1# Thủ tướng rajaei barau brei klak sarak daong 05 lít menyek truaic hadah /sa sang/ sa thun ka bhapbini bangsa takik, sang sarak saong sang kathaot di dom labik oh ka hu jalan menyek tui khoản 1 Điều I Quyết định ka  289/QĐ-TTg herai 18.3.2008 di Thủ tướng rajaei . 

2/ Mintri pato megru barau hu harak payua dom sở pato megru, dom sang bac ĐH – CĐ pandar daong ka dom anek saih dalam diện tame tapak ĐH – CĐ. Mintri jeng pandar dom sang bac payua kết quả tuyển tapak ka dom sở pato megru piah khan brei anek saih thau dahalu harei 15/8/2015. Dahlau harei 20/8/2015, dom anek saih hu tame tapak brei tut angan tame bac ngan saong sang bac hu nguyện vọng bac, tapa tukvak angaok nan dom sang bac xử lý yau oh mai bac.

3# Thừa Thiên- Huế hu rilo sajarah pambuak tal Chăm-pa, dalam nan njauk ndom tal dom inem mek Cam hu meng livik rai di bhum taneh ia. Min, rilo inem mek daok tayah tayac, mbuan si jeng phế tích; dalam tuk nan puk palei jeng oh ka hu rilo sarak saong jien padai piah ramik pasiam saong khik caga dom inem mek Cam… Dom inem mek Chăm-pa di Huế hu mbaok di dom puk palei ye : ban sit hue, huyện Phú Vang ban sit Hương Trà, huyện Quảng Điền, huyện Phú Lộc…

4/ Pasak hành động ka bruk patagok đô thị brei thau, meng harei 6 tal harei 31/7, danak dak ĐH oh giảng đường khóa bilan hè thun 2015 hu peih di sang bac ĐH Phân Châu Trinh ban sit Hội An, tỉnh Quảng Nam. Tui kuhria khóa bac hu 30 sinh viên mai meng 6 sang bac ĐH saong CĐ di bhum kreih negar. ĐH oh giảng đường nan lac jalan bac daa di bhap bini saong duh ka bhap bini. Ini lac danak dak bac daa piah paglaong ilamu di sinh viên tapa bruk ngak tapak dom dự án patagok bhap bini.

5# Phó akoak  Ủy ban bhapbini tỉnh Tây Ninh barau tacei Sở ngak nong saong patagok palei pala samal tabiak bruk padang ngak balai ia hacih praong piah ba ia hacih ka labaih 200 sang di palei 6, xã Suối Ngô, huyện Tân Châu. Meng rilo thun ini mai, labaih 200 sang di Suối Ngô oh hu ia hacih pandar kayua ia njanh di puk palei gaok nerak trak.

6/ Ban peih danak dak “daong pren bilan pakacah” 2015 di ban raya HCM brei thau, hu 8.000 sinh viên halan hatian hu mbaok tame. Duk saong dom thun dahlau, danak dak thun ini hu rilo kadha barau, kayua anek saih pataom tame pakacah di dom harei 1 tal 4/7, nan ye danak dak hu peih taduan, tacei pato anek saih meng harei 13/6 tal harei 5/7. Danak dak oh peih dom đội hình pakat sang bac bo pataom tame kapul pakat ban kayua pasak daong anek saih, sinh viên điều phối.

7# Tui duk parabha danadak bruk ngak negar padang ngak palei pala barau tỉnh Đồng Tháp, meng tuk ba tabiak danakdak tal urak ini, Đồng Tháp ieu pataom hu 73.000 tỉ đồng piah padang ngak palei pala barau, dalam nan bhapbini rik daong labaih 1.500 tỉ đồng. Dalam tỉnh hu 6 xã hu pok brei angan lac chuẩn palei pala barau,  16 xã hu 15 tal 18 tiêu chí, 82 xã hu meng 10 tal 14 tiêu chí, 15 xã hu meng 7 tal 9 tiêu chí.

Patui di ini dom khau tin dunya:

8/ NB lac sa taneh ia hiện đại dang akaok dunya min jeng khik hu dom ilamu meng kan lavik samar. NB hu dom labik DL hu angan je, lac sa dalam dom labik mai tal dang akaok di châu Á jeng yau di dunya. Min, urang NB jeng oh ka njauk hatai ngan saong dom jak jeng gah DL. Tui tờ NB harei ini, yaok thun jien mek tame meng tuai damuai dunya ba mai ka taneh ia ini jaik 900 tỉ yên (samu 7,3 tỉ USD).

9# Dom urang roh duah Peru barau duah mboh sa bộ 3 rup patau sit hu maong lac meng nền văn minh Caral saong hu umo thun atah di ini labaih 3.800 thun. Mintri ilimo Peru brei thau, dom rup patau ini hu duah mboh dalam baoh yot menyim meng hareik sậy di sa tòa sang di ban klak Vichama (Vi-cha-ma), gah Brak Peru. Sa dalam 3 rup patau brei mboh sa urang kumei hu 28 ngón tangin saong dom chấm sambo bhong, mbaok hu sơn mbong patih, hu brei thau lac lambaok ka sa urang kamei tu. Dua baok rup patau daok veik brei mboh sa urang likei saong sa urang kumei hu sơn sambao mbong patih, jhuk saong bhong hu brei thau lac lambaok ka urang jakar.

10/ Di taneh ia Ai Cập hu ilamu hadah krah meng kan dom ribau thun ini mai. Bhian hu  nền văn minh di labik ini biak hadah tanyak saong patagok glaong di abih. Nền văn minh nan hu tapa meng lavik, meyah oh khin ndom lac ralai lihik, min dom yaom glaong ilamu meng kan jeng daok hu khik ramik. Barau ini, rajaei Ai cập hu ba tabiak jalan pacang khủng bố meng ilamu./.