1/ Đại tướng Trần Đại Quang, Ủy viên mintri Chính trị, Akaok mintri Công An bahrau hu harak payua dom Tổng cục, dom đơn vị di mintri; Giám đốc Công an, Cảnh sát pacang khuah padam khuah dom tỉnh, ban di TƯ. Tui nan, pataom menuac di drei saong pandap panda, peih ngak siam dom bruk dom jalan ngak, khik caga siam mekre salamat dom labik prong, dom labik peih ngak sự kiện, bruk ngak di dom urang dang akaok Đảng, karja song dom kapul tuai damuai dunya. 

2/ Di ban raya HCM, mintri y tế barau peih nyaom meyai: “patagok bruk pacang cakak ruak pandiak tabiak darah thun 2015”. Cục Y tế dự phòng, mintri y tế brei thau: thun 2014 dom urang njauk ruak saong urang metai kayua pandiak tabiak drah di tanut biar abih dalam 10 thun tapa,  labaih 31.800 urang saong 20 urang metai. Dom puk palei hu ralo sruh jit ruak nan lac: ban raya HCM, Bình Dương, Đồng Nai, HN, Long An, Bà Rịa – Vũng Tàu saong An Giang. 

3/ Anak bruk tamekai gah kreik negar laik yaom ngak ka urang nong khat lihik, dom siêu thị Co.opmart hu ba tabiak pablei biak rilo tamekai ni piah dong ka urang nong. Urang lambaok Siêu thị Co.opmart Tuy Hòa, tỉnh Phú Yên brei thau, meng ni tal harei 25/4 siêu thị Co.opmart jhul pakhang bruk blei tamekai ka mik va urang nong. Urak ni siêu thị Co.opmart blei tamekai di mblang hamu ka urang nong yaom glong jang meng 500 đồng tal 1.000 đồng sa kg dut song thương lái song yaom blei tabiak meng 3.000 tal 3.300 đồng sa kg. 

4/ Ia Grai nan lac sa dalam dom huyện peih ngak hu siam dom bruk paglaong chất lượng dân số dalam dom bhum urang bangsa takik di tỉnh Gia Lai. Urak ini, dom diuk pasang eng drei pandar dom jalan nyaik metian hu jaik 80%, abih di nyu nan lac jalan đình sản an toàn, bruk ndih tapui anek ka 3 trun khang; dom uranaih dalam umo hu pachreih nao tal bac labaih 95%.

5/ UBMT negar VN ban raya HCM song mban jak ba kayua urang kan kathaot ban raya HCM bahrau peih bruk thun 2015. Thun ni, Mban jak ba kayua urang kan kathaot ban raya HCM kham merat jak ba labaih 100 tỷ đồng, dong ngak ka nyu salah danak dak “ patakik sang kan kathaot, parilo sang kaya meda” di ban raya. Meng kadung jien ni, Mban brei padang bahrau labaih 600 boh sang anit ranam song pasiam veik 1.200 boh sang ka urang kan kathaot.

6/ Hadei di jaik 10 mong gar jalan, tal mesup harei 15/4, jalan roya 1A labik nao tapa huyện Tuy Phong, tỉnh Bình Thuận barau hu giải tỏa. Kayua oh njauk hatai bruk sang mac nhiệt điện Vĩnh Tân 2 ngak ô nhiễm môi trường, bhap bini xã vĩnh Tân, huyện Tuy Phong dui gauk tabiak pataom anak sang mac ngak gar jalan meng 17 tuk biar harei 14/4 mbiah tal 3 tuk labaih mesup 15/4. Jalan roya 1A gar khang, radaih angaok jalan patui taok gauk atah jaik 20 km meng Cà ná tal Liên Hương. 

7/ Gah y tế tỉnh TG dok peih ngak rilo bruk pacang caga dom jit ruak yau ruak tangin takai cambuai, pandiak tabiak darah, song dom jit ruak pambak tapa jalan tung pruac, dok mbuan tamuh tabiak rilo dalam bilan pandiak yau urak ni. Meng akaok thun tal ni, dalam tỉnh hu 194 urang ruak pandiak tabiak darah, rilo jang jiak 40% dut song tukvak ni thun dahlau, 294 urang ruak tangin takai cambuai, 93 urang ruak thủy đậu, 700 urang njauk ruak aik chraoh.

Patui di ini dom khau tin dunya:

8/ Dom harei ini, bhap bini di dom taneh ia Đông Nam Á yau Lào, Mi-an-ma, Thái Lan saong Campuchia daok chreih chrai peih lễ hội sac ia taduan tết cổ truyền. Lễ hội mbang ini ndung bak ilami meng kan, tamuh tabiak meng dom adat cambat ka bruk ngak padai ia. Oh lac brei mboh bruk  gireih di agama, dom lễ hội sac ia di dom taneh ia Đông Nam Á nan jeng brei mboh dom bui sambai di ilamu hội hè, brei mboh hatai caong pamaong tal sa raidiuk siam mekre, salamat. 

9/ Thủ tướng Ôxtrâylia Tô-ni A-bót (Tony Abbott) bahrau hu panuac khan lac, anak dom siam mekre bahrau mek hu dalam bruk mesruh pacang kol IS di I rắc dalam tukvak tapa. Ong A-bót brei thau, bruk pabak bol lin meng harei page song đơn vị bol lin ni hu brei bruk ngak meng bilan 5 anak tal, tui panuac ieu di Thủ tướng I-rắc Hai-đơ an A-ba-đi (Haider al-Abadi). 

10/ An ninh di Malaixia hu khik catang jang tuk cảnh sát taneh ia ini duah mboh 70 urang, dalam nan hu urang dalam gah vũ trang Malaixia hu pambuak tal kol IS. Brei panuac anak QH di harei kabroi, akaok mintri QP Malaixia, ong Ba-cri brei thau, bol bala daok pasang iek bruk điều tra di cảnh sát jeng yau peih bruk điều tra karei ngan saong bruk daong di gah tình báo./.