1/ Mesup harei ini 20/1 hadei di tuk tame sirah Chủ tịch Hồ Chí Minh, dom urang hu mbaok dalam nyaom roya pakat negar mbang 12 di đảng hu ginum biai var trù bị, brei tapa 7 kadha prong dahlau di tuk peih nyaom orya di harei pagaiy 21/1. Patui di nan, nyaom roya hu ngak salah bloh dom bruk prong yau palih ruah Đoàn chủ tịch, Đoàn thư ký, mban thẩm tra tư cách đại biểu, brei tapa danak dak ngak bruk di nyaom roya, brei tapa quy chế palih ruah di nyaom roya song Pathau khan thẩm tra tư cách đại biểu.

2/ Tui panuac di labik khik iek jalan pasei Lao Cai brei thau, meda hu gilac 1 gu radaih puil nao mai jalan Lào Cai –HN piah pabak bruk nao mai di tuai damuai tuk tết nguyên đán. Yau nan tuk tết nguyên đán anek sak kara 2016, yaok harei dalam adit meng harei som tal harei car meda hu 4 gu radaih pui, daok harei adit hu 5 gu radaih pui nao mai jalan Lào Cai – HN saong HN – Lào Cai.

3/ Uan raok Tết Nguyên đán anek sak kara 2016, mintri Lao động - Thương binh song Xã hội hu padang dom kapul nao rivang, brei pandap ka dom pasak Điều dưỡng Thương binh di Bắc Ninh, Bắc Giang, Hà Nam, Thanh Hóa, Bà Rịa, Vũng Tàu. Yaok pok pandap brei kapul nyaom yaom 3 triệu đồng song ka yaok urang lac 500 ribau đồng.

4/ Tui kuhria mboh di BHXH tỉnh Lai Châu, meng akaok thun 2015 tal ini, hu jaik 440 ribau mbang urang kan kathaot hu iek ruak, ngan saong yaom jien meng kadung jien BHYT lac labaih 94 tỷ đồng. Tapa nan brei mboh sarak BHYT dak harei dak tame dalam rai diuk di urang kan, bhap bini bangsa takik hu mbang tui ginup, njauk sarak BHYT, rik daong paglaong pren yava, tani tanat rai diuk di mikva. 

5/ Di bhum Tây Nguyên, bruk pandiak bhang thun ni nyu mai tal avar jang song daok mboh hu dom kan kandah. Di ban sit Kon Tum, tỉnh Kon Tum urak ni yaok rituh boh sang dok laik tame bruk kurang ia pandar ngak ka rai duik gaok kan kandah. Amuk Võ Thị Kim Ngọc, daok di palei 8, xã Đắc Cấm, ban sit Kon Tum brei thau: Sang hu bingun min bilan ni abih ia ye. Hu jien ye blei sa tét ia 100.000 đồngpandar labaih 2 harei abih ye. Sang ni oh hu jien blei nan ye tabiak krong pajeng ia mai

6/ Tal urak ini, UB bhap bini tỉnh Kiên Giang hu jao harak chứng nhận ka 56 pandap ngak công palei pala hadah krah di tỉnh. Ini lac dom pandap hu palih ruah meng 86 pandap di 4 nhóm: thủ công mỹ nghệ, kaya nông, kaya glai, kaya ikan saong ia menyum; thiết bị, jamriah, pandap cơ khí saong nhóm pandap karei.

7/ Padang talei pambuak bruk paglaong yaom hadang di palei pala, patagok pren meriak gauk ka gah hadang tuk vak mbeik drei tame dunya lac asal kadha di mbang ginum biai kayua Sở ngak nong song patagok palei pala tỉnh Sóc Trăng pambuak bruk song pasak pambuak bruk dunya rong pala song ngak kaya ikan khang kajap (ICAFIS) peih tabiak di harei 19/1. Di mbang ginum biai, urang pataom tame ginum bruk di anak meta, jalan ngak di tỉnh dalam bruk patagok chuỗi, sarak jien ndua di karja dong ka chuỗi, darak pasa sx tui liên kết chuỗi, dom kan kandah, tavak tavaiy dalam pambuak bruk, saong ba tabiak dom jalan ngak piah dom gah hu klah rabha dom kein laba, dom khat lihik.

Patui di ini dom khau tin dunya:

8/ Harei 19/1, ralo báo praong di TQ yau mạng nhân dân, Tân hoa xã hu brei thau ka bruk kuhria caga jeng yau danak dak bruk ngak di nyaom roya  pakat negar mbang ka XII di đảng Cộng sản VN. Mạng Nhân dân hu 10 rup thaot brei mboh bruk chreih chrai di ban ine HN “Uan đảng, uan thun barau”, Tân hoa xã hu kadha vak brei thau dom jak jeng praong dalam 30 thun salih barau di VN saong nyaom roya jaik tal hu makna praong kayua VN daok jhul pakhang patagok kinh tế - XH.

9/ Gah lao động dunya harei 19/1 tabiak harak pathau khan lac, urang oh hu bruk ngak di dunya meda trun 5,7% dalam thun 2017 dut song 5,8% di tuk vak 2014- 2016, kayua darak pasa bruk ngak hu tagok di Mỹ Châu Âu./.

10/ Kadung jien dunya barau patrun dự báo patagok kinh tế dunya dalam thun 2016, kayua bruk patrun di kinh tế TQ saong yaom menyek trun meda lpacang jalan patagok di dom nền kinh tế barau brok tagok saong dom taneh ia ngak menyek./.