1 # Page harei 16/12, pak Hà Nội, Văn phòng Thường trực Ban tacei pato Trung ương ka pacang caga bala meng langik tasik patui veik bruk ginum biai ba tabiak dom jalan ngak piah pacang caga ribuk ka 5. Tal page harei 16/12, gah  biên phòng jalan tasik pambuak haong dom puk palei, baoh sang po gilai, khan brei thau, yaok iek,  tacei pato 71 ribau 481 ghe gilai gam haong 386 ribau urang thau ka jalan nao di ribuk piah  plaih njaik. 

2/ Kapul  CTĐ ban raya HCM hu peih bruk alin hadaih limo pajaih ka dom baoh sang gaok kan kandah thun 2015. Tui nan, 33 drei limo pajaih lai sind hu alin ka 33 baoh sang kan kathaot dom huyện langiu ban nan lac Bình Chánh, Củ Chi saong Hóc Môn, abih tih yaom 990 triệu đồng. labaih 3 thun tapa (2013 – 2015), peih ngak danak dak ‘gilang limo”, dom pakat kapul CTĐ ban raya hu peih bruk alin hadiah 257 drei limo binai pajaih  saong yaom jien jak ba abih tih labaih 4,4 tỷ đồng ka dom baoh sang bhap bini bhum palei pala. 

3 # 5 thun tapa, tỉnh Trà Vinh buh jien tame ngak hạ tầng labaih 153 tỉ đồng meng danak dak 135, dalam tỉnh padang ngak hu 335 công trình, ngak brei salih bahrau mbaok meta palei pala atah bayah, palagaih ka bruk ngak mbang patagok kinh tế - xã hội dom xã biak kan kandah. Taphia di nan, dự án daong ka bruk pala drak jaik 31 tỉ đồng, hu daong ka 4.721 baoh sang peih ngak 156 mô hình pala njam, phun mbang baoh, van ro raong glang, raong pala kaya ikan dalam aia, khak drak, jru khik caga phun paka, pandap panda pala drak …. 

4/ UB bhap bini tỉnh Đắc Lắc peih bruk brei thau tapuk địa chí Đắc lắc. Địa chí Đắc Lắc lac bộ tapuk  pataom veik jaik ginup abih dom đặc điểm tự nhiên, bangsa, dân cư, hành chính, chính trị, sajarah dak rai, kinh tế, ilamu, XH di tỉnh saong jeng lac sa công trình khoa học praong abih di tỉnh meng dahlau tal ini. Địa chí Đắc lắc lac bộ bách khoa toàn thư ka tỉnh Đắc Lắc.

5 # Pak palei Đăk Mế, xã Bờ Y, huyện Ngọc Hồi, tỉnh Kon Tum, Sở Ilamo, Thể thao saong Du lịch tỉnh Kon Tum peih bruk tamat tal pato ilamo oh mboh di meta di bangsa Brâu ka dam dara uranaih palei Đăk Mế. 50 anek saih nan lac dam dara urang bangsa  Brâu palei Đăk Mế hu dom  nghệ nhân dalam palei hu ralo ilamu pato veik jalan ma-in alat ragam meng kan yau Chiêng Tha, Đinh Pút; daoh dom kadha daoh bhap bani, tamia meng kan di bangsa drei.

6/ Tapa đề án “khik ramik, patagok lễ hội, bingu la, cồng chiêng saong alat ragam dom bangsa pak di labik”, tỉnh Đắc Nông hu pachreih urang peih dom tal pato daoh tamia bhap bini ka dom dam dara di puk palei. Tal urak ini, dalam tỉnh peih hu 14 tal, pachreih hu labaih 300 dam dara hu mbaok tame.

7# Meng harei 18 tal harei 20/12, pak pasak Urang kamei saong patagok Hà Nội, meda rah tabiak Harei pataom tapuk Giáng sinh 2015. Harei pataom tapuk hu mbaok Nhà xuất bản Kim Đồng, Nhà xuất bản Trẻ, Nhà xuất bản Phụ nữ … Mai tame labik nan, khaol drei hu mboh yaok ribau baoh tapuk sa yaom yau gauk gam haong ralo pandap alin Giáng sinh. Abih di nyu, hu biak ralo janih tapuk hu trun yaom meng 15%, 30% saong 50% dut haong yaom bìa. Ini jeng lac tukvak piah ka dom labik xuất bản meyaih khan baoh tapuk bahrau tabiak, dalam nan hu ralo baoh tapuk uan raok  Giáng sinh brei ka uranaih.

Patui di ini dom khau tin dunya:

8/ 9 urang metai saong yaok rituh urang karei njauk ndik tagok tabung sang nyaik ia sua di bhum kreih negar Philippin hadei di tuk ribuk nhiệt đới Mê-lô  hu hajan praong saong ngin khang, ngak dauk ralo labik di taneh ia ini. Jaik 80% dom tỉnh ban di Philippin gaok kan kandah trak. Yaok ribau baoh sang padang ngak thô sơ njauk jaleih abih hadei di mbang ia sua. Jiak 800 ribau urang njauk panduan nao di dom pasak. Ralo baoh sang lahik điện saong oh hu ia. Tui kuhria, abih meng 3 tal 4 bilan meng hu điện veik ka dom puk palei njauk ia sua nan.

 9 # Tui jabat thống kê Ca-na-đa, abih tih yaom jien pablei pandap nao  mai di Ca-na-đa saong Việt Nam dalam 9 bilan akaok thun 2015 hu jaik 3 tỷ USD, tagok khang dut haong tukvak ini thun dahlau. Việt Nam daok pablei khang tapa Ca-na-đa

10/ Di Phnôm Pênh, rah tabiak nyaom darak xuất, nhập khẩu saong yaok tỉnh sa pandap Cam-pu-chia thun 2015, ngan saong 200 gian hàng di dom doanh nghiệp Cam-pu-chia saong taneh ia langiu, dalam nan hu VN./.