1/ Di HN Ủy ban dom bruk xã hội di Quốc hội pambuak bruk song mintri Lao động Thương binh Xã hội song Bảo hiểm Xã hội Việt Nam peih bruk ginum biai di gah barak “Pamong tal jalan khik an sinh xã hội ka bhap bini tapa bruk peih ngak hukum BHXH

2/ Meng kein lagaih lac bhum cao nguyên, lingik lahei bingi, huyện Mộc Châu, tỉnh Sơn La daok peih ralo bruk ngak patagok gah ngak nông công nghệ glaong pambuak saong patagok du lịch. Meng ini tal thun 2020, tỉnh Sơn La daok kuhria patagok dom bhum pala njam patam, baoh kayau, phun jru quý, phun công nghiệp takik harei piah pabak dom pandap hacih ka drak pasar, pambuak bruk patagok kinh tế saong patagok DL, padeih padai, pachreih urang buh jien tame ngak mbang di tỉnh Sơn La.

3/ Di ban sit Cần Thơ, Nyaom chuyên gia sang bac Đại học Utrecht (Hà Lan) pambuak bruk song ĐH Cần Thơ peih mbang ginum biai “Jalan ngak halei ka bruk glut jaleih taneh di bhum taneran krong CL”, hu mbaok di rilo chuyên gia dok dalam song langiu taneh. Bhum taneran krong CL dok dang anak bruk glut jaleih taneh, ia njom mbak, patrun tài nguyên min oh ka hu rilo danak dak roh duah ka bruk ni.

4/ Di Tiền Giang, bilan pandiak thun ini ia mbak njom tame dalam gah thượng lưu avar jang duk saong thun dahlau jaik sa bilan saong nyu rah tabiak khang. Tui ong Đỗ Thành Sơn, Phó Tổng Giám đốc Công ty khai thác công trình thủy lợi Tiền Giang, tal tukvak ini, taong abih dom cống dalam labik dự án hu kreik veik piah pacang mbak, khik caga bruk pala drak.

5/ Bhap bini dok di xã palao An Sơn, huyện Kiên Hải (tỉnh Kiên Giang) thau pambak tame dom tài nguyên meng lingik tasik piah rong pala, tong chap kaya ikan. Bruk nao tasik hu ba mai rai duik ginup meda ka urang dok di xã. Ong Phạm Văn Quân, Akaok UB bhap bini  xã An Sơn brei thau, xã hu 1.700 boh sang, dalam nan hu 90% boh sang nao tasik. Thun 2014 jien duah hu di urang dalam xã  labaih 32 triệu đồng sa urang dalam sa thun, dok 4 boh sang kan, oh dok boh sang jiak si kan kathaot.

6/ Dalam dom harei tapa, di baha Sro Lôn xã Đại Tâm, huyện Mỹ Xuyên, tỉnh Sóc Trăng, kapul jum pataom Sư sãi ranam taneh ia tỉnh pambuak saong kapul pachreih bac, sở pato megru tỉnh barau peih mbang pakacah tốt nghiệp Pali Roong, Thomma Vini Ek saong danak dak Tiểu học thun bac  2014-2015.  Ini lac mbang pakacah hu peih tabiak piah taong yaom bruk pato megru saong bac daa di tăng sinh di dom baha Nam tông Khmer dalam tỉnh.

7/ Di tỉnh Quảng Trị, mintri ngak nong song patagok palei pala peih nyaom biai pataom iek veik thun 2014 song peih tabiak jalan ngak ka thun 2015 gah KT pambuak bruk patagok palei pala. Di nyaom biai, dom urang lambaok tong yaom ka bruk quy hoạch song parabha labik dok iek tui bruk di thun 2014 dong tani tanat labik dok ka 16.500 boh sang. Bruk parabha tani tanat labik dok hu ngak brei salih bahrau biak khang, abih di nyu nan lac di dom tỉnh tapen negar yau Hà Giang, Lào Cai, Đồng Tháp, Kiên Giang.

Patui di ini dom khau tin dunya:

8/ Vê-nê-xu-ê-la brei thau Mỹ daok padang pháp lý piah peih sa bruk mesruh cagar veik taneh ia ini jeng yau dom taneh ia karei angaok dunya. Calei panuac tangi sua di báo giới, ngoại trưởng Vê-nê-xu-ê-la Đê-xi Rô-đri-gết brei thau, urak ini rajaei Mỹ daok duah bruk brei adat di QH piah taong tame bất cứ taneh ia halei oh pabak ka bruk kein laba di Mỹ.

9/ Tui kuhria, harei 13/3 Nyaom patagok KT di Ai Cập hu angan ieu lac “Harei hadei di Ai Cập” hu peih ngak di ban du lịch Xam en Xếch (Sharm El Sheikh) tapen takai tasik Biển Đỏ.  Nyaom biai hu mbaok di labaih 2.200 urang nan lac dom chính khác, urang đầu tư song urang KT mai meng labaih 90 negar, 25 kapul nyaom dunya song khu vực./.

      10/ Tổng thư kí Liên hợp quốc Ban Ki Mun barau ini brei thau hatai caong dunya hu kuhria caga siam jang piah pacang cakak bala meng lingik tasik. Ong Ban Ki Mun ba tabiak panuac ini anak nyaom meyai dunya ka bruk patrun bala hu peih tabiak di harei 14/3 di Sendai, gah is –san NB, labik gaok bala megei baoh taneh riyah paoh thun 2011. Brei panuac di labik ngak bruk  Liên hợp quốc di  Niu Yoóc, ông Ban Ki Mu hu panuac klah rabha kan kandah saong bhap bini di bhum njauk megei baoh taneh – riyak paoh di 4 thun dahlau./.