1# Hadei di 2 thun ngak tui harak 1133  di Thủ tướng rajaei ka bruk “paglaong bruk pato pakai hukum gah yak bak, tố cáo di xã, phường, thị trấn tukvak 2013-2016”, Bộ đội Biên phòng tỉnh Quảng Bình hu pambuak bruk saong dom puk palei pathau khan ka jaik 43 rabau mbang urang ka Biên giới negar saong peih bruk khik caga biên giới negar; tasik pulao Việt Nam saong dom bruk khik caga chủ quyền tasik pulao Việt Nam; Bruk cắm mốc di dom canah biên giới Việt Nam…Abih di nyu nan lac, Bộ đội Biên phòng tỉnh Quảng Bình daok jak ba urang ngak ikan sahanang hatai nao tasik, gam taong cap kaya ikan dalam ia gam khik caga chu quyen tasik, pulao di negar.

2/ Barau ini, di huyện Mèo Vạc, tỉnh Hà Giang, Prudential Việt Nam peih bruk padang ngak 3 tal bac ka sang bac mầm non xã Cán Chu Phìn, huyện Mèo Vạc saong yaom jien abih tih 1,4 tỷ đồng. Dự án padang ngak 3 tal bac ka sang bac mầm non xã Cán Chu Phìn, huyện Mèo Vạc, daok dalam danak dak Ba gauk padang harei hadei tukvak 2014 – 2015 kayua Prudential Việt Nam pambuak bruk saong kapul Plan VN saong Saigon Children’s Charity peih tabiak saong yaom jien abih tih tago tal 24,6 tỷ đồng piah padang ngak 18 sang bac mầm non saong tiểu học di grap dom tỉnh, ban dalam taneh ia.

3# Thun bac 2014 - 2015, dalam  tỉnh Bình Thuận hu labaih 2.000 anek saih klak bac metah jalan, trun 0,25% duk saong thun bac 2013 - 2014. Bruk anek saih klak bac di Bình Thuận pataom tame rilo di pakat  Trung học cơ sở saong Trung học phổ thông, abih di nyu nan lac di bhum palei pala, bhum ceik saong bhum bhapbini bangsa takik. Piah samal patrun patakik anek saih klak bac, thun bac 2015 - 2016, Ủy ban bhapbini tỉnh Bình Thuận hu công văn tacei pato, pandar dom sở, ngành, puk palei njauk peih ngak dom bruk patrun patakik anek saih klak bac ye: padang kadung jien daong anek saih kathaot mbuan si klak bac; pambuak bruk khang kajap di sang bac saong amaik ame, abih di nyu nan lac sangka saong daong samal ka dom adei anek saih yếu kém.

4/ Meng akaok thun 2015 tal urak ini, HN hu 1.000 urang ruak pandiak tabiak drah. Tui dom chuyên gia y tế, tal urak ini oh ka hu vacxin pacang cakak ruak pandiak tabiak drah saong oh ka hu jru iek ruak đặc hiệu. Jalan pacang cakak siam di abih nan lac pametai jamuak, pametai bọ gậy saong pacang cakak jamuak kaik pambak ruak. Bhap bini tuk mboh pandiak glaong meng 2 harei tagok brei nao chip dom labik y tế piah hu iek ruak.

5# Kuhria tal tukvak ini, tỉnh Đồng Nai mboh hu jaik 2.300 urang ruak pandiak tabiak darah  (tagok 116% duk saong dom bilan ini thun 2014), hu 2 urang metai. Ruak panidak tabiak darah patagok kayua dom adit tapa hajan ngak ka độ ẩm tagok glaong, ia hajan kandong ngak jeng labik lagaih ka loăng quăng caik rilo. Gah y tế Đồng Nai daok pataom tame pruh jru caga jit, min di rilo labik sang trọ, harei công nhân nao ngak nan ye oh peih bruk pruh hóa chất hu. 

6/ Piah peih ngak hu kein lagaih đề án pato bruk ngak ka urang ngak palei pala tal thun 2020, huyện bhum atah bayah An Minh, tỉnh Kiên Giang hu padang mban tacei pato piah peih ngak đề án, tacei tabiak dom ngành, nghề pato njauk saong bruk anak meta di yaok xã. Dalam nan, dom bruk ngak yau ilamu luân canh raong hadang, ngak padai, pala njam hacih, pasiam mac patuh, radaih mac hu ralo urang palih ruah. Labaih 4 thun peih ngak đề án, dalam huyện An Minh peih hu 167 tal pato bruk ngak takik harei, pato ka jaik 5.200 urang ngak.

7# Tỉnh An Giang urak ini hu jaik 10.000 urang buh pren yava ka taneh ia saong gauk gar hu mbang tui trợ cấp yaok bilan meng kadung jien  karja saong paok jien labaih 140 tỉ đồng/sa thun. Taphia nan, dom pakat, dom nganh tuk halei jeng sangka, pasang iek, tangi ravang dom sang sarak karja dalam dom harei padheih le, tet. Barau ini, tinh hu buh tabiak labaih 53 tỉ đồng piah daong, tangi ravang, alin pandap ka urang buh pren yava ka taneh ia saong gauk gar di urang nan, ba 1.179 urang nao padeih padei saong yaom jien labaih 3,8 tỉ đồng; brei labaih 18.000 thẻ bảo hiểm y tế  saong yaom jien labaih 10 tỉ đồng.

Patui di ini dom khau tin dunya:

8/ Mban Thư ký ASEAN brei thau pasak Điều phối ASEAN ka bruk daong pahala (pasak AHA) hu brei sa kapul chuyên gia nao tal ban ine  Nay Pyi Taw piah daong bruk cứu trợ chip tại Myanmar. Pandap cứu trợ chip di ASEAN hu jao ka rajaei Myanmar meng harei 9/8 piah rabha ka bhap bini dom labik gaok kan kandah kayua ia sua.

9# Piah yaih khan ka tuai damuia di dunya thau ka tiềm năng gah y tế saong patagok jien mek tame ka gah du lịch, rajaei Pháp daok pacheih raok dom urang ruak di taneh ia langiu mai iek ruak di dom sang iek ruak di taneh ia ini. Bruk pachreih tuai damuai taneh ia langiu mai iek ruak di dom sang iek ruak taneh ia ini lac bruk njauk ngak kayua “ darak pasal” pasang iek pren yava di dunya hu tiem nang patagok khang, pambak siam tal gah kinh te, ba bruk ngak saong patagok roh duah di Pháp

10/ Tổng thống Ai Cập En Si-si  barau tabiak sắc lệnh padang UB bầu cử tối cao kuhria caga ka bruk bầu cử QH tui kuhria hu rah tabiak di puac thun ini. UB hu 15 urang, kayua chánh án tòa án phúc thẩm Cairo, thẩm phán Áp-bát  dang akaok. Dom urang daok veik jeng lac dom thẩm phán hu palih ruah meng dom tòa án saong jabat tư pháp di Ai Cập. Bruk di UB bầu cử nan lac caga dom bruk tui hukum urak ini ka bruk pilih ruah urang ka QH njauk padeih veik meng labaih sa thun tapa.