1/ Harei 21, 22/ 4 anak tal, Diễn đàn Kinh tế bilan xuân thun 2015 hu angan “ Patui jalan salih bahrau bruk ngak mbang di Việt Nam” hu rah tabiak di ban sit Vinh tỉnh Nghệ An. Di nyaom biai, ong Nguyễn Văn Phúc, Phó Chủ nhiệm Ủy ban kinh tế di Quốc hội ndom lac, dom bruk tong yaom di Diễn đàn ni, lac kadha prong piah ka Ủy ban Kinh tế di Quốc hội tong yaom pabak bruk peih ngak sarak di QH ka jalan patagok KTXH thun 2014 song jalan peih ngak sarak di QH ka bruk patagok KTXH thun 2015.

          2/ Hadei di sa adit rah tabiak dalam chreih chrai, hu makna, harei 13/4, tỉnh bến Tre peih bruk tamat harei pataom li-u mbang ka IV thun 2015. Tapa nan, UB bhap bini tỉnh Bến Tre hu pok meyaom dom urang pala li-u saong dom doanh nghiệp ngak dom pandap meng li-u  siam di abih dalam tỉnh Bến tre, pok meyaom dom đơn vị hu buh rilo pren yava ka bruk peih harei pataom li-u mbang IV thun 2015.

3/ Danak dak iTeach, patagok bruk naih gheih ka uranaih nan lac jalan ngak piah dong bruk pato pakai ka anek saih bhum atah bayah di VN song Philippines tapa mô hình tal bac patagok akaok sahaneng song bruk khik ramik khau tin bac megru. Di VN danak dak hu peih ngak di sang bac phổ thông bangsa gam bac gam dok Tiểu học Yên Lập, xã Yên Lập, Cao Phong, Hòa Bình meng bilan 4 tal bilan 10 thun ni.    

          4/ UB bhap bini tỉnh Ninh Thuận barau tabiak quyết định brei brah ka anek saih di dom sang bac daok di labik hu kinh tế  - xã hội biak kan kandah. Tui nan, 2.330 anek saih di tỉnh Ninh Thuận, dalam học kỳ 2 di thun bac 2014 – 2015, hu daong brah abih tih jaik 142 tấn. Yaok anek saih hu daong brah 15kg sa bilan dalam 4 bilan.

5/ Bilan tabau thun ni bahrau tame min rilo mblang taneh di ban sit Ninh Hòa tỉnh Khánh Hòa daok hu jit ruak patih hala, ni lac jit ruak hu mboh dalam 3 thun ni mai, min oh ka hu jru pacang cakak. Bilan tabau thun dahlau hu labaih 2.200 ha dalam nan hu 12.000 ha tabau di ban sit Ninh Hòa njauk ruak patih hala, dalam nan hu yaok rituh ha njauk ruak, khat lihik tal 70% njauk tak klak. Karja puk palei hu buh tabiak labaih 5 tỷ đồng piah dong ka mik va  patrun kan kandah.

6/ Dalam dom harei jaik di ini, yaom ikan ngừ đại dương di tỉnh Phú yên trun khang ngak ka urang taong cap ikan duh hatai. Urak ini ikan ngừ câu vàng yaom meng 110.000 tal 115.000 đồng sa kg, yaom ikan vah pui  daok yaom 90.000 tal 93.000 đồng sa kg, biar jang yaom ikan akaok vụ 30.000 đồng sa kg. Yaom ikan biar, dalam tuk yaom menyek tagok nan ye urang taong cap ikan yaok mbang nao tasik abih rilo jien jang meng 4 tal 5 triệu đồng. Urak ini, yaom menyek di pabah lamnge nan lac  15.7000 đồng sa lít meyah bayar jien chip, daok blei tavak ye yaom glaong jang. 

7/ Phó akaok UB bhap bini tỉnh Đồng Tháp Nguyễn Thanh Hùng bahrau hu mbang ginum biai ka bruk rong, chế biến ikan pra di dalam tỉnh tal thun 2020 song pamong tal thun 2025. Ong Nguyễn Thanh Hùng hu panuac ieu Sở Tài nguyên - Môi trường pambuak song dom đơn vị langyah pasiam dự thảo, taong yaom veik dom jalan ngak piah pok tagok UB bhap bini tỉnh pasang iek veik labik rong glang, meda ba tame quy hoạch min brei hu panuac sinya di urang rong ka jalan ngak pasiam tui dom tanut hu ba tabiak 

Patui di ini dom khau tin dunya

8/ Amuk Hillary Clinton meda jeng Tổng thống Mỹ biak naih gheih, nan lac panuac di ong Barack Obama, Tổng thống Mỹ urak ini tuk calei panuac sua di urang vak ka bruk Ngoại trưởng Mỹ dahlau deih Clinton meda tranh cử tame Nhà Trắng dalam mbang pilih ruah Tổng thống Mỹ thun 2016. Barau ini, amuk Clinton brei thau, hu peih bruk pakacah tame ngak tổng thống thun 2016 tapa mạng XH Twitter. 

9/ “Sap ndom song lagu lagam ka bruk mbang huak” lac hatai sahaneng hu tabiak rai di Kênh rayo papar sap brei ka bruk yaih khan dom pandap mbang meng kan di Italy, jalan ngak dom janih pandap mbang yau bruk yaih khan ka ilamu mbang huak di Italy tabiak dunya. Kênh Rayo papar sap Italian Chief Academy (RICA), kayua Học viện đầu bếp Italy peih tabiak.   

10/ Meng bruk taduan raok jaik 84 triệu mbang tuai DL, Prang daok lac labik mai takre abih di dunya dalam thun 2014, abih di nyu nan lac ngan saong tuai châu Á. Ini lac số liệu barau hu mintri ngoại giao Prang khan brei thau. Dalam tukvak anak tal, rajaei Prang hu pabak dom dom jalan ngak bahrau piah jhul pakhang DL yau caik dom jalan cao tốc pambuak Paris saong dom mblang kapal haok, brei adet ka dom pasak pablei salih peih pabah mbang di harei adit atau tuk melam di dom khu vực./.