1 # Pak Hà Nội, Đại tướng Trần Đại Quang, Ủy viên Bộ Chính trị, Akaok Mentri Công an bahrau taduan raok urang lambaok pakat glaong Mentri An ninh Lào kayua Thiếu tướng Somkeo Silavong, Ủy viên Ban chấp hành Trung ương Đảng Bhap bani Cách mạng Lào, Akaok Mentri An ninh negar Lào ba akaok tapa rivang, hu mbaok dalam Lễ Pahadar 70 thun harei padang Công an bhap bani Việt Nam saong 10 thun Harei roya taong abih bhap bani khik caga An ninh palei negar. Pak van taduan raok, tui ủy quyền di Akaok negar Lào, Akaok Mentri An ninh Lào Somkeo Silavong hu alin ka Mentri Công an Việt Nam Huân chương Hữu nghị di Karja  Lào.     

2/ Pahadar 70 thun CM bilan 8 song harei negar 2/9 di sang parang iek 93 jalan Đinh Tiên Hoàng, Sở Ilamu , Thể thao song  Du lịch Hà Nội peih parang iek thaot binguk hu angan “Vang mãi niềm tự hào”. Parang iek hu labaih 100 blah thaot binguk brei mboh tapa dom tukvak sajarah dak rai praong di bangsa song di ban ine HN.

3 # Sở Pato megru Hà Nội bahrau hu harak tacei pato cambaih laih ka bruk peih mbaok thun bac 2015 - 2016. Tui nan, tukvak peih bruk tame thun bac bahrau di taong abih dom sang bac dalam bal ine Hà Nội rah tabiak di page harei 5/9. Tukvak brei thau meng 7tuk meteh pataom mbaok anek saih, taduan raok anek saih akaok pakat saong tamat salah bruk peih mbaok thun bac bahrau di tukvak 8tuk meteh. Yau nan, bruk peih mbaok thun bac bahrau di dom sang bac meda rah tabiak dalam 1 tuk. Asal kadha di harei nan njauk caik hatai tal bruk taduan raok anek saih akaok pakat, ngak ka harei nan jeng harei roya tame thun bac bahrau di dom anek saih.

4/  Công ty Trách nhiệm hữu hạn Bảo hiểm Nhân thọ Prudential Việt Nam pambuak bruk song tỉnh Đoàn Khánh hòa bahrau peih danak dak “Trách nhiệm xã hội cộng đồng”. Danak dak hu alin brei 100 sruh radeih juak yaom abih tih 220 triệu đồng ka anek saih, SV sang kan kandah, bac megru naih joi dok di dom huyện  Khánh, Cam Lâm, ban sit Nha Trang song ban sit Ninh Hòa; 10 bộ komputer yaom 80 triệu đồng ka Pasak dong XH song bruk ngak XH ban sit Ninh Hòa, Pasak Phục hồi chức năng song pato pakai uranaih jaoh jo di Khánh Hòa. 

5 # Kapul daong urang jaoh jo Việt Nam pambuak haong Sở Lao động - Thương binh saong Xã hội tỉnh Tây Ninh bahrau alin brei 250 pok jien bac ka 250 uranaih kathaot kham merat bac da-a dalam tỉnh. Tui nan, yaok adei anek saih taduan hu sa pok pandap yaom 1 triệu đồng, dalam nan hu jien saong dom janih pandap brei ka bruk bac da-a yau ye: katap, tapuk, siphau kalam… Ini lac bruk ngak piah pachreih dom adei kham merat nao bac, yam tagok dalam bruk bac da-a. 

6/ Meng pok jien dong di Trung ương Kapul Chữ thập Đỏ Việt Nam, Kapul Chữ thập đỏ tỉnh Ninh Thuận bahrau brei bồn ia pandar ka 215 boh sang urang bangsa takik daok di huyện Bác Ái. Yaok boh sang hu taduan mek sa baoh bồn ia praong 300 lít, yaom jiak 10 triệu đồng sa bồn. Bruk brei bồn ia mbang ni hu dong ka mik va dok di bhum thu lagu hu ia pandar, patrun bruk pandar ia oh hacih saat.

7 # Piah khik caga tapol athur raong dalam bilan hajan, mBan tacei pato pacang caga jit ruak phun pala, anek athur raong tỉnh Trà Vinh daok peih ngak ralo jalan pacang cakak jit ruak di tapon athur raong. Meng akaok thun tal ini, dom urang jakar gah thú y palei pala hu klauk jru pacang caga jit ruak ka jaik 3 triệu drei menuk ada; labaih 520.000 drei athur raong; peih bruk pruh jru pametai anek ruak ka labaih 2 triệu mét vuông van ro…

8/ Gah y tế tỉnh Tiền Giang dok pataom pren yava, pandap panda tame pacang padam jit pandiak tabiak dalam xã Kiểng Phước song ban sit Vám Láng,  huyện Gò Công Đông, piah pacang cakak oh caik ka ruak patuh tabiak saong pambak praong. Gah y tế Tiền Giang hu panuac kakei bhap bini bhian puh ramik taom dar labik dok, piah jamuk oh hu labik meboh. Langiu di nan, njauk sangka tuk hu urang pandiak glong livik harei, tagok dom tanut meriak di angaok klik, njauk ba urang ruak tal cơ sở y tế piah hu iek ruak chip./.