1/ Rilo urang taha CM, urang jakar padeih bruk song urang Đảng, bhap bini tỉnh Gia Lai biak caik hatai tui pang mbang nyaom ka 14, Ban Chấp hành Trung ương Đảng khóa 11.Abih di nyu nan lac tapa kadha ndom puac di var tamat nyaom biai di Tổng Bí thư Nguyễn Phú Trọng,, ong Nay Nô di tổ 6, phường Ia Kring, ban sit Pleiku lac: Dom asal kadha bo  Tổng bí thư hu ndom bloh biak khang kajap song hu dom jalan ngak hu ilamu. Hu mboh bruk kuhria caga di Tổng bí thư song tuk vak peih ngak mbang nyaom TƯ song ginum biai caga menuac ka nyom roya, hulin mboh biak khang kajap.

2/ Tapa tui pang nyaom meyai TƯ mbang ka 14 dalam dom harei tapa, abih di nyu nan lac kadha ndom puac tamat mbang nyom di tổng Bí thư Nguyễn Phú Trọng, Nhà giáo Ưu tú - Thạc sĩ Bùi Tấn Hưng, dahlau daih ngak Hiệu trưởng sang bac Chính trị tỉnh Bình Thuận, urak ini diuk rai di ban sit Phan Thiết, tỉnh Bình Thuận brei thau: Mbang ini, njauk ndom lac Đảng hu kuhria biak cambaih ka gah nhân sự, biak tani tanat, biak thận trọng saong biak dân chủ, bak trách nhiệm. Yau nan, tapa kết quả nyaom meyai TƯ 14, kol drei mboh đảm bảo hu bhap bini saong urang jakar urang đảng dalam taneh ia hu jia tame jang rai rah hadei piah pan bruk taneh ia kol drei yam tapa kan kandah dalam thun 2016 jeng yau tukvak patui. Dahlak jia lac nyaom rayo mbang 12 di Đảng hu jak jeng siam mekre.          

3/ Urang jakar, urang đảng song bhap bini tỉnh Tiền Giang tong yaom glong  mbang myaom  14 Ban Chấp hành Trung ương Đảng mbang 11 bahrau tamat bloh. Ni lac sa mbang nyaom biak prong  brei mboh dom bruk ngak prong di taneh ia, abih di nyu nan lac menuac urang pabak ka nyaom roya pakat negar mbang 12 di đảng. Ong Nguyễn Xuân Bách, urang jakar padeih bruk dok di phường 1, ban sit Mỹ Tho, tỉnh Tiền Giang klah rabha:  Mbang nyaom TƯ 14 ye hulin sahaneng yau ni, ni lacmbang nyaom bo peih ngak njauk danak dak abih khóa. Ka dua asar kadha hu ba tabiak rilo bruk ka taneh ia hu dom kein lagaih jang yau kan kandah tavak tavaiy. Hulin tui iek bruk nhân sự ngak biak gheih, tantu, ilamu

4/ Meng ini tal tết nguyên đán anek sak kara 2016, gah y tế tỉnh Khánh Hòa pataom tame pacang cakak ruak pandiak tabiak drah. Tui phaok giám đốc sở y tế Khánh Hòa Lê Tấn Phùng brei thau, đơn vị hu padang 4 kapul pasang iek bruk pacang cakak ruak pandiak tabiak drah dalam bilan 1/2016 di dom tỉnh: Nha Trang, Ninh Hòa, dua huyện Diên Khánh saong Vạn Ninh. Thun 2015, tỉnh Khánh Hòa hu labaih 9.000 urang ruak pandiak tabiak drah; dalam nan hu 3 urang metai.   

            5/ Tal tuk vak ni, di Đồng Nai phun ca cao hu tame bilan paik. Tui nan, yaom asar ca cao thu urak ni dok 65 ribau đồng sa kg, trun 10 ribau đồng dut song thun dahlau. Min Công ty TNHH ca cao Trọng Đức, sa labik dok peih ngak mô hình mblang hamu prong song phun ca cao di tỉnh dok khik njauk tui panuac sinya ngan song yaom blei lac 6 ribau đồng sa kg boh that yau hu mboh tangin pambuak bruk song urang nong dahlau di nan.

6/ Tuk tết nguyên đán anek sak kara, UB bhap bini tỉnh Kiên Giang hu daong labaih 54 ribau paok pandap tết ka taong abih dom baoh sang kan kathaot, baoh sang jaik si kan kathaot dalam tỉnh ngan saong yaom jien abih tih  labaih 27 tỷ đồng. Dalam nan, tỉnh daong meteh yaom jien, dom puk palei kuhria jak ba yaom jien daok veik. Yaom daong ka dom baoh sang kan kathaot, baoh sang jaik si kan kathaot saong dom urang hu mbang jien daong XH gaok biak kan kandah lac 500 ribau đồng sa paok. Tukvak peih brei pandap ka dom urang hu dom puk palei peih ngak meng harei 21/1 tal harei 6/2.

          7/ “Sambo màu Hà Nội” lac angan parang iek bahrau peih ngak di pasak taom gaok ndom nyai ilamu phố cổ Hà Nội (labik 50 jalan Đào Duy Từ). Parang iek kayua mban khik ramik Phố cổ Hà Nội pambuak bruk song pasak Mỹ thuật Hà Nội peih ngak, parang iek 60 thaot binguk di 17 họa sĩ yaih khan thaot nbinguk siam mekre di taneh ia, anek menuac VN song di ban ine HN yaok ribau thun văn hiến. Dom tác phẩm brei mboh bruk siam gheih meng asar kadha, đa dạng về chất liệu sáng tác. Parang iek hu dui atah tal abih harei 25/1

Patui di ini dom khau tin dunya:

8/ Tổng thư ký Liên hợp quốc Ban Ki-mun harei 14/1 hu panuac lên án khang bruk tấn công khủng bố di ban ine Jakarta, Indonesia saong ieu trừng trị dom urang dang gah likuk bruk ini. Urang dang akaok LHQ jeng brei thau bruk jum pataom saong rajaei, bhap bini Inđonesia saong payua panuac klah rabha tal baoh sang dom urang njauk bala.

9/ Liên minh châu Âu (EU) harei 14/1 brei dui atah tuk vak peih ngak thỏa thuận hạt nhân Iran, pagap yau brei padeih bruk tak klah dom bruk trừng phạt KT   Iran tal harei 28/1 anak tal. Tui Liên minh châu Âu, jalan ngak ni daok dalam dom jalan njauk ngak dahlau di tuk peih ngak thỏa thuận ka danak dak hạt nhân Iran.