1# Patui danbakdak mbang nyaom ka 40 di Ủy ban Thường vụ Quốc hội , pagaiy harei 13/8, dom urang jakar brei panuac ka dakandak Pháp lệnh quân nhân chuyên nghiệp saong urang ngak gah quốc phòng. Pambuak tal chế độ, sarak di urang ngak gah quốc phòng, rilo urang QH ndom lac, ini lac asal kadha praong dalam bruk dak padang saong patabiak Pháp lệnh, njauk tacei tabiak cambaih laih dom sarak đãi ngộ thỏa đáng ka njauk urang, piah pachreih urang bac daa chat luong glaong tame ngak bruk ka bol bala. Bair harei, Ủy ban Thường vụ Quốc hội brei panuac ka dự án hukum tố tụng hình sự (pasiam veik) saong hukum tố tụng hành chính (pasiam veik ).

2/ Mintri pato megru pandar dom sang bac đại học, cao đẳng peih bruk pasang iek palih ruah tame đại học, cao đẳng thun 2015 piah daong mintri saong dom hiệu trưởng thau cambaih ka bruk palih ruah, piah pacang cakak tiêu cực, duah mboh, langyah dom bruk ngak sung. Taphia di nan duah mboh dom tavak tavaiy dalam dom harak quy phạm hukum ka palih ruah tame đại học, cao đẳng hệ chính quy; pok panuac tagok jabat karja hu thẩm quyền jalan pasiam veik. Mintri pato megru jeng pandar dom sở pato megru tacei dom sang bac trung học phổ thông peih dom bilik komputer, brei urang jakar kỹ thuật mai daong anek saih tra cứu saong cập nhật thông tin.

3# Thun bac  2015 - 2016, Sở pato megru tỉnh Quảng Trị peih bruk pato sap Bru - Vân Kiều ka anek saih tan bac  6 di 5 sang bac daok di huyen bhum ceik. Dahlau di nan, Sở pato megru hu peih pato iek dahlau sap Bru - Vân Kiều ka anek saih di sang bac tiểu học Hướng Tân saong sang bac THCS Húc mboh hu siam lagaih, hu gru pato, amaik ame saong anek saih taong yaom glaong. Urak ini, Sở pato megru daok peih pasram veik sap Bru - Vân Kiều ka 26 gru pato di dom sang bac nan

4/ UB bhap bini tỉnh Quảng Ngãi barau mbaoh tangin brei pabak dahlau 380.000 kh brah di rajaei ka sở pato megru saong dom huyện piah daong ka anek saih dalam 2 bilan akaok học kỳ I thun bac 2015 – 2016. Tui nan, yaom daong brei dahlau brah 2 bilan, ngan saong đơn vị dalam UB bhap bini huyện nan lac 30 kg brah ka sa anek saih; ngan saong đơn vị di sở pato megru nan lac 22 kg brah ka sa anek saih.

5# Adit bloh, tỉnh Đắc Lắc hu veik 22 urang ruak pandiak tabiak darah, tagok jaik dua mbang duk saong adit dahlau, patagok abih tih urang ruak pandiak tabiak darah meng akaok thun tal ini labaih 180 urang. Ông Phạm Văn Lào – Akaok pasak y te dự phòng tỉnh Đắc Lắc ndom lac: Ngan saong ruak pandaik tabiak darah, siam di abih lac ngak habal pathau khan ka mikva thau jalan eng drei langyah hu, ngak habal piah mikva thau hu dom jalan mbuan ba tal ruak; njauk thau lac oh hu lang quang, oh hu bọ gậy lac oh hu panidak tabiak darah. Gah y te du phong kol dahlak brei pruh jru di dom labik hu sruh jit tamuh, dua tra veik lac patagok bruk pasang iek, langyah pak di labik; nan lac tuk hu urang ruak  njauk langyah chip, ban sit Buôn Ma Thuột lac labik daok kham merat ngak bruk nan. Tuk mboh urang ruak njauk nao tal labik nan xy ly alam moi truong, plaih njom mbak.

 6/ 5 thun tapa, quận 11, ban raya HCM hu peih bruk pasiam veik dom chung cư daok khut saong ngak barau 1.360 baoh sang tui jalan xã hội hóa. Dom jabat, dom mban chức năng hu brei harak chứng nhận quyền pandar taneh , quyền ngak pô sang daok ka taong abih dom hồ sơ ginup điều kiện. Dom baoh sang dalam quận rilo meng hu pandar ia hacih. Kham merat tal thun 2020, hu tacei saong ba bruk ngak ka 10 ribau urang ngak sa thun, dalam nan hu 10% dom urang ngak hu bruk ngak tani tanat. 

7# Urak ini, dom sang bein di tỉnh Tiền Giang daok paik baoh        ma-mbat mbang puac. Kuhria rah tapa, yaok hecta ma-mbat meyah iek glang siam, paik hu meng 16 tal 18 tấn baoh, mikva urang nong laba hu 200 triệu đồng sa ha sa thun, rik daong patruh eik patrun kathaot. Yaom blei di beir urak ini lac 35.000 tal 37.000 đồng/sa kg tui chat luong baoh, tagok labaih 10.000 đồng/sa kg duk saong bilan dahlau. Rilo urang ngak bein ndom lac, yaom baoh ma-mbat meda tagok glaong saong yam tapa tanut 42.000 đồng/sa kg duk saong dom bilan ini thun 2014.

Patui di ini dom khau tin dunya:

8/ Sa mbang patuh khang barau rah tabiak melam 12/8 di sa kho caik “pandap nguy hiểm’ di ban Thiên Tân, gah brak TQ, ngak takik di abih 7 urang metai saong 180 urang karei njauk rambuac. Mbang patuh khang ngak megei dom labik jaik taphia atah di nan yaok km. Menuac sia daok di dom labik jiak taphia brei thau, thur mur meng mbang patuh glaong tal yaok pluh mét. Gah chức năng daok pasang iek ngak brei cambaih laih makna mbang patuh.

9# Sa thun hadei di tuk payua pandap daong pahla akaok mereip tal bhum gah timul Ucraina, Mintri bruk ngak chip Nga brei thau, taneh ia ini daok patui dom bruk daong ka urang gaok kan kandah kayua bruk mesruh gauk di dua tỉnh Đô-nhét-xcơ (Donetsk) saong Lu-gan-xcơ (Luhansk). Mbang pandap daong ka 35 daok pataom di labik Rốt-xtốp (Rostov) di Nga saong hu payua tal Đô-nhét-xcơ saong Lu-gan-xcơ dalam dom harei tal. Dom pandap daong jeng lac pandap mbang menyum, jru tavao saong pandap karei karei. 

10/ Dalam sa harak pathau khan barau abih di mintri y tế Ai Cập barau brei thau, dom urang metai kayua pandiak di taneh ia ini tagok tal 61 urang meng harei 8/8, dalam nan ralo meng lac urang taha. Dom urang taha tame sang iek ruak kayua pandiak di taneh ia ini tagok tal 581 urang. Min, 377 urang hu tabiak truh sang iek ruak tuk pren yava khang jakap veik, dom urang daok veik jeng daok hu iek ruak./.