1/ Di HN, 39 urang taha palei, akaok palei, nghệ nhân, urang hu angan je di dom bangsa Si La, Pu Péo, Ơ Đu, Brâu và Rơ Măm hu brei mboh hatai khin song bruk khik ramik ilamu di bangsa drei di nyaom biai “Jalan khik ramik patagok ilamu di 5 bangsa takik hu ala 1.000 urang, kayua mintri ilamu thể thao peih ngak. Tui kuhria urak ni negar drei hu 5 bangsa hu ala 1.000 urang nan lac Si La, Pu Péo, Ơ Đu, Brâu song Rơ Măm.

2/ Mbang akaok meti padang veik adat rok kiệu Ngọc Lộ nan lac kadha barau dalam bruk peih ngak lễ hội Khai ấn Đền Trần 2015. Adat rok kiệu Ngọc Lộ hu padang veik,  meda daong ka bhap bini saong tuai damuai atah jaik thau dalam jang ka dom ilamu di sa lễ hội bak yaom glaong meng kan, dane angan atah jaik. Tukvak peih ngak lễ hội meng harei 11 tal harei 16 bilan sa tui saka ia bulan (nan lac harei 1 tal harei 6/3/2015)

3/ harei pataom ginuh kubau Phú Sơn Bắc Ninh 2015 hu rah tabiak meng harei 2 tal harei 3/3 song hu mbaok di 24 “ong kubao” meng rilo puk palei dalam negar. Dom ong kubao ni hu palih ruah meng yaok ribau drei kubao, hu umo meng 18 tal 15 thun. Harei pataom ginuh kubao hu peih tabiak di mblang dit blong Suối Hoa (Bắc Ninh). Thun ni oh hu bruk klauk kubao công khai song kubao janeh oh brei sik ngak rilaow, bo hu khik veik piah hu mbaok tame dom mbang ginuh kubao hadei .

4/ Harei pataom cà phê Buôn Ma Thuột mbang kaV hu raha tabiak meng harei 9 tal harei 12/3/2015, ngan saong kadha praong nan lac ““Buôn Ma Thuột – dom jalan xuân sajarah dak rai”. Lễ hội saong dom danak dak praong nan lac: phao bingu nghệ thuật, nyaom darak pasar – parang iek cà phê; ginum meyai ka bruk patagok cà phê khang kajap”. 

5/ Thành đoàn ban raya HCM peih bruk pataom iek veik song jao giải mbang pakacah vak kadha pamong tal palao tasik palei negar thun 2014. Bruk pakacah hu peih ngak meng bilan 6/2014. Mban peih bruk taduan hu 7.662 kadha vak di 200 urang song 30 kapul nyaom hu payua mai pakacah. Asar dom kadha brei mboh thaot binguk urang lin tasik, gah cảnh sát tasik, kiểm ngư, urang tong ikan dom palei tong chap hu rilo jak jeng dalam bruk pasram megru, chiến đấu, ngak bruk dong ka bhap bini saong khang hatai tabiak tasik khik caga chủ quyền taneh ia.

6/ Di ban Cần Thơ, meng 23 bilan mat tal 6 bingun Tết anek sak pabe 2015, ralo bruk ngak ilamu – daoh tamia, thể dục thể thao hu peih tabiak di palei pala. Di huyện Thới Lai biak ralo bruk ngak hu rah tabiak: adit ilamu – thể thao; pakacah việt dã; pakacah gaiy meng kan angaok kraong Xẻo Xào; pasak ilamu ban Cần Thơ parang me-in, patahu khan lưu động. Di dom huyện, “quận bhum atah” karei jeng peih: Mbang pakacah lân – sư – rồng, pakach daoh tamia – ca tài tử - tiểu phẩm xuân” quận Thốt Nốt; danak dak nghệ thuật “hadah hadai bilan xuân Cờ Đỏ kayua sang daoh Tây Đô huyện Cờ Đỏ parang me-in.

Patui di ini dom khau tin dunya:

7/ Liên hợp quốc hu peih bruk ngak pahla song dong ka Palextin 705 triệu đôla dalam thun 2015, dalam nan 80% lac dong ka dải Gada. Tui ong Giêm Rô-li (James Rawley), Giám đốc Văn phòng Liên hợp quốc ka bruk điều phối dom bruk pahla di bhum taneh Palextin, bruk pasiam veik di dải Gada oh ka yau hatai khin kayua dom negar dong brei jeng dok suai damuai dalam bruk peih jien dong brei ka Palextin tui panuac sinya.

8/ Dom urang dang akaok Đại Sứ quán Cộng hòa Dân chủ bhap bini  Lào di Liên bang Nga hu mai rivang saong tadhau yuh tết urang dang akaok saong nhân viên Đại sứ quán taneh ia drei di Nga. Brei panuac dalam mbang mai rivang, Đại sứ Lào di Nga Thiêng Bu-pha pok meyaom harei tết di VN lac sa harei roya praong ndung bak ilamu meng kan. Đại sứ Thieng Boupha  taong yaom glaong talei pambuak bruk di dua taneh ia dalam taong abih dom gah; jia lac talei pambuak bruk jum pataom meng kan di VN – Lào hu pakhang saong patagok./.

9/ Hadei di tuk iek ruak thit abih ka 4 urang njom ruak Ê-bô-la dalam thun bloh, Đại học Ê-mô-ry (Emory) di Mỹ urak ni dok dang akaok sa dự án hu karja dong piah ngak iek jalan iek ruak bahrau di angaok huyết thanh hu ngak meng darah di dom urang njom ruak Ê-bô-la pasiam veik. Ngan song dự án ni, Đại học Ê-mô-ry datuan hu bruk dong brei jiak 11 triệu đô la meng jabat tui iek dom dự án roh duah bahrau di mintri Quốc phòng Mỹ song dom balik dut iek di dom sang bac ĐH, viện roh duah jang yau Pasak tui iek song pacang caga jit ruak Mỹ./.