1/ Bhap bini Khmer Nam bộ hu jiak 1 triệu 300 ribau urang, meblah 8% menuac sia di bhum taneran krong CL. 5 thun tapa, rai duik mbang ngui daok dang  di urang bangsa Khmer daok hu patagok, trật tự an toàn xã hội bhum urang bangsa takik hu tani tanat. Hatai jia di mik va ngan song bruk pan akaok di Đảng dak harei dak khang kajap, abih di nyu nan lac tuk halei jeng caik hatai caong tame nyaom orya đảng pakat negar mbang ka 12. Thượng toạ Lý Minh Đức, trụ trì  baha Sam-rong, ban sit Sóc Trăng, tỉnh Sóc Trăng cong khin, urang pan akaok đảng dalam tuk vak bahrau njauk hu dom sarak bahrau dalam bruk pato pakai song paglong akaok sahaneng ka mik va bangsa, sangka pato bruk ngak ka anek kamuan urang bangsa takik.

2/ Kapul liên hiệp dam dara tỉnh Bắc Giang barau peih harei pataom dam dara urang ngak saong pok meyaom dam dara urang ngak hadah krah thun 2016. 30 dam dara urang ngak hu pok meyaom lac dom kreih camin dam dara urang ngak hadah krah dalam lao động, sản xuất. Dom bruk ngak di dam dara hu rik daong patagok bruk ba akaok nao dahlau di dam dara urang ngak dalam bruk jhul pakhang CNH, HĐH di tỉnh Bắc Giang.

3/ Harei 18/1, dalam mbang nyaom di UB bhap bini ban Cần Thơ ka bruk pablei kaya nong hacih saat tuk tết nguyên đán 2016. Bruk pablei kaya nong hacih saat dalam tuk tết piah pambuak urang sx song urang pandar hu khang kajap jang. Tui kuhria meng harei 25/1, ban Cần Thơ hu peih dom labik pablei salih kaya nong hacih saat dalam tuk tết.

4/ Ngak tui  kapul nyaom, pambuak bruk gam hu kein laba, urang nông tỉnh Cà Mau padang hu labaih 10.700 ha mblang hamu praong, sản lượng 540.000 tấn dalam thun 2015, pachreih hu jaik 9.000 baoh sang urang nông hu mbaok tame pambuak bruk ngak mbang. Hu mbaok tame bruk ngak ini, dom baoh sang bhap bini samar  pacang  hu dom kan kandah di langik tasik, halak halin, abih di nyu nan lac hu tacei pato, ba ilamu tame bruk ngak padai siam ka môi trường. meng nan, patak pataom hu pajaih, khak drak, jru hóa học…. patrun biak ralo jien buh tame, patagok kein laba.

5/ Tuk vak ni, urang nong tỉnh An Giang dok kham merat trun pajaih ginup abih mblang padai đông xuân 2015- 2016,  peih bruk tabiak rivang mblang hamu, pacang caga ruah đạo ôn, takuh palai kaik di mblang padai bahrau trun pajaih, piah khik hu năng suất song sản lượng padai dalam thun 2016.

6/ Harei 18/1, taduan hu panuac khan di bhap bini, gah chức năng xã Gia Kiệm, huyện Thống Nhất, tỉnh Đồng Nai hu nao pasang iek labik sik pabui lậu di palei Đông Kim, xã Gia Kiệm, kayua ong Trương Hoàng Mộng Ngân daok di labik nan ngak po. Di tukvak pasang iek, gah chức năng mboh 4 urang likei daok sik 5 drei pabui, di labik sik ralo rilo saong tung pruac pabui hu caik di ala papan sang nerak tachauk.  Patui pasang iek ralo thùng xốp caik dalam sang, gah chức năng duah mboh ralo drei pabui hu sik laih sambo, mbau bruk hu ướp dalam thùng patau cang ba nao pablei, abih tih ralo saong nội tạng pabui njauk jabat duah mboh nan trak 920 kg. Kayua số lượng pabui duah mboh biak ralo, gah chức năng xã Gia Kiệm njauk khan ka jabat thú y, kapul khik iek drak 11 saong công an huyện Thống Nhất thau saong jao veik ka gah chức năng huyện.

7/ Dom harei ni mboh Tết yau dok mai jiak tal angaok dom canah jalan tapen negar huyện Vĩnh Hưng, tỉnh Long An. Mik va labik ni mboh sambai jang, bui hatai jang kayua hu rilo jang dom jalan, boh tatua, boh sang bahrau siam mekre bo urang karja, urang lin Bộ Chỉ huy Quân sự tỉnh alin brei. Dom danak dak bahrau oh lac dong klah rabha kan kandah dalam rai duik bo dok hu daong ka tani tanat rai duik bhum tapen negar.

Patui di ini dom khau tin dunya:

8/ Rajaei A Rập Xê-út brei padeih blei tame dom pandap ngak meng menuk ada, baoh saong ia tasau meng 7 bhum di Prang, hadei di tuk duah mboh sa sruh jit cúm menuk ada di dom labik nan.

9/ Cuba mbang camereip hu mbaok di sa mbang nyaom an ninh quân sự kayua Mỹ dong. Ni lac bruk ngak hu makna prong dalam tuk 2 negar dok pambuak pasiam  veik talei rohim. Gam song Cuba, mbang nyaom dok hu mbaok 16 negar dok dalam bhum tasik ni song Mỹ Canada, Pháp, Hà Lan song Anh.

10/ Hadei di mbang nyaom rajaei harei 19/1, Thủ tướng Cộng hòa Séc Bô-hu-xláp Xô-bốt-ka brei thau, rajaei taneh ia ini pachreih tui bruk đề xuất di UB châu âu piah khik catang bruk pasang iek taphia negar, dalam nan hu bruk padang kapul khik caga taphia negar angaok tasik saong angaok thu hong gauk di khối, piah pacang cakak menuac nhập cư./.