1 # Kapul Liên hiệp dom kapul nyaom hữu nghị bal Hà Nội bahrau peih họp báo brei thau ka bruk parang iek thaot binguk 2015 “ASEAN - 48 thun sron mbon saong patagok saong 20 thu Việt Nam tame ASEAN”. Ngan haong kadha “ASEAN sron mbon, patagok saong 20 thun  Việt Nam tame ASEAN”, parang iek pataom tame dom thaot binguk brei mboh dom jak jeng praong di yaok negar tuk hu mbaok tame ASEAN tal harei ini. Ini jeng lac tuk meyaih khan dom siam mekre gah ilamo, anek manuac, labik mekre… di dom negar dalam ASEAN tal bhap bani bal ine saong ayut shabat daok bac megru saong ngak bruk pak Việt Nam.

2/ Pahadar 70 thun cách mạng bilan 8 saong harei negar  2/9, mesup harei 1/9, thường trực tỉnh ủy, hội đồng bhap bini, UB bhap bini, UBMT negar VN saong kapul urang QH tỉnh Kon Tum hu nao sirah kabo liệt sĩ saong sang bia pahadar liệt sĩ Sư đoàn 10. Bruk sirah, pok gilau bingu hadar dom anh hùng liệt sĩ ndih trun dalam dom mbang mesuh metak peih paha bangsa saong khik caga taneh ia palei negar di kabo liệt sĩ tỉnh Kon Tum saong sang bia hadar liệt sĩ sư đoàn 10 rah tabiak dalam trang nghiêm, thành kính. Bingu di dom kapul hu vak akhar “miat miat hadar dhar phon dom anh hùng liệt sĩ”.

3 # Dom thun jaik di ini, bhap bani Vân Kiều, Pa Cô daok pak huyện bhum ceik Hướng Hóa saong ĐaKrông, tỉnh Quảng Trị hu thau pagam pambak tame taneh riya, pala dom janih phun, abih di nyu lac phun bei plom, nan ye sang halei jeng hu jien mek tame tani tanat, ralo sang jeng kaya meda.

4/ Ngan saong kadha “3 taneh ia, sa labik nao tal”, parang iek du lịch dunya labik tam giác patagok VN, Lào saong KPC hu peih tabiak di harei 11/9 di Sealinks Beach Hotel ban Phan Thiết. Ini lac bruk ngak dalam nyaom meyai dunya “pambuak gauk patagok DL bhum tapen tasik gah kreih negar saong bhum Đông Nam Bộ, Tây Nguyên, dom taneh ia Nam Lào saong gah ia-san KPC” rah tabiak di ban Phan Thiết, tỉnh Bình Thuận piah yaih khan dom siam lagaih saong cơ hội đầu tư du lịch di dom puk palei dom taneh ia hu mbaok tame nyaom meyai.

5 # Dom thun tapa, hu bruk sang ka di Ðảng saong Karja, tỉnh Kiên Giang hu peih ngak siam dom danak dak, dự án buh jien tame ngak cơ sở hạ tầng kinh tế - xã hội bhum urang bangsa takik. Meng bruk buh jien tame ngak jalan điện – sang bac – balai y tế , baoh sang hu pandar điện  negar pak Kiên Giang hu labaih 95%. Taong abih xã hu balai y tế saong hu jalan radaih 4 baoh nao tame tal pasak xã. Baoh sang urang nong hu pandar aia hacih meng 62% urak ini tagok 76%. Jaik abih anek kamuan dalam umo nao bac hu tame sang bac. Rai diuk ilamo di bhap bani oh padeih patagok.

6/ UB bhap bini tỉnh An Giang hu peih bruk padang ngak tatua Tân An nao tapa kệnh Sáng pambuak xã Long AN saong xã Tân An, ban sit Tân Châu. Ini lac jalan praong pambuak ban sit Tân Châu –tỉnh An Giang di VN saong ban ine Phnom Penh di taneh ia Campuchia.  Tuk tatua hu ngak salah bloh meda dui panak jalan radaih saong jalan ia meng An Giang di VN tal ban ine Phnom Penh di Campuchia. Taphia di nan, jalan ini jeng daong ba pandap panda di tỉnh An Giang saong dom tỉnh dalam bhum taneran kraong Cửu Long nao tame darak dom taneh ia dalam bhum Đông Nam Á. 

7 #  Kuhria meng akaok thun tal ini, Pasak Pato bruk ngak saong daong ka urang nong tỉnh Bình Phước hu peih pato 5 tal, ngan haong dom bruk ngak yau: ilamu pala bimao, phun pa-aok blait, ilamu raong glang saong pacang caga ruak ka menuk. Tapa dom mbang pato bruk ngak, pasak hu ba bruk ngak ka labaih 3.560 urang tame ngak bruk pak dom trang trại, nông trường cao su ngan haong jien bilan meng 4,5 - 7 triệu đồng sa urang sa bilan. Taphia di nan, ralo urang bac bloh eng drei nao duah bruk ngak,, daok veik nan mai ngak di sang.

8/ Kadung jien daong uranaih tỉnh saong Jabat lao động – thương binh saong XH ban sit Long Khánh, tỉnh Đồng Nai pambuak gauk peih bruk alin hadiah paok jien bac “yam tapa kan kandah bac daa naih joi – daong pren tal sang bac” thun bac 2015 – 2016 ka 90 anek saih gaok kan kandah yam tagok bac daa naih joi di ban sit. Dalam nan, 40 anek saih taduan hu jien bac “yam tapa kan kandah bac daa naih joi” yaom 1,5 triệu đồng sa paok; 50 anek saih taduan hu  yaom jien sa triệu đồng sa paok./.