1/ Sở pato megru HN bahrau peih nyaom biai peih tabiak jalan ngak ka bruk đầu tư di negar langiu dalam bruk pato pakai thun 2015. Urak ni di HN hu jiak 60 DN negar langiu đầu tư dalam bruk pato pakai, pato bruk ngak ngan song gru pato negar langiu ngak bruk ni lac 500 urang.

2/ Kadung jien daong ka uranaih VN pambuak bruk haong sở lao động, TB saong XH tỉnh Sơn La peih danak dak “hành trình cuộc sống” ngan saong bruk padang kadung jien blei radaih juak ka uranaih kan kathaot takre bac daa. Hu 50 anek saih kan kathaot di tỉnh taduan hu 50 sruh radaih juak saong 50 paok pandap yaom 90 triệu đồng kayua Cty bảo hiểm Nhân thọ AIA (VN) alin hadiah.

3/ Ub bhap bini tỉnh Đà Nẵng bahrau hu harak văn bản njauk hatai jao ka Sở pato megru ban sit ni pa tabiak dua tập tapuk sajarah dak rai ĐN. Hadei di tuk hu panuac tacei pato di UB bhap bini ban sit ĐN, 100 ribau baoh tapuk sajarah dak rai ĐN hu in ấn, ba tabiak tui njauk Hukum xuất bản. Ông Nguyễn Minh Hùng, Phó giám đốc Sở pato megru ban sit Đà Nẵng brei thau, dom harak tapuk ni hu ba tame pato pakai dalam dom sang bac trung học cơ sở song Trung học phổ thông meng học kỳ 2, thun bac 2014- 2015.   

4/ Peih ngak nghị định 67 di rajaei ka dom sarak patagok kaya ikan, tỉnh Bình Định hu phê duyệt angan dom po kapal hu mesraiy jien ngak barau kapal ikan taong cap saong kapal dịch vụ hậu cần mbang sa ka 37 po kapal. Dalam nan, ngak barau 24 kapal kanduh pasei; 2 kapal kanduh composite, 10 kapal kanduh kayau saong sa kapal kanduh kayau tauk composit. Urak ini hu 14 dalam 24 po kapal tut angan ngak bahrau kapan kanduh pasei hu mbaoh tangin tame pambuak bruk haong dom labik ngak kapal.

5/ Rilo mblang taneh pala tabau di huyện Nhơn Trạch, tỉnh Đồng Nai hu pala di angaok dom mblang hamu daok kreh dom krong, ribong nan ye bruk pajeng ba tabau meng labik pala tal labik blei tabau nan lac ghe. Min urak ni dom krong ribong di labik ni dok thu ia, yaok rituh tấn tabau di urang nong dok tame bilan tak njauk gar veik di hamug kayua ghe oh tame pajeng hu. Bilan tabau ni, yaok rituh urang nong huện Nhơn Trạch njauk khat phun, urang nong dok dut hatai lac bilan anak, bruk ni meda rah tabiak veik kayua bruk kuac raok krong ribong dalam huyện urak ni oh ka hu peih ngak. 

6/ Bilan raong hadang tasik thun 2015, di bhum dauk mbak, tapen tasik di 4 huyện: Duyên Hải, Cầu Ngang, Trà Cú và Châu Thành (Trà Vinh) daok kuhria palao raong 19.900 ha hadang sú saong 5.500 ha hadang thẻ takai patih; kham merat mek hu 37.500 tấn hadang thương phẩm, yaom abih tih jaik 3.500 tỷ đồng.

7/ Dalam dom thun tapa, hu rilo urang bangsa Khmer di tỉnh Kiên Giang patruh kan kathaot yam tagok kaya meda kayua sarak di Đảng song karja. Sa dalam dom sarak nan brei ndom tal harak QĐ 74 di thủ tướng rajaei ka sarak dong brei taneh dok, taneh pala drak. Urak ni KG hu dong taneh dok, taneh pala ka labaih 2.200 boh sang mik va urang Khmer ngan song yaom jien labaih 22 tỷ đồng, ba bruk ngak ka labaih 10.800 urang ngak, dong ka mik va patruh kan kathaot. 

Patui di ini dom khau tin dunya:

8/ Puac bilan 3 ini, TQ, Nhật Bản saong Hàn Quốc hu peih bruk ndom biai nao mai pakat akaok mintri ngoại giao hadei di jaik 2 thun klaoh nao. Bruk nan hu ba tabiak di mbang ndom biai nao mai mbang ka 10 di urang ngak praong pakat glaong 3 taneh ia Trung, Nhật, Hàn rah tabiak di Xơ-un, Hàn Quốc. Langiu bruk njauk hatai brei pambuak veik bruk ndom biai nao mai pakat ngoại trưởng di 3 taneh ia, 3 gah daok ginum meyai ka bruk pambuak dom gah an toàn hạt nhân, pasiam dom khut khat kayua bala, khik caga môi trường saong an ninh mạng.

9/ Jabat cứu trọ song bruk ngak ka urang tị nạn Palestin di Liên hợp quốc (UNRWA)brei thau, rai duik di dom urang tị nạn Palestin di Xyri dak harei dak kan kandah jang, tuk bruk meriak gauk di negar Trung đông ni daok rah tabiak. Jabat cứu trợ di LHQ dok parabha pandap mbang ka takik di abih 10 ribau urang Palestin di dom trại tị nạn, labik dom nyaom vũ trang di Xyri  dok khik iek meng thun 2012. 

10/ Dom urang ngak praong gah quân sự Mỹ brei thau, 7 urang lin saong 4 urang dalam phi hành đoàn metai, hadei di tuk trực thăng quân sự di urang gaok bala dalam sa mbang par pasram di labik langiu takai tasik Flo-ri-đa. Ralo urang ngak praong di rajaei Mỹ jeng hu payua panuac klah rabha pandik harao tal urang dang akaok dom đơn vị quân sự pambuak tal bruk ini./.