1# Thủ tướng rajaei barau tacei pato : dom janih ia tasau caik ka urnaih ala 6 thun daok hu caik yaom glaong di abih meng harei 1/6/2015 tal puac harei 31/12/2016.. Sarak 33 di rajaei patabiak harei 30/4 jeng khan cambaih, dalam tuk peih bruk khik ramik tui yaom glaong di abih hu ba tabiak bloh, meyah hu dom makna khách quan ngak brei tagok yaom ia tasau, jabat khik ramik karja ka yaom hu trách nhiem pasang iek, brei thau yaom glaong di abih ka nyu njauk. Dom doanh nghiệp ngak saong pablei salih ia tasau njauk kê khai yaom dom janih pandap ka mintri jien padai thau

2/ Bilan hè thun thun 2015, gah ngak nông tỉnh Quảng Ngãi kham merat mek hu labaih 225 ribau tấn. Piah ngak hu bruk nan, sở ngak nông saong patagok palei pala tỉnh Quảng Ngãi pachreih mikva urang nông trun pajaih njauk tukvak, tacei pato tukvak trun pajaih ka padai sraoh meng harei 15/7 tal dahlau harei 5/8, yuak salah bloh dahlau di harei 10/9.

3# Pandiak bhang dui atah ngak ka rilo glai dalam labik khik ramik thiên nhiên Krông Trai saong Đèo Cả, gam saong dom glai pacang caga di dom huyện: Sơn Hòa, Đồng Xuân, Sông Hinh saong dom labik karei di tỉnh Phú Yên daok mbuan si khuah glai praong. Akaok Chi cục Kiểm lâm tỉnh Phú Yên brei thau, bruk caga khuah padam khuah glai urak ini daok hu gah kiểm lâm caik hatai sangka, caga ieu pataom abih gah tame padam apui.

4/ Dom harei tapa, yaom thanh long pablei tabiak negar langiu di tỉnh Bình Thuận meda tagok veik. Urang nông bui sambai kayua pablei hu laba. Hadei di tukvak suai livik pablei yaom biar meng 9.000 tal 10.000 đồng sa kg, di akaok adit ini yaom thanh long hu tagok glaong. Thanh long janih 1 pablei tabiak negar langiu hu urang blei di bein yaom 15.000 đồng sa kg; janih 2 yaom 14.000 đồng sa kg. Saai Nguyễn Thị Mai daok di xã Hàm Hiệp, huyện Hàm Thuận Bắc brei thau: Urak ini pablei thanh long hu yaom 15 ribau. Duk saong dom mbang dahlau ye harei ini hu yaom jang nan ye hu laba. Sang dahlak mboh chreih chrai lô.

5# Anak bruk urang blei salih, urang langiu tỉnh mai tal Hậu Giang blei baok paneing meda yaom glaong, gah chức năng kakei bhapbini njauk caik hatai saong bruk pablei salih biak karei ini. Tui nan, paneing meda hu dom urang blei salih ini blei yaom meng 20.000 tal 40.000 đồng/kg, glaong jang 15 mbang duk saong paneing taha tal tuk paik pablei di puk palei. Gah chức năng tỉnh Hậu Giang kakei bhapbini jhui pambuak bruk ngak mbang saong dom kapul urang nan.. 

6/ Ilamu meng vụ hadang dahlau kayua palao avar nan ye taneh khat lahik ralo, dalam vụ hadang thun ini, dom urang raong hadang di tỉnh Sóc Trăng hu palao hadang tui njauk lịch thời vụ. Tal urak ini, dalam tỉnh hu palao hadang raong labaih 8.500 ha hadang ia lợ (dalam nan hu hadang sú saong hadang thẻ takai patih), patagok taneh raong hadang di tỉnh dalam thun 2015 nan lac 45.000 ha, aptaom ralo di ban sit Vĩnh Châu, huyện Trần Đề, Mỹ Xuyên, Long Phú, Cù Lao Dung.

7# Tui dom urang dang akaok Sở ngak nong saong patagok palei pala tỉnh Cà Mau, tỉnh ini daok quy hoạch patagok 2.000 ha phun keo lai lavik thun di bhum U Minh Hạ labik 3 huyện U Minh, Trần Văn Thời saong huyện Thới Bình ... Anak meta, dalam thun 2015 tỉnh pala iek 100 ha. Urak ini, phun pajaih hu kuhria caga blaoh, cang hajan trun lac pala samal.

Patui di ini dom khau tin dunya:

8/ Harei 13/5, mintri jien padai NB brei thau thặng dư tài khỏan vãng lai di taneh ia ini mek hu tanut 7,81 ribau tỷ yên (labaih 65 tỷ đô la Mỹ) dalam tài khóa 2014 (kuhria tal bilan 3/2015), ralo jang jaik 5 mbang duk saong tài khóa dahlau. Ini jeng lac mbang tagok akaok meti chỉ số kinh tế ini dalam 4 thun tapa.

9# Dalam dom bruk di mbang ravang taneh ia pulao kaoh taphia Papua New Guinea dalam dua harei 12 saong 13/5, Tổng thống Indonesia Joko Widodo (Giô-kô Guy-đô-đô) saong Thủ tướng Papua New Guine Peter Oneill (Pi-tơ Ô-nên) hu mbaok maong iek bruk mbaoh tangin tame harak pambuak bruk di rilo gah di dua taneh ia.

10/ Liên đoàn dom duk pablei salih, công nghiệp, thủ công saong ngak nông Italy brei thau dalam thun 2014, hu 42 triệu mbang urang hu mbaok tame dom bruk thể thao dalam dom mbang du lịch di drei di Italy, buh tabiak abih tih 5 tỉ euro. Liên đoàn dom duk pablei salih, công nghiệp, thủ công saong ngak nông Italy kuhria mboh dahlau lac, dalam thun 2015, yaom jien ini daok glaong jang./.