ginum biai harei 16/2 tal di Bruc-xen ( Bỉ), piah hadei di nan, dom taneh ia pandar jien ơ rơ meda ba tabiak kết luận  ka danak dak daong jien padai ka Hi Lạp.

9/ Labaih 6 triệu urang kurang pandap mbang menyum di Cộng hòa bhap bini Công-gô daok caong hu dong chip. Ni lac panuac khan di văn phòng điều phối dom bruk ngak pahla di Liên hợp quốc (OCHA) ba tabiak harei 11/2. Tui nan, dom urang dok kurang pandap mbang menyum di Công-gô tagok 520 ribau menuac. Abih di nyu nan lac bhap bini dok di gah tamur negar ni, labik dok tagok bruk mesruh gauk, kan kathaot iek lipa song jit Ê-bô-la.

10/ Truyền thông NB harei 12/2 brei thau, sa sruh kapal haok trực thăng pasram megru di gah phòng vệ hàng hải NB lahik gam 3 urang dalam kapal haoh nan. Gah chức năng daok samar peih bruk duah sruh kapal haok trực thăng lahik saong duah thau makna di bruk ini. Urak ini oh ka thau 3 phi công angaok sruh kapal haok ini nyu yau habar./.