1 # Thủ tướng raja-ei bahrau quyết định pabak 100 tỷ đồng meng kadung jien piah caga Trung ương thun 2015 ka Mentri Ngak nong saong patagok palei pala peih bruk pasiam veik ar pacang thun 2015. Mentri ngak nong saong patagok palei pala parabha phun jien ka dom bruk praong, njauk ngak chip hu ngak salah blaoh harak thủ tục buh jien tame ngak tui quy định saong ngak salah blaoh dahlau di bilan hajan ribuk thun 2015. 

2/ Thủ tướng Rajaei bahrau jao ka mintri ngak nong song patagok palei pala buh brei (oh mek jien) 70 tấn jru Chlorine 65% meng gilang khik piah di negar brei ka 2 tỉnh Bến Tre, Thừa Thiên - Huế piah pacang caga jit ruak kaya ikan. Thủ tướng tacei lac bruk buh brei, khik piah song pandar jru nan peih ngak tui adat hukum urak ni.

3 # Harei nyaom “Dam dara naih gheih ngak tui panuac Wa”  cụm miền Đông Nam Bộ mbang ka XII thun 2015 bahrau rah tabiak pak tỉnh Bình Phước. Mai pataom hu 220 urang lambaok ka dom urang jaka, đoàn viên naih gheih mai meng dom tỉnh, bal dalam bhum Đông Nam Bộ. Tukvak ini, hu 95 urang lambaok dam dara naih gheih ngak tui panuac Wa taduan mek hu harak pok meyaom di Trung ương ương Đoàn. 

4/ Đảng ủy khối Dân – Chính – Đảng ban raya HCM bahrau peih bruk pahadar 125 thun harei menek Chủ tịch Hồ Chí Minh (19-5-1890 – 19-5-2015), pataom iek veik bruk jao giải mbang pakacah “Wa Hồ dalam boh hatai hulin”. Tapa nan, Đảng ủy khối hu jao 20 giải ka dom urang naih gheih. Lingiu di nan, Đảng ủy khối hu pok meyaom 5 kapul nyaom naih gheih dalam bruk bac megru song ngak tui jalan hadah krah siam mekre di HCM.

5 # Pak Bưu điện ilamo xã Tân Thông Hội, huyện Củ Chi, bal raya Hồ Chí Minh hu peih pakak Gilang tapuk bưu điện akaok meti dalam negar hu labaih 800 akaok tapuk,  báo dom janih. Langiu di harak, báo, Thư viện bưu điện daok hu “ki ốt brei thau ka palei pala bahrau” , hu hệ thống máy vi tính pagam Internet, wifi miễn phí gam haong màn hình ti vi pagam jalan truyền cáp quang pabak dịch vụ MyTV. Bruk ngak ini piah pabak hatai caong khin bac tapuk, báo, truy cập Internet di bhap bani bhum palei pala, bhum atah bayah.

6/ Mintri pato megru bahrau brei thau angan 7 anek saih tal bac 12 thun bac 2014 – 2015 hu dự án tame Nyaom pakacah ilamu kỹ thuật dunya Intel ISEF 2015 di Pittsburgh (Hoa Kỳ) meng bloh. Mintri hu panuac ieu dom sở pato megru di dom sang bac miễn thi dom môn thi mbang pakacah trung học phổ thông pakat negar song xét công nhận tốt nghiệp trung học phổ thông, palih ruah tapak tame đại học, cao đẳng thun 2015 ka dom anek saih nan.

7 # Hajan prong gam haong ribuk bahrau rah tabiak pak dom xã Tân Hà, Đức Hạnh saong bal sit Võ Xu, huyện Đức Linh, tỉnh Bình Thuận ngak khat lahik biak ralo ka sang danaok, công trình saong bruk ngak nong. Hu 39 baoh sang di bhap bani jaleih saong tapeih tabung; dom công trình dalam nan hu  kho, sang xưởng di xã Đức Hạnh saong mái hiên Sang bac mẫu giáo bal sit Võ Xu jeng njauk tapeih tabung; jaik 12 ha phun pala dom janih njauk khat lahik labaih 70%. Kuhria rah tapa khat lahik labaih 1,1 tỷ đồng.

8/ Dom urang ngak praong pakat glong di Mỹ song Cuba daok patui bruk ginum biai dalam adit tal, piah peih tabiak jalan bo dua gah daok caong khin nan lac peih veik Đại sứ quán di yaok negar. Dom mbang ginum biai nan, tui kuhria hu peih tabiak di Washington, rah tabiak hadei di tuk Tổng thống Mỹ Barack Obama hu panuac ba Cuba tabiak truh angan dom negar daong kol khủng bố di Mỹ.

9 # Kapul Tham mưu trưởng liên quân Hàn Quốc brei thau, bol lin Cộng hòa bhap bani Dân chủ Nhân dân Triều Tiên hu pandar đạn pháo dalam mbang pathram cuh đạn biak pak labik ranh giới angaok tasik di dua negar pak Hoàng Hải.  Jaik 130 baoh mbom siu hu cuh tabiak meng labik jaik dom pulao gah Barak di Hàn Quốc nan lac Biêng-niêng saong Yên-piêng. 

10/ Tui bảng xếp hạng bahrau brei thau di kapul  pambuak bruk song patagok KT (OECD), anek saih Châu Á dok dang akoak dunya ka gah toán song koha học, dalam tuk anek saih Châu Phi dang gah la di abih. Tui nan, 5 labik camereip jeng laik tame châu á, dalam nan hu Xinh-ga-po, Hồng Công (Trung Quốc), Hàn Quốc, Nhật Bản, Đài Loan (Trung Quốc). Châu Âu dang dhi 4 Mỹ dang dhi 28. Dalam tuk nan, 2 negar dang gah la di abih lac Nam Phi song Ghana./.