1/ Tỉnh Điện Biên bahrau peih tabiak bruk biên phòng thun 2015. Sa dalam dom bruk chính trị prong hu bộ đội biên phòng tỉnh Điện Biên ba tabiak dalam thun 2015 nan lac iek prong song paglong bruk jak ba bhap bini khik caga chủ quyền taneh ia song pakhang pakajap bruk quốc phòng-an ninh di tapen negar.

2/ labaih 1 triệu 500 ribau mbang tuai damuai hu mai rivang, du lịch di Sơn La dalam thun 2014. Tapa nan brei mboh bruk bruk pachreih tuai damuai dalam saong langiu taneh ia mai tal Sơn La dalam thun tapa hu ralo salih barau.  

3/ 5 thun tapa, meng danak dak 30a, TƯ hu dong ka tỉnh Quảng Ngãi labaih 1.200 tỷ đồng piah peih ngak dom danka dak, dự án patrun kathaot samar saong khang kajap di 6 huyện kan kathaot dalam tỉnh. Meng phun jien ni, tỉnh hu buh tabiak ngak labaih 250 kadha yau sang bac, bilai y tế, jalan mbak nao mai, krong ribong, ia pandar, điện truac hadah, sang ilamu …abih jiak 1 ribau tỷ đồng, dong bruk ngak mbang pala drak, duah bruk ngak, patagok jien mek tame ka bhap bini 

4/ Mintri lao động – thương binh saong xã hội hu pambuak bruk saong UB bhap bini tỉnh Quảng Nam peih nyaom meyai ka bruk ba urang ngak nao ngak bruk di negar langiu ngan saong bruk hu mbaok di 20 doanh nghiệp. Tui ong Nguyễn Thanh Hòa, Thứ trưởng thường trực mintri Lao động - Thương binh saong Xã hội, piah ka bruk ba urang ngak nao ngak bruk di negar langiu di Quảng Nam hu kein lagaih, urang nao ngak bruk brei ngak njauk panuac sanya dalam hợp đồng lao động, ngak tui adat hukum, di taneh ia drei nao ngak.

5/ Tal tukvak ni, dom DN di tỉnh Đồng Nai hu khan brei thau ka yaom jien thưởng beir di abih lac 2 triệu 700 ribau đồng ka sa urang, glong di abih lac 190 triệu đồng ka sa urang. Yaom jien thưởng glong di abih ni di khối DN hu phun jien buh tame di negar langiu (FDI). DN hu taong abih phun jien karja, jien thưởng beir di abih lac 3 triệu đồng ka sa urang, glong di abih lac 49 triệu đồng. Dok DN tư nhân jien thưởng beir di abih hu labaih 3 triệu đồng ka sa urang, glong di abih 12 triệu đồng.

6/ Meng akaok thun ini, ban sit Cần Thơ hu tacei pato dua gah nan lac công an saong gah khik iek darak pasar peih ngak samu gauk dom jalan pacang cakak buôn lậu, bleik saleik dalam pablei salih saong pandap ja angaok dom jalan ia saong jalan mbak. Taphia di nan brei thau cambaih dom puk palei hu rilo urang pablei salih, khik mepiah pandap cấm, pandap nhập lậu ralo, hu tổ chức.

          7/Piah  Salam uan song piah pahadar 55 thun harei Bến Tre đồng khởi (17-1/1960- 17-1/2015) song 85 thun harei padang Đảng cộng sản Việt Nam (3-02-1930- 3-02/2015), tỉnh Bến Tre bahrau peih pakak 6 công trình giao thông prong. Nan lac 6 boh tatua angaok jalan roya 884 huyện Châu Thành, tỉnh Bến Tre, saong yaom jien buh tame ngak abih tih lac 179 tỷ đồng, meng phun jien dong di gilang pariak dunya song di rajaei Úc.  

Patui di ini dom khau tin dunya:

8/ Di Ban ine Viêng Chăn (Lào) barau peih nyaom meyai đặc biệt urang ngak praong pakat glaong năng lượng ASEAN saong dom nyaom meyai hu pambuak tal. Labaih 80 urang lambaok mai meng dom taneh ia thành viên, jabat năng lượng dunya, Viện ruah duah kinh tế ASEAN saong Đông Á. Tiến sỹ Đao-vông Phon-kẹo, akaok vụ sarak saong kế hoạch năng lượng – mintri năng lượng saong mỏ công hòa dân chủ bhap bini Lào gam lac urang dang akaok dom urang ngak praong pakat glaong năng lượng ASEAN pan akaok nyaom meyai.  

9/ Kadung jien uranaih Liên hợp quốc (UNICEF) bahrau parabha pandap dong brei dalam bilan liar ka labaih 900 ribau uranaih di Trung Đông, dalam tuk labik ni dok barak liar kayua tuyết laik kapan. Ong Pha-han Hắc ( Farhan Haq) urang brei panuac di Liên hợp quốc brei thau, di Xiry, labik dok meriak gauk yam tapa thun ka 4, kadung jien uranaih LHQ hu parabha pandap dong brei, dalam nan hu aow liar, phui, jamriak sưởi ấm, jien ka 350 ribau uranaih.

10/ Dom urang ilamu Anh barau duah mboh sa janih gen barau ngak brei ung thư tasau thể bộ ba âm tính, sa janih ruak ác tính meblah 25% dalam dom urang ung thư tasau, bhian mboh di dom urang kamei umo meng 20 tal 40. Dom urang njauk ruak ung thư ini bhian diuk oh tapa 5 thun./.