1 # Pahadar 70 thun Cách mạng bilan 8 saong Harei negar 2/9, pak Phủ Chủ tịch, Akaok negar Trương Tấn Sang hu taom gaok dom urang dahlau diah ngak bol lin Sư đoàn 308, Quân đoàn 1 saong Sư đoàn 3 (Sao vàng), Quân khu 1. Ini lac dua sư đoàn hu Đảng, Karja pok brei angan Anh hùng bol pal phao karaong bhap bani. Sư đoàn 308 jeng lac jabat hu Wa Ho brei bruk taduan mek Bal ine ngan haong panuac ndom "Dom pô Hùng hu pren padang taneh aia, Wa kamuan drei njauk khik iek palei negar".

2/Ala bruk tacei ba di Phó thủ tướng Hoàng Trung Hải, Mban tacei jalan padang ngak sang Quốc hội hu ginum biai dom bruk ngak dok veik piah pok jao sang Quốc hội dalam bilan 9/2015. Kayua yaom glaong di danak dak, hadei di tuk ba tame pandar pabak ka nyaom biai QH mbang 8 di puac thun 2014, Mban tacei jalan daok hu panuac ieu mban khik ramik, nhà thầu brei pabak pasiam dom hạng mục, trang thiết bị nội ngoại thất, bruk quyết toán, kiểm toán pabak ka bruk pasiam danak dak praong di taneh ia.

3 # Bí thư Trung ương Đoàn dam dara cộng sản Hồ Chí Minh Đặng Quốc Toàn saong kapul urang ngak bruk bahrau hu mbang nao rivang saong alin brei pandap ka dom anek saih pak sang bac Tiểu học xã tapen negar Pa Tần, huyện Sìn Hồ, tỉnh Lai Châu. Pak ini, kapul urang ngak bruk hu pok brei 20 paok jien bac ka dom anek saih hu rai diuk kan kandah, yaok pok yaom 500 ribau đồng, 100 thùng sữa yaom  21 triệu đồng.

 4/ Pahadar 70 thun CM bilan 8 song harei meng kan gah ilamu, mban khik ramik palei ilamu du lịch dom bangsa VN peih rilo bruk yaih khan song tuai damuai bruk anit ranam taneh ia, bruk CM, peih paha bangsa yasa taneh ia di mik va bangsa Cơ Tu huyện Tây Giang tỉnh Quảng Nam. Tapa danak dak, mban peih bruk cong khin padang ngak dom bruk bhian randap, pabak ka hatai cong dak harei dak glong di tuai damuai di palei ilamu du lịch dom bangsa VN.

5# Peih ngak sarak bangsa, meng thun 2009-2014, tỉnh Kon Tum hu buh tabiak labaih 2.000 tỷ đồng piah padang ngak 1.450 công trình hạ tầng duh ka bruk ngak mbang pala drak saong rai diuk bhap bani urang bangsa takik; daong pajaih phun pala, anek athur raong, jamriak mac maoc pala drak ka jaik 2 triệu mbang baoh sang saong daong padang ngak sang daok, taneh daok, taneh pala drak ka jaik 17.500 mbang baoh sang kathaot. Tal ini, Tỉnh hu jaik 19.000 baoh sang urang bangsa takik tapa truh kathaot.

6/ Bahrau ni, di Khu đô thị Phú Mỹ Hưng, labaih 5000 dam dara halan hatain di ban raya HCM hu nao takai piah jak ba brei kadung jien “ Daong pren  nao bac” thun 2015. Danak dak nao takai song bruk hu mbaok di 5000 urang hu makna lac 5000 baoh siphau hu dong brei ka anek saih di dom huyện atah di ban raya. Tapa bruk ngak ni, mban peih bruk cong khin hu rilo urang ngak pahla dong ka dom anek saih kan kathaot.

7 # Tỉnh đoàn Bình Thuận bahrau peih bruk ngak halar hatian “3 gam” pak xã bhum ceik Hàm Cần, huyện Hàm Thuận Nam. Tui nan, hu 20 đoàn viên dam dara hu parabha labik mbang, labik ndih pak 16 baoh sang urang bangsa takik piah peih ngak dom bruk ngak kein laba bo puk palei daok caong khin. Tapa nan, meda kak catang talei gul pataom, pambuak pagam di đoàn viên dam dara ngan haong bhap bani urang bangsa takik saong daong ka dom ayut ranaih thau cambaih yaom rai diuk, thau klaah rabha ngan haong dom urang jaik taphia.  

8/ Hạt Kiểm lâm huyện Vĩnh Cửu, tỉnh Đồng Nai pambuak bruk song Khu Bảo tồn thiên nhiên - ilamu Đồng Nai bahrau palao 24 anek athur glai tame glai di Tiểu khu 134 dalam Khu Bảo tồn thiên nhiên - ilamu Đồng Nai (xã Mã Đà, huyện Vĩnh Cửu). Dom anek athur ni hu kapul Kiểm lâm cơ động, Phòng Cảnh sát kinh tế Công an Đồng Nai pambuak bruk song Hạt Kiểm lâm Vĩnh Cửu chap mek hu di quán 3A, khu phố 2, ban sit Vĩnh An, huyện Vĩnh Cửu./.