1# Di labik inem mek sajarah Đền Hùng, tỉnh Phú Thọ barau rah tabiak harei rước kiệu di 6 xã, phường bhum taphia  Đền Hùng piah thau dhar phun amuk kei. Ini lac sa dalam dom adat mengkan hu khik saong pasiam meng yaok rabau thun ini ngan saong makna  taom gaok ilimo, pambuak pagam bhapbini; taphian nan lac bruk piah pok je yaom adat cambat tanarakun thờ cúng Hùng Vương- inem krung ilimo phi vật thể di menuac sia.

2/ Dự án “paglaong chất lượng iek glang saong pato pakai ka uranaih bangsa takik saong kan kandah di huyện Tam Đường, tỉnh Lai Châu” barau hu peih ngak di 3 xã Tà Lèng, Nùng Nàng saong Khun Há (huyện Tam Đường),piah daong uranaih bangsa takik di dom labik kan kandah di tỉnh Lai Châu hu bac mầm non saong tiểu học hu chất lượng saong lagaih. Ngan saong yaom jien jaik 13 tỉ đồng. Dự án hu salih barau saong pandar jalan pato tiến bộ, patagok bruk hu mbaok di amaik ame dalam tukvak raong pato uranaih saong pabak ginup thông tin tal dom gah hoạch định sarak ka dom bruk ngak siam.

3# Huyện Sa Thầy, tỉnh  Kon Tum urak ini hu labaih 114 ha padai thu lagu, labaih 33 ha padai lahik abih; 1.149 bingun ia ngak mbang ngak huak di mikva kurang ia, dalam nan 279 bingun thu abih ia ... piah caga bruk tua riya, langyah ia pandar ka mikva bangsa takik, uy mban bhapbini huyện Sa Thầy hu kaoh 1,5 tỉ đồng meng kadung jien karja huyện padang sa danao  ia di xã Ya Xier; 1 bingun khoan di xã Sa Bình; kuac veik 2 bingun ia di  xã Hơ Moong saong xã Sa Sơn... jak ba dom doanh nghiệp dalam tỉnh pajeng ba ia hacih brei saoh ka  bhapbini .

4/ Bilan an toàn pandap mbang thun 2016 di ban sit Tây Ninh hu rah tabiak meng harei 15/4 tal harei 15/5 ngan saong kadha patui patagok sản xuất, pablei salih, pandar njam, ralo an toàn. Tui nan, ban sit brei patagok bruk truyền thông vệ sinh an toàn pandap mbang di dom jalan thông tin đại chúng, piah paglaong akaok saneng, trách nhiệm di dom kapul nyaom, menuac urang, cơ sở ngak tabiak, pablei salih njam, ralo saong karja di kapul, urang pandar dalam bruk khik caga  vệ sinh an toàn pandap mbang; abih di nyu nan lac ndom oh saong janih oh brei pandar dalam raong glang, ngak siam dom quy trình ka bruk pandar jru khik caga phun pala, jru thú y, hóa chất, phụ gia pandap mbang.

5# Tukvak tapa, urang nong huyện Bù Đốp, tỉnh Bình Phước daok kham merat ba rilo janih phun pala tame pala drak, ba jien tame oh lac sit. Dalam nan, phun  tha-rum Đài Loan diuk siam saong tua bo yaom tani tanat. Sang ông Phan Thế Hải di tổ 3, ban sit Thanh Bình blei pajaih tha-rum Đài Loan mai pala labaih 2 sào taneh saong ngak jalan pruh ia tự động piah trun takik pren pasang iek, jien abih tih jaik 20 triệu đồng. Tha-rum pablei hu yaom, kuhria yaok thun, sang ong Hải laba hu jaik 100 triệu đồng  .

6/ Bruk pandar jru tạo nạc dalam raong pabui saong barau ini lac bruk klauk an thần gam njuk ia dahlau tuk sik ngak ralo nan lac jalan ngak piah ka ralo lamin, pasah, hu sambo meriah yau ralo limo, iek biak mekre. Min, meyah urang blei pandar mbang njauk janih ralo pabui ini nan lac mbang njauk chất độc hại, kayua jru tạo nạc atau dư lượng jru an thần meda njom tame rup pabhap, ngak rối loạn tiêu hóa, atau meda njauk dom janih ruak thận, atau thần kinh.

            Khaw tin dunya

7# Nyaom biai akaok mintri Ngoại giao G-7 di ban Hi-rô-si-ma di Nhật Bản barau blaoh hu tabiak Tuyên bố Hi-rô-si-ma, ieu apdang sa dunya oh hu vũ khí hạt nhân; taphia nan, brei mboh yaom glaong di bruk ngak tui adat hukum dunya, khik caga bruk tự do nao mai jalan tasik di Biển Đông saong tasik Hoa Đông.

8/ Parang iek QP saong an ninh praong abih labik Châu Mỹ La tinh daok rah tabiak di pasak nyaom meyai Ri-ô Xen-trô, di ban Ri-ô đờ Gia-nê-rô, Braxin, hu mbaok di yaok pluh urang ngak praong di dom tapon nyaom bol pan phao kraong meng dom taneh ia di dunya. Parang iek thun ini pataom hu labaih 100 thương hiệu QP, an ninh di dunya, parang iek ralo phao ndao, phương tiện, trang thiết bị an ninh, radaih bọc thép, kapal haok mesruh brei ka cảnh sát, bol bala saong dom tổ chức quân sự karei.

9 # Urang brei panuac di mintri Ngoại giao Mỹ brei thau, Mỹ hu thau bruk Triều Tiên daok caga papar tên lửa tầm trung saong Mỹ urak ini daok pasang iek catang bruk bán đảo Triều Tiên. Dalam sa tuyên bố, lambaok mintri  ngoại giao Mỹ sa mbang tra ieu Triều Tiên jhui ngak brei catang jang bruk dalam khu vực, taphia nan pataom tame dom jalan nao piah ngak ginup dom sanya saong nghĩa vụ  dunya di drei./.