# Danak dak bruk ngak negar ka sản xuất saong blei pandar khang kajap tal thun 2020, pamaong tal thun 2030 hu Thủ tướng Rajaei mbaoh tangin brei ngak. Tui nan, tukvak 2016 - 2020, kham merat  ngak ka doanh nghiệp pandar rilo năng lượng, mbuan  ô nhiễm môi trường, salih tapa  ngak tui jalan công nghệ hacih hu meng 60% tal 70%; dom  cơ sở ngak kong pandar dom jalan ngak hacih jang, patak pataom năng lượng hu 50%; trun tal 65% bruk pandar bao bì kan ralai di dom siêu thị, pasak pablei salih saong hu tal 50% di dom darak dân sinh...

# Thun 2016, tỉnh Nghệ An kham merat bình quân chung dalam tinh hu 13 tiêu chí yaok xã, tagok 0,73 tiêu chí sa xã duk saong thun 2015; kham merat hu 34 xã mek hu chuan palei pala barau saong hu veik sa labik pakat huyen lac ban sit Vinh mek hu chuan palei pala barau. Taphia nan, Nghệ An jeng peih bruk dak apdang labik palei pala barau tui pakat palei, bản di dom huyen bhum ceik.

# Sang bac Phổ thông bangsa gam bac gam daok Trung học cơ sở A Mai Châu bahrau pambuak bruk haong 2 xã Hang Kia, Pà Cò, huyện Mai Châu, tỉnh Lai Châu peih bruk taom gaok Tết meng kan bangsa Mông, ngan saong rilo bruk ngak ilamu, daoh tamia, thể dục thể thao, dom kadha me-in meng kan di bhap bini Mông yau jul gai, taong cù, ném pao…Tapa nan, sang bac Phổ thông bangsa gam bac gam daok trung học cơ sở A Mai Châu hu kaoh tabiak meng kadung jien di sang bac alin 2 thùng pandap ka 2 xã, 10 pok pandap ka sang kan kandah, yaom 350.000 đồng yaok paok.

# Dalam huyện Đam Rông, tỉnh Đắc lắc urak ini hu jaik 100 taha palei, akaok palei, urang hu angan je hadah trah tuk halei jeng nao dahlau dalam bruk pathau khan, jak ba bhapbini peih ngak siam dom bruk pakacah gauk anit taneh ia, dom bruk jak ba kayua puk palei ba tabiak. Abih di nyu nan lac, dalam bruk ba gauk tame padang ngak palei pala barau, dom taha palei, urang hu angan je khik labik dang praong dalam bruk ieu pataom pren khang jum pataom bhapbini dak harei dak pasiam dom tiêu chí palei pala barau …

# Tui mBan khik ramik dom Khu công nghiệp Tiền Giang, thun 2016, dom doanh nghiệp dalam khu công nghiệp di tỉnh daok peih ngak dom jalan paglaong kein laba bruk sản xuất, pablei salih, kham merat paglaong yaom sản xuất công nghiệp hu 40.250 tỷ đồng, jien mek tame hu 11.500 tỷ đồng saong 1,6 tỷ USD; jien mek tame hu meng bruk pablei tabiak negar lingiu hu 1,2 tỷ USD. 

# Bilan tam kai thun ini, jaik 500 sang urang nong tỉnh Cà Mau jeng pala njauk saong pablei  hu yaom. Kuhria rah tapa, 1.000 m2 paik hu 1.000 baoh tam kai. Yaom tam kai urak ini jaik 12.000 đồng yaok kilôgam, tagok labaih 20% duk saong dom bilan ini thun dahlau.

# Urak ini, dalam tỉnh An Giang hu 34 palei ngak tiểu thủ công nghiệp pambuak haong bruk patagok du lịch, dalam nan hu 14 palei ngak meng kan hu meng labaih 50 thun ini mai, lac dom labik pachreih tuai damuai. Meng pambuak du lịch haong bruk ngak palei ngak tiểu thủ công nghiệp, hu labaih 6.300 baoh sang gam saong jaik 20 ribau urang ngak palei pala hu bruk ngak, jien bilan meng 1 triệu meteh tal 2 triệu đồng yaok bilan.

Khaw tin dunya

# Bian harei 13/1, cảnh sát ban Sydney, bang New South Wales (Niu Xao Uên) di Australia hu cap mek sa urang kamei umo 24 thun pachot pablei vé kapal haok ja tapa mạng xã hội Facebook ka dom du học sinh Việt Nam. Urang ini mek angan di Facebook lac Vi Trần, njauk cap mek di sa libik di Petersham (Pi-tơ-sam), atah di quận pasak ban Sydney jaik 6km nao gah Pai Tây Nam. Urang ini urak ini daok tạm kareik saong hu ba tabiak tòa xét xử di harei 3/2 tal saong cáo buộc lac duah laba jien padai suan hukum meng bruk pachot . 

# Rajaei Nhật Bản daok pasang iek bruk ngak catang dom quy định nhập cảnh meng Triều Tiên tame Nhật Bản saong dom bruk payua jien tal Triều Tiên. Ini lac dom jalan taong phat bahrau abih piah cagar veik bruk Bình Nhưỡng bahrau ini khan lac ngak iek hu bom nhiệt hạch (bom H). 

# Harei 13/1, Quốc hội Kuwait njauk hatai brei tapa sa đề nghị di rajaei ka pok jien pabak brei ka gah quân sự  yaom10 tỷ đô la Mỹ dalam 10 thun tal. Akaok mintri Quốc phòng Kuwait Sheikh Khaled Jarrah Al-Sabah (Sê-ích Kha-lét Gia-ra An Xa-bát) brei thau, yaom jien nan daok dalam sa kadung jien đặc biệt langiu kadung jien karja, meda hu pandar piah blei kapal ahaok mesruh metak, radaih tăng saong hệ thống phòng không barau./.