1# Dalam dom bruk di mbang ravang Cộng hòa A-déc-bai-gian, akaok taneh ia Trương Tấn Sang hu taom gaok dom giáo sư, chuyên gia dầu khí, sĩ quan hải quân dahlau thiah pato pakai urang jakar jeng ye diukrai saong ngak bruk di Việt Nam. Akaok taneh ia ndom lac VN oh tuk halei var hu bruk daong brei abih hatung hatai di dom ayut A-déc-bai-gian. Bruk daong nan hu daong Việt Nam oh lac jayah dalam mesruh metak bo daok hu siam mekre dalam bruk dak padang veik taneh ia hadei ini. 

2/ Mintri ngak nông saong patagok palei pala brei thau, peih ngak đề án rami ramik veik gah ngak nông, kuhria tal bilan 5 thun ini, hu 36 dalam abih tih 63 tỉnh, ban patabiak đề án atau jalan ngak piah rami ramik veik gah ngak nông di puk palei saong peih ngak tui bruk di anak meta. Tui nan, tapa 2 thun peih ngak đề án rami ramik veik gah ngak nông tui quyết định 899 harei 10/6/2013 di thủ tướng rajaei, Gah ngak nong hu mbaoh tangin tame 5 quy hoạch dalam taneh ia, 17 quy hoạch bhum pabak ka bruk rami ramik veik saong pacang cakak biến đổi khí hậu. 

3# Kapul urang jakar Quốc hội tỉnh Hậu Giang barau taom gaok cử tri dahlau di mbang nyaom ka 9, Quốc hội mbang 13 di phường Hiệp Thành, ban sit Ngã Bảy. Di var taom gaok, cử tri hu panuac caong pataom tame dom bruk : khik kajap yaom darak pasal kaya nong; daong bruk ngak nong, abih di nyu nan lac tabau saong padai; bruk iek glang sang sarak karja; ramik pasiam jalan mbak nao mai; trun yaom menyek ka dom sang kan kathaot. 

4/ Tui mintri y tế, thun 2014, dalam taneh ia hu labaih 64 triệu bhap bini hu mbaok tame BHYT, meblah jaik 72% menuac sia dalam taneh ia. Min, kuhria tal bilan 4 thun 2015, dom urang blei BHYT dalam negar daok trun khang, daok labaih 63 triệu urang min, samu saong jaik 1 triệu 200 ribau urang oh blei BH. Dalam nan, trun ralo di abih nan lac dom urang buh jien kadung tabiak blei BH dalam dom baoh sang, trun tal 15%.

5# DI ban sit Lào Cai, tỉnh Lào Cai barau rah tabiak danakdak taom gaok hữu nghị Quốc phòng biên giới Việt – Trung mbang ka dua kayua mintri quốc phòng taneh ia drei saong mintri Quốc phòng taneh ia Cộng hòa bhapbini  Trung Hoa peih tabiak. Ini lac bruk ngak piah padang talei pambuak bruk, jum pataom di karja puk palei, bhapbini saong kapul khik caga biên giới dua taneh ia.  

6/ Pahadar 125 thun harei ndih tapui CTHCM, tỉnh Tuyên Quang barau peih pakak rúp patau “Wa Hồ saong bhap bini dom bangsa dalam tỉnh”. Rup patau hu 2 phần: gah anak lac nhóm rup patau 7 nhân vật, dalam nan rup patau Wa Hồ daok kreh. Phần 2 lac 6 nhân vật lambaok ka bhap bini dom bangsa tỉnh Tuyên Quang daok tapen Wa. Gah likuk rup patau lac phù điêu hu 3 kadha: biểu tượng phun đa Tân Trào; dom rup binguk hoạt động, sinh hoạt ilamu di bhap bini dom bangsa Tuyên Quang. 

7# Tui Hiệp định pablei salih tự do Việt Nam - Hàn Quốc, yaom kak je pandap linh kiện ô tô meng Hàn Quốc tapa Việt Nam meda trun daok 0 - 5%. Nan ye, bhapbini dalam taneh ia meda jia lac yaom radaih ô tô blei di Hàn Quốc meda trun. Thun 2014, ô tô blei meng Hàn Quốc lac 6.050 sruh. Radaih blei di Hàn Quốc hu takre kayua hu thiết kế barau, trẻ trung, hu rilo tính năng bahrau min  yaom meriak gauk saong radaih Nhật, Mỹ.  

Patui di ini dom khau tin dunya:

8/ Hãng ngak ô tô praong ka 3 di Nhật Bản Honda hu tabiak thông báo pataom mek veik 4 triệu 890 ribau radaih piah pasiam veik kayua huac kadung khí patuh, lac sa bruk ngak brei catang jang bruk khủng hoảng di dunya ka kadung khí ô tô kayua hãng Takata ngak hadei di tuk hu dom urang metai. Bruk pataom mek veik radaih di Honda nyu pambak tal labaih 20 mẫu radaih hu ngak tabiak meng thun 2002 – 2008, dalam nan hu 1 triệu 720 ribau radaih hu pablei di NB, min oh hu radaih halei hu pablei di darak pasar Mỹ. 

9# Vitamin B3, sa janih jru bổ bhian randap saong hu yaom lap meda daong ngak patrun biak rilo bruk mbuan njauk dom dom ruak ung thư kalik oh hắc tố. Ini lac panuac  di dom urang alamu Australia dalam sa roh duah hu khan brei thau di harei 13/5, dahlau di nyaom biai yaok thun di Hiệp hội ung thư lâm sàng Mỹ di ban Chicago (Si-ca-gô) di puac bilan ini.

10/ Pasak thông tin Liên hợp quốc brei thau, Liên hợp quốc hu palih ruah bruk likei kamei samu gauk saong khik caga quyền di uarnaih dalam dom baoh sang ngak kadha praong ka bruk pahadar harei baoh sang dunya (15/5) thun ini. Harei baoh sang dunya hu peih pahadar praong prang di dom taneh ia meng rilo jalan ngak, daong ka menuac sia hu klah rabha thông tin, bac megru ilamu piah dak padang saong patagok siam mekre di baoh sang./.